اهلين وسهــلين

انا با النسبه لي اسمع بوحده اسمها نوره الدعيجي بالرس بس مدري عن طبخها زين او لا

وفيه مضاوي الرقيعي بعنيزه يمدحون طبخها


انا با النسبه لي ما احب اكل من الا من طبخ امي الله يخليه لي او طبخ ام زوجي وطباخي :32:

بنات عندي عزيمة في بريده الاسبوع الجاي ..
وأنا ساكنة في الرياض ..
ياليت تساعدوني برقم قهوجية معروفه شغلها يبيض الوجة ..

عندكم ام غدير بالبكيرية
طبخه مرررررررة لذيذ الي يبي رقمه يراسلني على الخاص

مشكورين الاخوات على المعلومات بس ياليت فيه صور واتمنى حتى المحلات كل وحده تقول كل محل وش يضبط وش احسن شي وياليت البنات يحطون صور تقديماتهم حتى نتشجع من بيالات من كاسات عصيروشكرا

مراحب بنوتات قصيم ..

راح أقولكم اللي أعرفه من المحلات .. واللي تتميز فيه طبعاً بذوقي الشخصي فاللي يعجبني ممكن مايعجب غير ..

المحلات ..

في بريده ...

باتشي :: الشكولاتات المغلفة

الأرياف :: الحلويات الشرقية ( البقلاوة - الكنافة رول - رموش الست ) وأكيد الفطاير وورق العنب

أكارشوكولانا :: قوالب التوفي

جهينة :: الشكولاتات المغلفة والشعبيات .. وبرضو عندهم حلى مكشوف الكيلو بـ 100 ريال حلو

روز :: المعمول وفيه عندهم قوالب التوفي والسمبوسات الحلوة مشهور فيها وهي من زمان يسويها ..

الصالحية :: معمول التمر بالتوفي ( فيه مغطى بالشوكولاته وفيه بالقرفه ) جداً راقي وبرضو الشعبيات حلوة عندهم

جرير ( القباني ) :: الميني تشيز كيك جداً حلوة ..

الرس ..

أكيد محل ( ريناد ) عنده حلى بيت جداً روعة وميزة المحل كل فترة ينزل حلى جديد


عنيزة ..

فيه محل صديقتي قالتلي عنه اسمه ( فانتوم ) نسائي وخاص بتجهيز الحفلات

الحلا يجيبونه من الرياض من محل مرينون . والفطاير من عسل وسكر . والموالح من اللافندر
بس الصراحة ماذقت شي منهم إن شاء الله بعزيمة صديقتي هههههههههه


بالنسبة للحريم ..

ماأعرف إلا شغل حريم الرس مع إني مو من أهلها بس الحبايب هناك ( خالتي )

أم محمد بنات خالتي جابو منها المعجنات لزواج إختي ماعليها خفيفة الفطاير وأحلى مافيها الصياني .. وهذي صورتها واعذروني بنات حوسة شوي تعرفون خبة الزواج .. بس قلت تشوفوه على الطبيعة ...







ويمدحون منى الخليوي يقولوا تمسك بوفيهات

وذقت طبخ حريم بالرس ( رز ومقبلات ) بس ماأعرف أرقامهن لإن بنات خالتي هم اللي يتفقوا مع الحريم ( لإنهم أهل الرس )


هذا كل اللي أعرفه .. يارب أكون أفدتكم

ويالله بنوتات نبي حركات جديدة ..