هني عندنا أماكن ومحلات متخصصة في تجهيز غرف الولادة في المستشفى ... يروونج كاتالوج وتختارين منها .. :)

وبالتوفيق

مادري انتي من وين اول اذا بالرياض
تلاقين السكر اشكال حلوه مره وغريبه في الحمود اللي في طيبة
والسكريه ممكن تروحين لااي محل يسوي لك حركه فيها بدل ماتوزعينها بصحون البيالات يعني تقدمينه مثل الشوكولاته
وفناجيل الشوكولاته بالبسكويت بدل الفناجيل العاديه تلاقينها بلافندر وعلى فكره عندهم اشياء راااايقه مررره بعد من الشوكولاته والتمر ماتحطينه بصحن على الطاوله حركه قدييييمه هذي لا حطيه بصحن تقديم فخم او ممكن تروحيت لتمور الصالحيه عندهم حركات تقديم للتمر حلوه مره ومحشيه
والعصير ممكن تجيبين قطعة قماش تل وتقصينها مربع وتلفين الكاسه بها وتكون اطرافها على فوق وتمسكينها من تحت بشريطه ساتان ولاتنسين الشريطه تكون فيها مشمع اللي يمسك ببعض عشان ماتصمغينها وتخرب ترجعين تسوين جديده وممكن تزينين الساتان بورد او فراشات تلاقينها بمحلات الكلف او حلقات الخاصه بالكاسات وممكن تحطين بعد ثلج منور طايحين فيه تلاقينه بالسدحان
والقاتوه الصغار حطيه بفازا عشان يعطيها شكل حلو انا جهزتها جاي شكلها مثل كاسات العصير الكبيره مره جوا هالكاس الكبير حاطه مثل باقة الورد ونفس الفراشه الي بالكاسات حطيتها على الورد وفوقها صحن قزاز مصمغته عليها من فوق وتحطين فيه القاتوه
اما البراويز نفس الشي شغل يدي بصراحه ماجبته من برا انا كان ودي انزل صورها بس مابعد خلصتها الى الان وانا اشتغل فيها :)

اخت جودي انا بصراحه زرت كم وحده من بنات الرياض في المستشفى بعد الولاده وانبهرت بطريقه تقديمهم وهم طبعا ناس ماعليهم من ناحية الماده ومعروفين
المهم اول مادخلت كانت البنت فارشه المكان بالسجاد الايرني ومزينه الباب من برا وكاتبه اسمها عليه واسم البيبي وجايبه صبابه للقهوه والشاي والتقديم جايبه شغالتها
وشفت عندها حركه حلوه لفناجين القهوه وسويتها بحفله لي سويتها الفناجين مصنوعه من بسكويت الايسكريم زي اللي بكون زون ومغلف من جوا بالشكولاته المهم شكلها طبعا زي فنجان القهوه اللي نعرفه
ولمن تصبين القهوه حرارتها تذوب الشوكلاته وتندمج مع القهوه في ثاني صبه لان الصبه الاولى طبعا بتكون بارده ومطلعه من الثلاجه وبعد ماتخلصين القهوه تاكلين البسكويت :42:
وكمان جايبه حركه حلوه من عند محل حلويات ماعرف اسمه بالرياض برواز منظر يعني كبير ومقسم بطريقه حلوه بالوسط وموزع عليه الشوكلاته والحلويات .
تخيلي هذا كله ابلمستشفى وهي تعبانه الله واعلم وش سوت بالبيت لاني مازرتها بعدها :)

شوفي الرابط ولا تسينا من الدعوة

الموضوع ل..حكيمة زمانها..(...بس الكشخة اللي من الرياض تدخل...)

http://forum.hawaaworld.com/showthread.php?t=624443&highlight=%C7%E1%D1%ED%C7%D6

للرفع