*** اضافه *** :

يانجوى خليك معصبه وخليك على المهدئات وخليك عند الطبيب النفسي مقيمه ........... اصلا هذا اللي يبونه وهذا هدفهم وهم قريبين منه لانك الحين منهاره وبكره زوجك ماراح يتحمل تعبك وعصبيتك ومش بعيد يرجع لامهم انا اقول هالكلام ابغى اصحيك ليه تحزنين وتعصبين وليه تنهارين وهذا مطلبهم وتلقينهم الحين مبسوطات ويراهنون عليك ............ يانجوى اعتبرك مثل اختى وباقولك انت اذا رحتي عند ناس وهم يكرهونك ويبون يطردونك ايش بتسوين اكيد بتطنشينهم ولا تتعاملين معهم الا بحذر وراح تخططين كيف تتفادين شرهم صح ؟؟؟؟؟؟ شي طبيعي يكرهونك خصوصا ان امهم عايشه وماتزوجت يعني عندهم امل برجوعها ؟؟؟؟؟؟ كيف كل ماتزوج ابوهم وحده طفشوها وراحت لين ابوهم ييأس من الزواج وبعدين مايقدر يعيش بدون زوجه ويضطر غصب انه يرجع لامهم فهمت والا لا ؟؟ الحين ايش المطلوب اذا كنت تحبين زوجك وتبين تستمرين معاه : اولا :انسيهم وطنشيهم ولاتهتمين ابد انك تكلمينهم او تسلمين واذا كنت عند حماتك وجوا يسلمون اطلعي وخليهم يعني تجاهليهم هم وخالتهم لانها هي معهم تخطط وتحرض وتنقل لهم اخبارك اكيد تفضفضين لحماتك وخوات زوجك وهي الاخبار عندهم وهذا طبيعي لانها اختها فانت حاولي اي كلام بينك وبين زوجك او اي اخبار ماتعلمين فيها اهله علشان خالتهم ماتنقل الكلام وبكذا تضيعين عليهم فرصه معرفه اخبارك..... لو تقدرين اذا فيه جمعتهم ماتروحين خصوصا هذي الايام حتى تهدين بس روحي لحالك لاهل زوجك واستانسي . ثانيا : اتفقي مع زوجك ان مايكلم امهم الا بوجودك ويكون فاتح المكبر حتى تسمعين وتتطمنين اذا كنت مماانت واثقه وحتى هي تحس انه مايخبي شي عليك فاكيد بعدين راح تنقهر وتقلل الاتصالات ...واذا كلمته بالعمل يتعذر لين يجي عندك ويتفاهم معه بتكونون ضيعتوا عليها فرصه انها تثير غيرتك. ثالثا: لو فرضا لو تقابلتي انت والبنات في مكان ماقدرتي تطلعين منه خذي بنتك ولعبيها والا جوالك وانشغلي فيه يعني ماكانهم فيه حتى لو سبوك خلي اذن من طين واذن من عجين وبكذا ضيعتي عليهم فرصه انهم يعصبونك ويقهرونك . رابعا: مش لازم تثبتين للناس انك زوجة اب حبيبه وطيبه وتحبينهم وحنونه عليهم لان رضا الناس غايه صعبه ويمكن بعض الناس يحب انها ترجع زوجته الاولى فليش تتعبين نفسك اهم شي زوجك وامه وخواته والباقي طناش . خامسا : اكثري من قيام الليل والاستغفار يعني خليك قريبه من الله وحاولي تقرأين سورة البقره كل يوم حتى ربي يرد كيد كل من اراد بك سوء بنحره وبعد بتهديك لانك منهاره وحساسه وحاولي تقللين من الحبوب المهدئه لانها راح تدمرك اذا استمريت عليها لانها هي اصلا مؤقته . سادسا: خليك نجوى القويه علشان بنتك وكل ماحسيتي بالضعف طالعيها وتقوي علشانها لانك اذا انهرتي بنتك راح تضييع . سابعا : فاجئيهم بشخصيتك الجديده القويه اللي راح تدافع عن بيتها وبنتها بالهدوء والقوه وتفويت اي فرصه عليهم حتى مايستغلوناها ضدك . ثامنا : تعبت من الكتابه واعطاء الحلول ارجو من الله ان يعينك ويقويك.

يانجوى خليك معصبه وخليك على المهدئات وخليك عند الطبيب النفسي مقيمه ........... اصلا هذا اللي...