فهموني وش القصه

السلام عليكم..
انا مشكلتي عاديه .. بس حبيت اواجهها عشان الشخص الثاني يلزم حده :)

تعرفت على شلة بنات في الجامعه .. ولنا الحين سنتين واكثر مع بعض وانا على ابواب التخرج ان شاء الله ..الله يوفقني ويوفقكم ..
فيه وحده من البنات من تعرفت على الشله كل شوي تسألني اسئله بايخه .. مثل انتي وش اصلك انتي من وين ؟ وانا ارد عليها عادي .. مع اني ما احب سوالف وش اصلك وانتي ايش .. لان اغلب بنات الشلة اصولهم ماهي عربيه وماله داعي اتفاخر بنفسي واقول انا وانا وانا .. وعلى الرغم اني جاوبتها وانها تعرفني وتعرف عاداتنا وتقاليدنا الا انها رجعت تعيد الاسئله بشكل ضايقني! ويضايق اللي حولي! وكأنها تتجاهلني او تبي تحسسني اني اقل قيمه! ما قدرت ارد عليها احتراما للبنات اللي معي .. بس قلت لها انتي صرتي تكررين الموضوع اكثر من مره ليه؟ وردت وهي تضحك من الفشيله : لا لا بس حسبتك من ديرة البنات (والبنات اللي قاعدين اصولهم ماهي عربيه) يعني استهزاء بالبنات بطريقه غير مباشره)
لكن انا فكرت اني اواجهها واكلمها واقول لها بلا حركات استهبال واستعباط؟! لاني احس اذا كلمتها بتوقف عند حدها شوي!
شرايكم؟
عموما هذي ايش؟ حركات نقص والا غيره والا وشو؟ لان وحده من صديقاتي دايم تمدحنا عندها وحسيت ان هالشي ينرفزها وتطلع حرتها بشي مافيه اي جدال؟