السلام عليكم ورحمة الله وبركاته
فندق رحاب المروة 1
>> فندق قريب من الحرم و نظيف ورخيص
كنت ابحث قبل مدة عن فندق بهالمواصفات
* قريب " ممكن الوصول له بالمشي وفي مدة قصيرة "
* ونظيف ورخيص " يعني سعره مقبول ومقدور عليه "
لكن للأسف كل مادقينا فندق
قالوا الحجز عن طريق موقع بوكينق
او بعضهم مغلق للصيانه
لذا صار الحجز مباشرة بوقت وصولنا لمكة المكرمة
وللاسف اضطرينا ناخذ اقرب فندق وصلنا له
بس ماتذكر اسمه لكن عليه لافته
" فندق حجاج الحملة التايلندية لعام 1434"
وكان سعر الغرفة 100 ريال
والغرفتين مع بعض ب 200 ريال
غرفة فيها 5 اسرة وفيها ثلاجة وتلفزيون .
والغرفة الثانية 6 اسرة .
ودورتين مياة و مطبخ مايوجد به غير مجلى .
لكن عيبه ( الحشرات ) صرصور من كل جهة يطلع عليك
ولا صارو يطلعون الا بعد مادفعنا كنهم متفقين :unhappy:
ولما كلمناهم قالوا عادي كل الغرف كذا ..!
-----------------------------------------
طلعنا من هذا الفندق
والحمدلله توفقنا في فندق نظيف
فندق " رحاب المروة 1 "
الليلة ب 300 ريال ..
سويت يتكون من غرفتين نوم
غرفة ب سريرين
والغرفة الثانية اربع اسرة
ودورة مياة لكل غرفة .
شوفوا الصور ..
> هنا الدولاب ..
وهذا المنظر لما تفتحون الستارة
>> دورة المياة الله يكرمكم
وبس هذي الصور اللي عندي نسيت اصور الغرفتين بالكامل
لكن حبيت افيدكم بما اني جربت هالفندق
وعلى فكرة قريب من الحرم مو يعني بتطلعين بتشوفين الحرم
لا بس ياخذ منك مشي 10 دقايق او ربع ساعه
اقل اكثر ع حسب مشيك :slider:
ومافيه متاهات بالطريق
ويوصلك مباشرة على جهة السعي " المروة "
هذا العنوان والكروكي
الحمد لله رب العالمين اللي يسر لنا روحة مكة
وعلى فكرة لسة راجعة اليوم بس حبيت من قلبي افيدكم
للي بتروح هالفترة لان الحين مثل ماتشوفون مافيه زحمة .
واللي تستفيد من الموضوع فقط طلب :
تدعو لموتى المسلمين بالرحمة والمغفرة
واعذروني لو طولت عليكم
السلام عليكم ورحمة الله وبركاته