فهموني وش بيصير بالدنيا اذا ماجبت ولد
:26:السلام عليكم ورحمة الله وبركاته:26: مثل ماهو واضح بالعنوان انا الحمد لله عندي بنات :) وماعندي اولاد وانا راضيه بما اعطاني ربي ورزقني بنعمة البنات وحامده وشاكره ربي عليها ممكن تستغربون من كلامي وماتصدقوني انا اشوف ان بناتي احسن عندي من مئة ولد دائما اقرأ عن حريم نفس الحاله امهات بنات يتمنون يجيبون ولد ويسألون عن طريقة انجاب ولد وانا وحده منهم ماأكذب عليكم واقول عااادي ماتفرق معاي صح اتمنى اجيب ولد بس اذا كان فيه خير لي يعني اذا كان بار في ويرفع راسي قدام الناس بأدبه ودينه وعلمه الله يرزقني بولد واذا كان فيه شر لي وبيجيب لي المشاكل وبيكون عااق فيني الله يبعده عني انا دائما ادعي ربي يرزقني بولد صااااالح سليم وانا انتظر كرم ربي ورحمته والحمدلله بس المشكله الي تعاني منها كل ام بنات وما راح يحس بكلامي الا ام البنات هم الناس وكلامهم وشماتتهم يعني سبحان الله الناس يستنون الولد اكثر مني :angry: قابلت وحده من قريباتي في زواج لي فتره ماشفتها ولاأدري عن أخبارها لماشافتني سألتني قالت كم عندك قلت 3 بنات قالت يالله يعني انتي ام البنات رديت عليها وقلت الحمدلله نعمه من ربي وواحد :arb:مع زوجي :arb:في العمل قاله نفس السؤال كم عندك قال زوجي 3 بنات قال وساكت على زوجتك شوفوا كيف خراب البيوت ابسط شي الممرضه لما كنت اراجع مواعيد الحمل سألتني كم عندك قلت بنات والي بطنك قلت بنت قالت اوووو ليس كيداا مداام كولو بييينت حتى الفلبينيه ماسلمت منها :angry: انا كتبت موضوعي للفضفضه يعني ياناااس يااعالم افهمواا هذا شئ بيد الله سبحانه لا انا ولا انت ولا انتي لنا دخل فيه هذي أرزاق الله مقسمها على عباده مثل ماانا عندي بنات غيري عندها اولاد وغيرنا عندها اولاد وبنات وناس الله يرزقهم ماعندهم لااولاد ولا بنات ارحمونا من الاسئله الي تجيب الجنان يعني الي يسألني ليش ماتجيبين ولد !!! بالله سؤال مثل هذا كيف ينرد عليه :icon33: خلالاص فاض الصبر ولو تشوفون النظرات ياااحرام راحميني عشان ماعندي ولد عقليات متحجره الله يعينهم على انفسهم حتى لو اكون في مناسبه ويكون الموضوع عن مثلا لبس الاولاد مثل قبل كم سنه طلعت موضة الدقله وكل وحده تقول انا شريت لولدي ودخلت في الموضوع قلت حتى اخواني اشتروا لعيالهم يناظرون لي بطرف عينهم يعني انتي ليش تتدخلين في الموضوع وانتي ماعندك ولد ياذا الولد هذا الي فهمته والله اعلم بنياتهم وبعضهم راحمني ليش عشان ماعندي ولد ياالله مشكله كبيره لا ودايما السؤال الغبي فلانه ماهي حامل ليش ماتجيب أخو لبناتها صبر جميل والله المستعان الحمد لله كأني أرتحت لما فضفضت شوي :)الموضوع كان مضايقني ياليت نرحم بعض ومانجرح في أحد ومانتدخل في خصوصيات بعض ونترك الخلق للخالق الله يرزقنا بالذريه الصالحه ويحفظ بنات وشباب المسلمين لن أقول وداعا ولكن الى اللقاء في موضوع اخر ودمتم بخير ملاحظه اكيد لاحظتوا اني ماقلت أدعولي أجيب ولد لكن انا عارفه ان فيكم الخير والبركه الله يفرج همومنا ويسعد قلوبنا وجزاكم الله كل خير
278
55K
يلزم عليك تسجيل الدخول أولًا لكتابة تعليق.
اووووووووووه
من كلام الناس ومن يسلم منه؟؟؟؟؟؟؟
اللي يسمعهم
يقول انهم بشطارتهم
جابوا الاولاد
ماكأنه كله رزق من الله والله اللي مقسم الارزااق
بصراحة يرفعون الضغط اللي يسألون
دايم
مو بيدينا ياناس ارحموونا
انا متأخرة بالحمل من خمس سنوات ونص
وما سلمت منهم
الله يرزقنا ويرزقك
والحمد لله ع كل حال
من كلام الناس ومن يسلم منه؟؟؟؟؟؟؟
اللي يسمعهم
يقول انهم بشطارتهم
جابوا الاولاد
ماكأنه كله رزق من الله والله اللي مقسم الارزااق
بصراحة يرفعون الضغط اللي يسألون
دايم
مو بيدينا ياناس ارحموونا
انا متأخرة بالحمل من خمس سنوات ونص
وما سلمت منهم
الله يرزقنا ويرزقك
والحمد لله ع كل حال
om\retal
•
من جد عقول متحجره
خصوصا العجايز الله يهديهم زوجة اخوي عندها
بنتين وتاخرت في الحمل بعد بنتها الثانيه وجلست
تراجع حول سبع سنين لين الله رزقها بالحمل
وتعبت جدا بحملها لا تطلع ولا شي
وولدت بعمليه جاتها وحده من العجايز بعد ماولدت
وسألتها وش جبتي قالت بنت قالت شر لها كل هذا
التعب وجبتي بنت وحنا بغيناك تجيبين ولد
شوفي كيف وسبحان الله البنات يجي معاهم رزق
والله يرزقك بالولد الصااالح
خصوصا العجايز الله يهديهم زوجة اخوي عندها
بنتين وتاخرت في الحمل بعد بنتها الثانيه وجلست
تراجع حول سبع سنين لين الله رزقها بالحمل
وتعبت جدا بحملها لا تطلع ولا شي
وولدت بعمليه جاتها وحده من العجايز بعد ماولدت
وسألتها وش جبتي قالت بنت قالت شر لها كل هذا
التعب وجبتي بنت وحنا بغيناك تجيبين ولد
شوفي كيف وسبحان الله البنات يجي معاهم رزق
والله يرزقك بالولد الصااالح
ياشيخه الناس متخلفين
بس سالفه الممرضه ههههه
انتقلت عدوي السعوديين لها
خخخخخ
واحمدي ربك ع البنات والله مافي زيهم
وكلام الناس تحت المداااس
بس سالفه الممرضه ههههه
انتقلت عدوي السعوديين لها
خخخخخ
واحمدي ربك ع البنات والله مافي زيهم
وكلام الناس تحت المداااس
الله يجزاكي خير لالالالا ما أزعل اهم شئ ركزي على الصالح اكييييد زوجي نفسه بولد بس يعرف ان انا مابيدي شئ مشكوره على الرد
الصفحة الأخيرة
لاتزعلين ههههههههههه بس اتمنى لك الصالح
ولو لحاجه في نفس يعقوب يعني علشان زوجك اكيد يبغى لو مايقول بس اهم شي الصاااالح