السلام عليكم ورحمة الله وبركاته

النفس البشريه تريد وتتمنى ويبقى كل شي بيده سبحانه وتعالى


لكن الخطا مثل ما قلتي من نفوس الناس اللي تتدخل في حياة غيرها


ربي رزقني بالبنت الثانيه :

احد الردود لما علمناها بالبنت قالت : ما عليه رزقكم قدام " وكأن البنت مو رزق

و أحد زارني بالمستشفى وقالت " كنا نحسب انك حامل بولد من شكل بطنك " شكرا الله سعيكم زين شرفتونا

وانا بالنفاس كانوا يتناقشوا ان البنات اذا كبروا لزواجهم والولد هو اللي اهله يعيشوا معه ..........وانا بس اسمع واطنش

فيه عجوز تكون ام زوج اختي الله يشفيها جات وشافت بنتي مسكتها وقالت يمي والله البنات ما فيه احلى منهم " ودعت لها وكانت اول كلمه سنعه احد يقولي اياها ونبرة صوتها مش زي بعض الحريم اللي يجيوا يدعولك وكانهم يبكوا عليك ههههههههه







بس اقول شي : وانا حامل ولله الحمد كنت ادعي اللهم اجعل ما في رحمي طفلا سليما واجعله من عبادك الصالحين ورضيني بما كتب لي ذكرا كان او انثى "


والمره الجايه اذا جبت بنوته راح ارد عليهم اخليهم يكرهوا اليوم اللي فكروا يدقوا فيه بالكلام ، لان عمري ما تدخلت في شؤونهم وتاركه لهم الباب عشان القربى بس عرفت ان بعض الناس اذا ما وقفتيهم عند حدهم يتمادوا ولا يمكن يثمنوا الكلام



وما اقول ان البنت احسن من الولد ..........لان التربيه هي الاهم

ولا اقول اني ما اريد الولد الصالح ...........لان الولد الصالح عون لي ولاخواته باذن الله

بس اقول للي يتدخلوا في شؤون غيرهم ولا يثمنوا كلامهم كفااااااااااااااايه دعوا الخلق للخالق


الحين ربي رزقني وانا رضيت وشكرته ليش هم يسخطوا تصدقوا لحد الحين ما فهمت هالمعادله



قلت كلام كثير بس عن جد حرام الوحده شافت الموت وبدل ما يقال لها مبروك على احلى واجمل نعمه يقال لها حاول مره اخرى او خيرها في غيرها عجبي







والمصيبه الاعظم ان اللي المولود أنثى ، والوالده أنثى ، واللي تنقم النعمه أنثى



وتبقى المقوله الازليه : المرأه عدوة المرأه .




وحياكم :)

سبحان الله هو الذي يهب البنين والبنات ويجعل من يشاء عقيم لكن سبحان الله فيه عقول متخلفه ماتفهم اهم شى يكون الولد صالح والبنت كذلك والله يعين على تربيتهم لانهم مسئوليه

حبيبتي الله يررررزقك الولد الصالح البار الي يقر عينك وعين ابوه حبيبتي احنا اربع بنات وولد والولد جاي بالنصف يعني فوقه بنتين وتحته بنتين وصدقيني انه عزوتنا تخيلي لو ماعندنا اخ كان طمعوا فينا اعمامي لما توفى ابوي بس عشان اخوي موجووود جونا بالعزى ضيييوف وراحوا وصدقيني انا احب البنات مووووووووت واتمنى كل خلفتي بنات بس اتمنى اجيب ولد واحد صالح عشان يكون عزوى لاخواته هذا مجتمعنا حبيبتي ايش نسوي وانا حبيبتي عندي بنوته وحامل واتمناها بنوته عشان اسميها عالوالده الله يررررحمها ياااااااارب وعشان تسير صديقه لاختهاوانا اخواتي كلهم اول خلفتهم اولاد عداي انا اول وحده بنوته طالعه مثل امي وكل اخواتي يحبوا بنوتتي ويدللوها والله والله والله مافيه مثل البنات الله يبارك لنا فيهم ويصلحهم ياااااااااااااااارب..بس الوحده فينا تبغى الولد الصالح عشان تسكت هالمجتمع المتخلف الغرب طلعوا القمر واحنا لساتنا هذه ماعندها ولد ياحرااام صدق مجتمع غبي..الله يعيننا بس.

عاد انا امووووت بالبنات وودي ببنوتين تؤام او وراء بعض
انا يوم دريت اني حامل ببنوته فرحت اكثر من فرحتي بحملي وزوجي بعد يحب البنات يقول سبحان الله البنت لايق عليها الدلع والطفوله مو مثل الولد تحسينه خشن من صغره دفاشه وازعاج واذا تدلع مايصلحله يخربه
مو قف صارلي قريب كنا بالسيارة وفيه سيارة جنبنا فيها بنوته عمرها سنتين طالعه من شباك السيارة وتلعب وابوها عادي قالي زوجي تخيلي لو ولد كان عطاه كف ودخله بس البنت لا مايتجرا يضربها هههههه
مع ذلك لاننكر اهميه الولد مو عشان تفكير مجتمعنا الهمجي انو ولد لا بس عشان احس بمشاعر ثانيه وتنويع بالخلفه هههه والله يرزقنا الصالح البار وعلى فكرة خواتي كلهم خلفو معاي اولاد والله فرق عن بنتي اخواني منجذبين لبنتي اكثر ويحبووونها حتى يقولو صياحها غير ههههه

بصراحه انا خلفت بعد 15 سنه زواج
وماحد اذاني بالكلام لاني تأخرت
وجبت بنت وماحد اذاني بالكلام وقال ليتك جبتي ولد
واللحين خلاص ماعاد اخلف وعادي ماحد اذاني ولا هرجني
ليش انتو الناس تاعبينكم
لايكون من شخصياتكم
او انه شي داخلكم متحسسين منه
او يمكن ربي اعطاني بلاده ما احس
او ان اللي حولي ماشاء الله اخلاق

اكيد واحد من هالاسباب