فهموووووني وش يقصد .. حسسني إني غبيه .. وه

الاستفسارات الجماليه



السلام عليكم ورحمة الله .. بأدخل من دون ما أطق الباب ماااااااعندي وقت ..

:angry2:

يا جماعة الخير ..

خبركم نزلت موضوع عنوانه:
(خاطري أشتري ساعة )
وطلبت منكم المشورة
فزعوا لي بعض النشميات الله يجزاهن خير
وغالبيتهم ذكروا الحميضي

قلت الحميضي الحميضي:32:


أخذت رقم الحميضي من الإستعلامات
إتصلت عليهم
ورد علي سعودي
وقال إنه الحميضي الي بالحياة مول << الي أنا أبغاه
قلت الحمدلله وصلت خير
سألته عن التخفيض وقلت عندكم تخفيض 50 % مثل ماسمعت ؟؟
قال : لأ !! عندنا خصم ....سألته كيف يعني ؟

قال : خصم يعني خصم
.. يعني آآآ ...يعني من الشركة نفسها

حسيت إن ماله خلق أو مدري وش سالفته ما بي أظلمه وأغتابه ..

المهم قال لي: >>> إنو الحميضي شركتين يمكن إنك سمعتي إنو التخفيض في الشركة الثانية.


ما فهمت وش يقصد قلت شكرا وسكرت الخط؟

فيه أحد يفهمني وش قصده ؟
حسيت إني غبية لأبعد حد << :hahaha:

مدري وش السالفة :(

أذكر إني داخلة حياة مول مدري صحارى وشايفة إعلان 50% تكفون ساعدوني

وش يقصد الأخ:(

وهل أحد فيكم اشترى هالأيام من الحميضي
أبي خبر أكيد وكلام صادق

وربي ما يحرمكم رضوانه ورحمته في هالعشر الأوائل ..



::::



معليش جا ببالي سؤالين إضافيين ..:: ولو إني بأثقل عليكم .. سامحوني ..

الأول : فيه كشك في ( العزيزية مول ) بالرياض .. يبيع فيه رجال سعودي .. وبضاعته عبارة عن إكسسوارات من ماركات معروفة .. فندي .. ديور .. كاريرا .... إلخ ..
سؤالي عزيزاتي ..
.. هل بضاعته فعلا ماركات هو شاريها من الوكالة نفسها ويبيعها علينا بفائدة له .. ( يتكسب يعني )
ولا تقليد ؟

لأني أشوف هالبنات ماشاء الله يشترون منه وخفت إنها تقليد واستحيت أسأله
وترى هالكلام زمان مدري هو باقي فيه ولا لا

وهل هو موجود حاليا..

إذا بضاعته تقليد ماراح أشتري ..







الثاني والأخير : فيه عطر أتمناه تمني
لي سنوات


وهو عطر يوجد بالإمارات وللأسف ما حصلت لي فرصة أروح

اسمه .. ( عودة زايد ) .. العطر تقريبا عود .. يجنن مره مره مره :32:
فيه أحد يعرفه ؟ وهل ممكن انه يوجد عندنا



وبس

آأسف لإطالتي وإزعاجي وسامحوني ...
وربي محتاجة ردكم


الإنتظآآآآآآآآر:44:
11
2K

يلزم عليك تسجيل الدخول أولًا لكتابة تعليق.

تسجيل دخول

mohabtteen
mohabtteen
هلا عزيزتي ............

ودي اساعدك بس انا مو من الرياض ان شالله البنات يفيدونك ...........
انا و اختي
انا و اختي
فعلا الحميضي شركتين
وحده سلطان والثاني عبد العزيز <<ترا مو متأكده من الاسماء
وحده تبيع ماركات مثل الفيرومارتيني وكذا <<هذا هو المحل الراااااقي
والثانيه لا وعاديه فيها اشياء حلوة بس مو مرة<<وترا هم اللي دايم يقولون عندهم تخفيض
اتمنى اني افدتك
دعواتك لي ولوالدي بالشفاء العاجل
تلفت الناس لامريت*
واللي يبيع ف العزيزيه مول تراه تقليد درجه اولى وعشان تتاكدي شوفي فرق السعر عنده وعند محل الماركه الاصلي..
راقيه بتفكيري
فعلا الحميضي شركتين بس هالفترة مااظن عندهم تخفيض
ambiguous girl
ambiguous girl
فعلا الحميضي شركتين
وحده سلطان والثاني عبد العزيز <<ترا مو متأكده من الاسماء
وحده تبيع ماركات مثل الفيرومارتيني وكذا <<هذا هو المحل الراااااقي
والثانيه لا وعاديه فيها اشياء حلوة بس مو مرة<<وترا هم اللي دايم يقولون عندهم تخفيض
اتمنى اني افدتك
دعواتك لي ولوالدي بالشفاء العاجل



اسأل الله العظيم أن يشفيك أنتي ووالدك شفاء عاجلا .. شفاء لا يغادر سقما ..

حبيبتي ربي يلبسك لباس العافية ..

لكن اللي فهمته إنو المحل الأول الي تقولين يبيع ساعات ماركات عالمية زي ما ذكرت ماركة ألفيرومارتيني
طيب الثاني وش يبيع ؟؟
إيش ساعاته ؟؟
كيف تصاميمها .. ؟ مافهمت


أنتظر ردك أو رد أحد فاهم ..

|||||

واللي يبيع ف العزيزيه مول تراه تقليد درجه اولى وعشان تتاكدي شوفي فرق السعر عنده وعند محل الماركه الاصلي..




والله كنت حاسة .. يعطيك العافية حبيبتي ..



||


فعلا الحميضي شركتين بس هالفترة مااظن عندهم تخفيض


جزاك الله خير ..



...


فهمووووووني .. وانصحوووني وين أشتري ساعة منه ؟؟

وباقي العطر محد يعرفه !!!!