فتافت رهيب كلامك

بزيد حاجة وحيدة

مو كل الاساءات تتطنش ، ولا كلها ينرد عليها
في اساء تطنيشك لها يريح بالك + يرفع مقامك عند الناس
وفي اساءة تطنيشك لها يوجع قلبك بعدين + يظهرك قدام الناس
بمظهر الضعيفة العاجزة فانتبهي

حسب المقصد من الاساءة الي تعرفينه من خلال تعامل الشخص العام معك
اذا الشخص اساء لك بشكل صريح (ماتعرفين تسوين كذا) وكان بينك وبينه
عندك حلين يا اما تكسرين فيسه تكسير باسلوب مرح او عتاب واذا قال لك ماغلطت
قولي جيبها باسلوب احسن ان كذا الطريقة الصح

نفس الكلمة انقالت لك قدام الناس ، ردي بصوت حازم انك تعرفين
تسوين الشغلة الفلانية وماتحبين احد يحكم عليك بالملاء
جا الشخص يبرر ، تبريرها كان منطقي ارجعي عيدي كلامك قولي انك
ماعندك مانع تسمعين رالي الناس بشغلك بس مو على الملاء
تبريرها خرابيط وشي مو مقنع اسكتي لين تنتهي السالفة ولا اطلعي لين تخلص

في الغالب الناس الي تسيئ لك بشكل مباشر وعن حسن نية يكونون
ناس يفتقرون للذوق في التعامل مايعرفون ينتقون كلامهم زين
ومه حسن نيتهم الا انهم يبي لهم قرصة صغيرة عشان ما يستمرون على الغلط

اما الناس الي تجيبها من تحت لتحت ودق بالحكي ففي الغالب يكونون
قاصدين يستفزونك ، وهذولي الي صدق تقدرين تطنشينهم وبعد تقدرين تردين
عليهم لو حبيتي اما بعبارات مباشر معناها او غير مباشر الي تبين
المهم انك تردين بالطريقة الي ترد لك اعتبارك لا تكهرب الجو
وانهم ايضا منايقرون يخربون جوك العام ووناستك

بشكل عام سمعتي كلمة او تصرف ما جاز لك ماقدرتي تردين في حينها
خلاص لاتفكرين وروحي دوري وناستك وجلسة السوالف الي تحبينها
يعني لحقتي تردين اول باول كان بها
مالحقتي بتلحقين المرات الجاية هههههه

هدي اعصابك وبطلي الحساسية واهم شي صحتك واذا حسيتي بالغضب والغليان توضئ وتعوذي من ابليس

