فلوس ابويه وديوني

السلام عليكم / انا موظفه ولكن زوجي مفصول من عمله من مده وفقير ما عنده اي دخل وورطني معه في ديون ما يبقى من راتبي الا ٨ الاف تروح في ثلاث سيارات بنزين وزيوت وعندي اولاد طلبات ما تخلص وشغاله وانت عارف البيوت وانا الوحيده اللي اصرف / المهم ابويه معه خير وقال لنا قبل اسبوعين معي فلوس وودي اعطيكم لكن احس ماعليكم خلاف فلذلك بحطها لكم في عقار وهو معه عقارات كثييير في ابها وفي جده واحنا خمسه ثلاثه اولاد وبنتين معه حول ١٢ عماره ومزارع واراضي يعني مانبغى عقار المهم انه سافر ولا اعطنا شي / انا وواحد من اخواني الاولاد المحتاجين والباقين مبسوطين ولكن يعلم الله ما علمت اهلي بطروفي اسكت وامشي معهم في القطات وفي كل شي ساكته مابغى افضح زوجي ولا انه راعي مخدرات ومفصول ولا منه فايده وقد انسجن ٣ مرات والله ما علمت محلوق اقعد في بيتي مع عيالي لين يطلع / المهم كلمت اخويه قلت ابويه قال كذا وكذا وانا محتاجه وعليه دبن فوق ٣٠٠ الف وماعلمت احد وودي تكلمه اذا هو صادق يعطينا فلوس مابغى عقار قال طيب حتى انا محتاج فكلم ابويه قاله ابويه انا حلالي لكن واللي محتاج منكم يكلمني وانا مابقصر معه ابويه بعيد منا من زمان ولا نقدر حتى نسولف معه شخصيته مره ما يحب احد يتقرب منه فما نشعر اننا نقدر نمون عليه او نكلمه مع انه طيب لكن مدري كيف / السوال كيف اقدر اطلبه وانا ما اقدر حتى اسولف معه في اي شي غير اتحمده وبس ؟ كيف افاتحه وانا والله اكلمك الان ما في حسابي الا ٥٠٠ وباقي رمضان وتعرف مصاريفه والعيد والعيال وثيابهم وسيارتهم فكيف اتصرف ؟