*** فن أستقبــــــــــــــــــال الزوج ***

هوهاذا الموضوع اللي أدوره من زمان ومستحيه أطرحه قلت يمكن ماتجاوبوني عليه
أنا زوجي لما يجي يدخل البيت ودي أقوله من هالكلمات الحلوة لكن ماعارفة ولامتعودة أصلا يمكن هذا يعتمد على العادة في بيت الأهل
ساعدونا بنات قصدي حريم

هلا بك خاطفة العبرات

شوفي عودي نفسك بكلمات بسيطه بالبدايه بعدين تتعودين

مثلا أبدأي بكلمة هلا بك
واتدرجي لحد ما تغوووصين في العميق

الله يوفقك :26:

والله الوحده ودها تقول اللي عندها...يمكن يفيد..

بس زي مانتي شايفة الموضوع حساس...وانا انحرج اتكلم بصراحة..

الااذا زودتيني بأسمها عن طريق الخاص..ان شاءالله اقدراساعدها..

والرسالة تكون بدون وسيط..منعاً لأحراجي..

واذا ماينفع..فااتمنى تلقى من الأخوات اللي يفيدها..

اعرفهم..مايقصرون:26:

ونة خفوووق

شكلنا نكتب مع بعض

أكتبي بلا وصف
وأكتبي بلا خصوصيه

حتى تفيد الجميع

الموضوع ليس لها فقط ,,,,
وانا أرسلت لها رد أكثر مماكتبته

لكن القصد هي تنتفع والجميع لأني أرى أغلب المتزوجات لايتقن هذا الفن


فهمتي علي

عااااد مو لدرجة ماعاد تفيدينا يلا انا جالسه الليله انتظر منك رد مفيد مثلك

على فكره أسلوبك يعجبني مررررره خاصةاذا أستخفيتي دمك

تسلمين على كلامك وتشجيعك..ام مسلم..

وهذا من ذوقك ياقلبي..:32:

بس مدري وش اقووووول...اللي ابي اتكلم فية..

كلام متنيل بستين نيلة...:35:غير اللي في بالكم نهائي:29:

بس ابي انصحها نصيحة لوجة الله...عقب كلامها هذا



الواحد اذا مالقى الدلع والحب والغرام من زوجتة..بالله وين يلقاة فية..

اذا زوجتة اللي ربي محللها لة..تستحي وتخجل...اجل من هي اللي بتملئ عينة وتشبعة..

لية اذا دور الحرام..سوت الوحدة فيلم هندي..

واذا فكر يعرس فيلم مكسيكي:o

لية تقول زوجي يقزقز الحريم..ويطالع فيهم..مالومه..لأن الحريم مايستحون في الشارع..

وانتِ تستحين..في البيت

حطي في بالك..بارضاءزوجك..ترضينة وترضين رب العالمين..

الحين لي جت الضيفة عندك..هليتي ومرحبتي فيها..وزوجك تستحين..

لازم الوحده..تخلي من نفسها عروس لكل يوم...

تتجدد له..

في اللبس..في العشق..في الغرام..حرام تمنعينة من كلش ..وفي نفس الوقت تبخلين علية..

* لازم اول من يستقبلة عند باب البيت انتِ..بملابس بيت..

واعني بها القصير والبنطلون والشورتات..مهوب قميص بيت مشنتر..

وبزارينك تضفينهم ذيك اللحظة..دوري اي شي يشغلهم..

_ _

* تستقبلة بكامل اناقتها..ويكفي لو رسمت الحواجب مع روج ناعم وكحل..

بأبتسامة متشققة منها..كنها ماشافتة من سنة جدي_الله يرحمة_

_ _

* قولي (( هلا والله وسهلا بقلبي وحياتي..اشتقنا لك..))

وشوفي تأثيرها بعيونة..ولاخشتة مافية امل زي ماهي مسكرة..

ولازم ********** و*********** <<===مشفررررر

تسبقها ريحة عطر يحبها وتعجبة << هذا ان قدرتِ تعرفين مزاجة

_ _

خلي الأكل جاهز والبيت بارد ومبخر..واجلسي معه..وغمضي عيونك ودزي لقمة بثمة

وسمي علية..لايرتاع ويغص من الصدمة..وانتِ مغمضة تخيلي انك في عالم ثاني بعيد عنة..

علشان ماتستحين..

_ _

تحاول اذا جلست..تتلصق فية..زي كل مرة تبي تطلب منه فلوس ولاتبي طلعة ماعاد تتعداه..

وان عطاها فلوس..زين على زين..:21:

_ _

تحاول تبدى هي باللمس..الناعم...مهوب تحترية..

ترى حرام كل شي لازم يبدون فية:( ترى والله ملو وطفشوا..وماتت احاسيسهم من البرودة

اللي فيكم...وتحاول تقول لو كلمة زينة...

_ _

وقت النوم وما ادراك ماوقت النوم..مالومة لو يفرش في ساحة البيت ولا في السطح وينوم..

بقول كلام وحاولوا تفهمونه..

او كنتِ تهدين وحده عزيزة عليك هدية في كل مرة تشوفينها فيها...

وتمر الأيام..ولافكرت في يوم ترد الهدية..في النهاية..بتقللين الهدايا..

ويمكن تحذفينها نهائي...تكدين على يتمان << عاد هذي منيب مترجمة..

غير كذا..اكرة شي..لما الوحدة تنتظر مناسبة كذكرى زواج..او رجعة زوج من سفر..

تحاول الوحده..تخلي كل ايامها ذكرى...تهتم في نظافة الغرفة..وترتيبها..

وتعطيرها..ولازم ماتنوم الا وهي ماخذة دش..وقميص ناعم...وجو شاعري..

والى هنا.....************************ ماعاد اقدر اكمل...بودي..

لأن هنا الأساس...ممكن لو تسوين اللي قلتة كله قبل..

تهدمينة في هاللحظات الباردة..اللي بتكونين فيها بلا حركة..ولا تفاعل..ولا مبادرة..

ترى اذا تم البرود على طول..اضعف الأيمان لو ماتزوج..او دور الحرام..

بتكونين حرمتية حقة..وظلمتية..

* في اوقات الخجل..من اي شي تبين تسوينة..او تقولينة..

لاتركزين في الموضوع نفسة..تذكري اي موقف ثاني مر بك..

وارمي الكلمة او الحركة..صعبة..مااقول لا...لكن كل ماتذكرتِ

ان هالكلمتين المحرجة..كلها كم مرة..وتصير عادي..ماعاد تنحرجين بعد كذا..

واذا سويتِ اللي قلتة كلة..او بعضة...

صدقيني...بتلاحظين الفرق...بتتغير معاملتة..وطبعة..وبيصير بس ولهان عليها

وعلى جلستها...وبتتغير حياتكم بشكل عام..

آسفة ان اطلت..او غلطت يامشرفتنا الغالية..

واعذريني..لو تسببت في كلام مالة داعي..او اسلوب لكم علية..

وعذري الحالي..اني اكتب بعين مفتوحة وعين مغضة من النعاس

وسلامتكم