فهـــــــد تايسون

السلام عليكم ورحمة الله .... مشاءالله لا اله الا الله هللو واذكروا ربكم قبل لا تنزلون تحت :)
حبيباتي فيه شي غير طبيعي صاير داخل تجويف عضلي مرن بداخلي ... اسمه الرحم رحمنا الله بواسع رحمته ... ادري انه حملي الاول ويمكن ما اعرف وش الموضوع بس متاكده اني مختلفه .... انا اللي ينمو داخل احشائي الملاكم فهد تايسون :blink: ... ادري بتقولون كل الاجنه ترفس وتركل : ... بس عااااد موب وانا بالثااااامن :06: ... وين كلام الناس لا كبر ووصل السابع يبدا يكبر ويضيق عليه القميص وتخف حركته ؟؟
والله حتى الدكتوره مستغربه وتضحك :hahaha: ... احس انه حاط المشيمه زي ذاك كيس الرمل اللي يلكمونه الملاكمين لا تدربوا :7_5_131: ... وحبله السري يلعب به الحبله :dry: ... وبعدين يركل ويلكم من قلب ... تسني مرة ابووووه موب اممممه جعله الصلااااح ... وكله كوم ولا قام يشاهق ( الحازوقه كوم ) لا جته قهرته وانطلق يكيل للعبده الفقيره انواع اللكمات طيب وش ازين بك ؟؟؟؟؟؟ لا ومتسلط على منطقة السره .. زوجي شافه وتحسس بطني وبدت مصالته يقول ليتهم توم واحد ملاكم والثاني مدربه ... ما اقول الا ليته يجرب يوم .. والله ان يطلع مصرانه من خشته ... :blink:
لا وطايح بعاده شينه وهو توه جنين ... لا هزيت بطني سكت عمي .. ولا تركته قام يتصرف معي باسلوبه :S_45: ...
بنات طمنوني هل هذا شي طبيعي ؟؟؟؟؟؟؟؟؟
بديت اقلق ...
والمشكله شانت اخلاقي اذا كنت نايمه ... وجتني رفسه قمت وطقيت بطني واقول بدون شعور .. يا حيوان :icon32: ... اكرمه الله وزاد في حظه بس امرضني وربي ..
وربي ما صار بطن ... صار صالة العاب رياضيه والا حلبه :7_5_127:

ادري طولت ... من من حرررر ما اوووونس لا تواخذوني