فلوس زوجي لغيري

السلام عليكم ....

مشكلتي وبإختصار ....إن زوجي اغلب صرفه لبيت أهله وأمه ...مع العلم إن اهله أغنياء ماشاء الله ( أغني من زوجي ) الله يزيدهم ويبارك لهم

يضايقني كثير ان صرفه لهم غير طبيعي لدرجة انه إشترى لأمه هديه بضعف ميزانية تأثيث بيتنا ولما اقول له ان الميزانية قليليه وما تكفي فرش كويس للبيت يقول هذي طاقتي وهذا إلي اقدر عليه اوعدك اذا تحسنت الضروف اضاعفها ...لكن هدايا اهله ما تأثر فيها الضروف

مع العلم ان هدايا اهله له أقل بكثير من قيمة الهدايا إلي تطلع من زوجي لهم

هديا زوجي من السفر بقيمة هداياهم لي بمناسبة الزواج

اما نصيبي انا من الهدايا جيد بس ابدا ما تصل لربع قيمة هدية امه بحال من الأحوال


لدرجة أخذته افرجه على شنطه غاليه ومره عاجبتني ...كان رده ياليت عندي فلوس آخذ هالشنطه لأمي

انا عندي مصدر دخل لكن لما شفت صرف زوجي لأهله قررت ما اساعد بشي مع اني ارحمه لما يكون الشي غالي ادفع من عندي بدون ما يعرف

كنت اتمنى إني لما اتزوج اعتمد على زوجي ماديا .....(و انا اعترف ان فيني عيب اكره حاجتي لي شخص )
لكن كنت حاطه في تصوري ان فلوسي وفلوسه بتكون واحد وبذلنا بيكون لبيتنا وبعضنا قبل أي احد


سؤالي هل شعوري طبيعي اني اتضايق ؟؟؟ او انه غلط والمفروض اغض الطرف وما اهتم؟؟؟هل هم احق مني بفلوس زوجي وطبيعي يجيب لأمه الكماليات وإحنا لسا بيتنا ما فيه فرش

هل مع الوقت ممكن يبدا زوجي يهتم في بيتنا وفيني انا وعياله بعدين يا صاحبات الخبره( انا لي 4 شهور متزوجه وسنة ملكة بس)؟؟؟

ايش ممكن اسوي عشان اكسب اهتمام زوجي واهتمامه بمصاريفنا؟؟؟


ملاحظه مهمه انا من اهم اهدافي في زواجي اني احث زوجي على بر أمه لكن هداياه جناااااااااااااان والله اصحاب الملاين ما يهدونها وهذا إلي مضايقني

يارب ما يكون كلامي حش في زوجي ولا اهله بس انا احتاج نصيحتكم وما ابي احكي مع احد في هذا الموضوع