منقول من الايميل
هالفندق لو بتكلم فيه من اليوم لين بكره مراح اخلص ،، فندق يحسسكم انكم شيوخ ع غفله
المهم تم حجز الفندق ليلتين ،، حجزت جناحين مطلين علي النافوره ،،وصار حجز لنا وجناح لاخوي وابن عموا
طبعا الجناح يطلع معاه سياره توصلنا من والي المطار،،
طلعنا من المطار الا بستقبلنا شخص خذا جناطنا ووصلنا بسياره رنج
انا وابوي ركبنا عادي!!
الا اخوي مايبي يركب بسياره الي تنطره ،،
الاخ يبي سياره اكشخ
وجه فقر
وابوي يقوله امش ياولد فضحتنا قال لا سيارتي بالكويت اكشخ من هذي يحلفون ان سيارته ددسن
ونحاول فيه مارضي ونروح بسيارتنا للفندق ونخليه ،،
فجاه دق علينا يقول غيروا لي السياره وجابوا لي اكشخ
قلت انت ركبت سياره سبورت!! قال اي انا قلت اي يصير خير
بصراحه توقعته صاروخ ارض جوا!! بس يوم شفته بعيني دريت انه صاج
المهم وصلنا الفندق،، وكانت بستقبالنا موظفه خاصه فينا
صعدنا جناحنا طبعا التشيك ان يصير بالغرفه
وهالموظفه الروسيه الي تطيح البقره من السما
وسوينا اجراءات الدخول بالغرفه وقالت انا تحت طلبكم هذا رقم موبايلي الي تبونه اتصلوا علي واكون لكم بالخدمه
وسآلت لو عندنا حساسيه من اكل معين او من صابون معين
وسالت عن وردنا المفضل والعطر المفضل
وبلغتنا ان كل الي بالميني بار حلال ومافيه كحول
فندق برج خليفة
:
هذي صوره الفندق من برا
وهذي اطلاله الغرفه اول ماتفتحون باب الغرفه تلقون هالمنظر جدامكم