انا دايما حلمي من صغري اكون متميزة بكل شيء ماكانت الوظيفة حلمي تعلمت التصميم واللغات وكل شيء عن طريق النت من يوم تخرجت وكل ماابي اسوي مشروع الاقي الف تحطيم وتحطيم من الصديقات لا يبون يوقفون معك ولا حتى يشجعونك اشتغلت بتسويق مواقع ووعطور لتاجرة وكنت انظم مسابقات لمنتدى بفلوس وكنت ابي يكون لي شغلي الخاص وبداخلي طاقة قوية وكنت مثل الضايعة ماعندي احد عنده طاقة قوية يقدر يساندني وحده من التاجرات في المغرب كانت تعرض منتجاتها بس السعوديات يلاقون صعوبة بالتعامل معها شحن وبريد ففكرت بالمنتجات المغربية وبديت اخطط بهدوء بدون مااحد يعرف عن تخطيطي شيء وقلتلها بشتغل معك مندوبة ووافقت وسويت لي بريد واهلي مادروا الا لما بقى على وصول الطلبية اسبوع قلتلهم دخلت عالم التجارة حاولوا يحطون صعوبات لاكني مااهتميت اصريت على الشغل وبقوووه والحمدالله نجحت بالتجارة والكل استغرب ولا علمت صديقاتي الا بعد دخولي المجال بشهور وصرت مندوبة للتاجرة وبنفس الوقت صرت تاجرة اجيب منتجات من المغرب بالجملة لي وابيعها وربحها يكون لي وصار عندي زباين يتعاملون معي وبعد سنة من النجاح فتحت متجر للمنتجات المغربية في النت وصديقاتي اشتروا مني ووحده اعطتني فلوس اشتغل فيهم لها وصاروا تجار يجيبون منتجات من مصانع في المغرب بالسعودية يشوفون موقعي ويتصلون علي علشان اتعامل معهم وابيع من منتجاتهم لزبايني والحمدالله باصراري قدرت اوصل

ونصيحة مني لكل وحده تسمع كلام يحطمها من المقربين او صديقاتها لاااا تسمعين كلمات الفاشلين اسمعي بس كلام الناااجحين والي حققوا انجازات بحياتهم لان الي يحطمونك فااشلين يبونك تصيرين مثلهم ماعندك طمووح ولاحظي اذا نجحتي يجون عندك يبون المصالح وتعلمينهم كيف تشتغلين وتكسبين

بالنسبه لي انا تجارتي على معارفي واقاربي بس ماتوفقت نهائي بالنت
وانا من النوع اللي اخاطر قوي قلبي شوي
ودايم اشتري بضاعه بالجمله واحاول اصرفها احيانا اطلع بمكسب بسيط مايسوى التعب
بس اللذه حلوه
واحياناً يالله اطلع راس المال
والحين حابه اسوي مشروع ودي افتح محل بسوق نسائي يكون خاص بالملابس الداخليه
وحتى الحين بس اجمع افكار ومحتاره باي سوق بالرياض
وودي بمصانع تركيه اوهنديه اوسيرلانكيه
والله يكتب مافيه خير
وبالبدايه والنهايه التجاره يبي لها مخاطره وقلب قوي

موضوعكم روووووووووووعه وملهم

انا عندي مجتمع ولله الحمد لكني افتقد قوة القلب
وافتقد البضاعه المميزة اللي اعرف ان الاقبال عليها راح يكون خراااافي

حلو موضوووعك روووعه اختي ..انا صرااحه توني افكر واحلل وادرس موضوع التجاره ودي اكون تاجره لاكن زي ما قلتي يبي لها المعارف وايضا اهم نقطة التشجيع من اقرب الناس لك مشكله لاصارو يحبطونك:icon33: انا ابي احد يمد يد العون ويساعدني بالأفكار التجاريه الله يفتحها بوجهي وبوجيهكم وباذن الله قريب اكون من تاجرات هذا المنتدى المحبووب .:26: