بنات ليت تفهموني وش السالفه ؟؟
مين اللي تغير فينا ،، انا والا حبايب قلبي ...
قسم بالله ياكنت اتمتع معهم متعه مالها مثيل !!
قاطعت الباقين ولا افكر فيهم بسبب هالشله ..
اقولكم وش سالفتهم ..
يوم كنت صغيره عشقتهم من قلب .. كنت ما أستغني عنهم ..
ويوم كبرت كل شي تغير ؟؟ ماعاد ابيهم ولا اشتاق لهم ؟
ولا يهموني ان جو والا راحوا ...
لدرجة مره قابلة وحده فيهم بالسوق .. وطنشتها ولا كأنها
موجوده..!!
وهي نفسها قابلتها عند الاشاره ،، و برضوا طنشتها ..
لاتسون لي سالفه وتقولون ليش كاشفه وجهها ؟؟
ماعليكم منها هذي عاداتهم ؟؟.
وانا اول بالذات هذي اذا شفتها كنت انهبل .. واتمتع معها بكل دقيقه ..
ابيكم تفهموني ليش صرت كذا ؟؟
على الرغم انهم ماتغيروا ابدا ...
عاد دامني شكيت لكم وفضفضت لازم اعرفكم عليهم بالاسم .
وابي اعرف انتم زيي والا الى الان تتمتعون مع شللكم ؟؟
هذي اللي قابلتها عند الاشاره ،،خخخخخخ ياحبيلها
طعمها تغير ،، كنت مدمنتها وذلحين ياربي لك الحمد ..
ابي طعم اول يرجع ..
ابو ولد كانت امي حبيبتي تشتري لي كرتون كبير اللي بوسطه
كراتين من حبي له ...
صح مازلت اكله بس مو لذة اول ... ليييييييييييييش ؟؟؟
ريكو برضوا بالكرتون ،، احبه موت ،، والان لو يحلفون علي
مااكلته .!!!
ابو اسد عليه طعم ،، ذلحين مطلعين تقليد لونه برتقالي ..
اذا شفته شوي والا ابكي .. يانا مشتهيته ؛؛
ايس كريم شوكلاته من بره وحليب من جوا ..
ابد طعمه ياربي لك الحمد..
تهقون باسكن روبنز خربني ..؟؟
فش فاش ،، الشكل هذا بالضبط بس الطعم غير ..ليش غير ؟؟
حلاوه مصاص هذا النوع كنت اعشقه ذلين يحوم كبدي ..
خدود البنات :35: ماحلا الاسم بس ،، طعمه ذلحين يمغص البطن ..
بيتزا السنبله جبت كل انواعها .. طعم اول غير .
وش اللي صار اشكالها وشركاتها وأغلفتها ماتغيرت ..
بس الطعم تغير ؟؟
توقعون تغير انتاجهم وجودتهم ؟؟ مستعده اشتكي المصانع ويقفلونها ؟؟بس شجعوني وانا اوريهم الشغل
والا انا عجزت ولا عاد تعجبني ؟؟
استروا ماواجهتوا ترى نفسيتي تحت الصفر بسبب النت المقطوع
وادخل من الكونكت ؟؟ وزجي عذبني يحسب لي ولا طولين؟؟
ويهددني لو انتهى ماراح يشحن الشريحه ؟؟
وش رايكم اشتكي لحقوق الانسان ..؟؟
وشركة الاتصالات علة قلوبنا مايدرون وش
سالفة خراب التيلفون ؟؟.
يالله عاد ادعوا ان النت يرجع لنا بسرعه ..