واهم شي رضى ربك عنك

انا بقولها لك التطنيش = الشي الي منت قده وخر عنه ..
يعني مثال :
رتبي الناس من المهم ف الاهم ..
انتي تبين اهل الزوج .. طيب شوفي
المهم في اهل الززوج كلهممممم من ؟؟؟
الام معروفه ..
ركزي عليها غثتك تهاوشت معك صارخت عليك حرشت ولدها
ضربت عيالك تكلمت عليك ..
هنا من المهم بعدها ؟؟؟
ززززوجك ..
اذا كل ذا الي سوته لك وتحارشتي معها وتهاوشتي وتزاعلتو
من يبي يتأأأثر بذا كله ؟؟؟
الززوج
ليششش لانها حللللوه البن لو تضربه بنعالها يبوسهاا لانه امه
اجل مابيرضا عليهااا ان زوجته تتهاوش معها ولووووو انها غلطانه عليها
يقوول وششش هاذي امي ... امي مابدلها لكن انتي بدالك 4
واخراتها تتطيح على من يالشاطره ؟؟
على رااااسك
وتتطلعين انتي بسوواد الوجه وغلطانه والناس كلها تقووول ياخززياه تهاوشت مع حرررمه كبيره وووويللي هههههههه
تجين هنا تكتبين انا صار لي كذا وكذا وكلهم وش يردون عليك مهما كان هاذي حرمه كبيره اكسبيهااا و و و و
عشان كذا البنات ب الردود يقولون لك طنننننشيهاااا وخلك رسميه
معناهااا انك ..
مهما حاولت تستفزك وتهاوش وتصارخ وضربت ولدك ولا قالت لك شئ
ولااااااا كنك تسمعين لها ابدددد
اذن من طين واذن من عجين ..
هزي براسك وابتسمي ابد خلك هنديه عندها
احترميها قدام الناس اكثر شئ يعني ب العربي المظاااهر تخدمك صدقيني .. الناس مالها غير الظااااهر
وش يبون يقولون والله بنت فلان والنعم فيها وفي امها الي ربتها
رغم ان ام زوجهاا شينه الا انهااا بنت ناااس ...
افرحي في نفسك وعزيها وافتخري بتربيه اهلك لك
اما في البيت عندها طنششيها وطنشي كلامها وغيري المواضيع وسولفي مع البناااات لا تكلمينها كثيررر .. او العبي مع عيالك انشغلي عنها ب العربي ..
ودايم معها خلي حواراتك ب الاشياء القديمه خخخ خلها تسولف لك عن الماضي .. واهلها واخوانها تفررح ان قلتي لهاا شئ عنهم ..
لا تسألين عن سلفاتك او بناتها او عيالها نهاااائيا ..
لا كيف حالهم ولا غيره ابددددد .. مايهمونك ماغير تفتحي على نفسك ابواب ..
نجي للمرتبه الثانيه :
اخوات الزززوج ..
ان زعلتي وحده فيهن ... من الي بيزززعل ؟؟
الام هههه
وش راح تقول ل ولدهااا حرمتك عملت وسوت لبنيتي وقالت ..
اخت الززوج لا تتطنشيهاااا
ردي لكن من الاسااس خلك وشش رسميه
لا تتدخلين معها بحوارت عن اهلها ابعدي نفسك ..
سولفي عن اشياء البنات اسواق ملابس خرابيططط
قولي عيالي يحبووونك يحبون حلاك الي تسوينه وكذا انفخيهاا
ترى انتي الي مستفيده ..
ب العررربي جاااااااملي .. وحلي لسانك معها
نجي للاهم ..
زززوجك ..
ان قالك امي قالت عنك وانه متضايقه وكذا
قولي انا ما زعلتها بشئ
الحريم الكبار دايم حساسات يزعلون على أي شئ..
حرمه كبيره خلها تفضفض لا تتدخل بسوالف الحريم ..
لو تبيني كان قالت لي بنفسها لا تحرج نفسك بينا ..
وبسسس طنشيه هو الثاني ..
ونصيحه اخيره ..
مجرد تخلصين من زيارتهم وتلبسين عباتك وتتطلعين من البااااب ..
ابتسسسسمي وافرحي وخذي شهيق وزفيرررر ..
وقولي الحممدلله وتعوذي من الشيطاان واقري بنفسك كم ايه وسمي واركبي مع ززوجك ومجرد تسكرين الباااب يعني سكرتي كلللل شئ سمعتيه وشفتيه ..
ارميه ب الشاااااااااارع ... وارجعي لحياتك الطبيعيه معه
بدوون امك قالت وامك عملت واختك ..
خلصنااا انتهى اليوم
ارجعي بيتك وانتي وحده ثانيه وبسسس
فكري بمصلحتك وبسسسس
فكري بعيالك ونفسيتك وزوجك وسعادتكم ووووووبس
واعلمي ان الدنيا زائله ومصير يكون كل هذا من ظمن الذكريااااات
ماتتدرين من اقل او اطول عمر بينكم ..
ف عيشي حياتك مثل ماتبينها تكون .. لااا كمثل مايبون الناس ..

فتافت
الهام
ام بناتي
asiatic lily


الله يسعدكم افادني كلامكم كثير الله يوفقكم وين مارحتو الله يعيني اصير هندية واهز راسي ههههه ضحكة على ردك ياقلبي بس ان شاء الله اقدر

والله انا اشوف التنطيش ان تقطعي الشي من جذوره اقصد يعني اذا اهل زوجك قاعدينلك خلاص خففي زيارتك لهم واذا رحتي لاتطولين سلمي عليهم وتقهوي ولاتتعمقي معاهم بالنقاش يعني لاتعطين فررصه انهم يجادلونك ويضايقونك. وحاولي تجيبي هدايا بين فتره وفتره لهم اقصد المهمين مثل ام الزوج وابوه لو صينية حلا المهم التنطيش عموما حلو ومايجيب الاكل خير ويبعد المشاكل عن حياتك ونفسيتك انا كنت اتضايق من اشياء كثيره بصفه عامه وصرت اقطع تفكيري بالشي اللي يضايقني ولاافكر فيه ومرات اكتبه بورقه واكتب الحلول واخر شي اقطع الورقه وارتاح الحمدالله واذا وحده ضايقتك بالكلام ردي بوقتها عشان ماتقعد بنفسك ردي رد مسكت اما اخذ وعطا ماينفع لانها راح تتفاقم واذا ماعندك رد يسكتها ومن النوعيه اللي تتلبكين قولي الله الهادي راح يحسوا على دمهم والله يعين على هاذي الدنيا