الاخوات اللي ردو ع الموضوع
كم اعماركم ؟؟ اكيد عشرينات و ثلاثينات
بالله عليكم لو الحليب الطبيعي ما يشبع كيف كبرتو عليه
حليب الام تعتمد فائدته على تغذية و صحه الام
لو اكلها سليم نفس الاوليين بدون خرابيط غازات و فاست فود و حلا زايد بيستفيد ولدها
و العكس صحيح

نقطة اخيرة الطفل بعد السنه لازم ينحف
من الحركة و الجري و اللعب كلما زاد النشاط البدني
خف وزن الطفل

الرضاعه الطبيعيه فوائدها لاتعد ولا تحصى
الرضاعة الطبيعيه تغذي المخ و تشد العظم
وتقوي المناعه
الرضاعه الطبيعيه لمدة سنتين أغلى هدية تقدمينها لطفلك
ولنفسك أيضا
صحيح تعب و جهد ولكن راح ترتاحين كثير بعدين لإنك حصنتي طفلك بإذن الله من كثير من الامراض
لو اتكلم من اليوم لبكرة ما اوفيها حقه

المهم المرضع في الستة الشهور الاولى تبتعد كليا عن اي شيء يسبب غازات لانه فورا ينتقل للرضيع و تشرب ينسون و كمون وشمر باستمرار لانها تدر الحليب وتطرد غازات الام وغازات الرضيع ايضا
وتبعد عن الفلافل لان طعمها يطلع بالحليب