والله الناس ماراح يرضون ابد ابد

زوجة حماي عندها اربع بنات و ولد

واخر مره جابت بنوته تعالي شوفيهم حراااام ياليتك جايبه ولد عشان اخوه مايقعد وحيد >>بالله هذي كيف تردين عليها

ياناس ارتاحو اللي الله قاسمه لكم راح تاخذونه واذ الله ماكتب لكم الولد او الذريه صدقوني لحكمه من رب العالمين نحن نجهلها

والله الحمدلله عندي خمس بنات وولد وانا كنت اطلب ربي يرزقي باخو لولدي وجبت ولد ومات بالنفاس وبعدها حلت بتؤام اولاد وماتوا مع الولاداه والان عندي بنت مريضه بالقلب الله يشفيها ويخليها لي
ادعوا لها ماتحتاج للعمليه وان ربي يشفيها بنات

عادي ليش كذا ماثر فيك كلام الناس
الناس في كل شي مايصبرون لازم تعليق مو بس موضوع انجاب البنات
شخصيه قويه وثقه بالنفس وتفاهم من الزوجين هذا هو المطلوب وياجبل مايهزك ريح

الله يرزقنااا وياااااااك


واذا نبي نرد على كلام النااااس مانخلص

الناس حتى الميت حكو فيـه

حبيبتي انا عندي بنتين ورجوني الناس وحسسوني اني ماساه
زوجي يحب البنات ويعشقهم ويعرف قيمتهم
ولا عمري حتى دعيت الله انه يرزقني بولد دعوتي دايم بالذريه الصالحه فقط
ولا خلطات ولا خرابيط
ورزقني الله بولد الله يجعله من عباده الصالحين
فلا تحطين الشغله ببالك ولا تعطين احد انتباه لاي كلام طلاما انتي عارفه ان هذا من الله
الناس بس تبرمجت على هذا الشي الشغله نفسيا
اختي جلست سبع سنين ما حملت
وبعدين جابت اربع توام وهي والناس يدعون ان الاولاد يعيشون لانهم خدج
وعاش ولد بس
وبعده باربع سنين جابت ولد
الان هم شباب
اقسم بالله انها تبكي منهم
وخاصه الكبير عاااااااااااااااااق وحالف انه يقتل ابوه
علشان كذا الواحد يحط لسانه في فمه ويرضى بقسمه رب العالمين