فواز ادريس والتجربة الأليمة معاه

السلام عليكم،سجلت في المنتدى مخصوص حتى أشارك تجربتي، لعلها تفيد أي وحدة تفكر تبدأ رحلة علاج في عيادة هيلث بلاس، وبالتحديد مع فواز إدريس الاستشاره ب 500 ريال حاول اقناعي ب عملية اطفال الانابيب ( توجه مادي بحث ) اسلوب عديم من الإنسانية والاحترام للزوجين في اول مقابله معاه حتفهمو ان كل الي بتشوفوه على الجوالات صور وكلام فاضي مجرد تسويق ودعايات للشهره بلا جدوى المهم بدأت معاه تنشيط في تنشيط بشكل مهول حتى ارتفع هرمون الاستراديول ارتفاع غير طبيعي ومع ذلك ما تلافى الخطر الي حيصير كمل واعطاني حقنة تفجيريه وسحبت البويضات وبعد السحب فورا تعرضت لفرط تنشيط ومضاعفات من الدرجة الاخيره ودخلت عمليات وكل مره يدخلني فيها دفعت حق العمليه سحبلي مويا تجمعت في الحوض واتدهورت حالتي الصحيه وحقيقي في مركز هيلث بلاس مافي اي رحمه ولا شعور ولا حتى انسانية ولا علاج يتعاملون مع المريضه كأنها جايه تلعب تدفع حق اللعب وتمشي ( ربنا حسيبهم 🥲💔) عموما تدهورت حالتي اكثر وماكان عنده اي علاج لحالتي الي ساءت جسديا ونفسيا بسببه وروحت مستشفى ثاني وانا في اسوء حال دخلوني الاطباء عناية مركزه فورا وكنت على شفا حفرة من جلطة لان المويا وصلت الرئة وحصلت ليا مشاكل في الكلى وركبولي انبوب في بطني عشان تطلع السوائل نسيت اقولكم ان بعد المقابله الاولى ماتشوفوه ابدا تبدأي تتابعي مع مثقفات ماتعرفي هما ايش اصلا واستني الى ان ترد عليكي وحده منهم واذا تعرضتي لأي شي حابه تستفسري منهم انسي الرد فورا المهم انا ظليت فترة طويله اتعافي جسديا ونفسيا من تجربه مع فواز ادريس كانت اسوء و أمر تجربه في حياتي كلها تجربه اتمتى ان ربي يمحيها من ذاكرتي وقلبي بدون شر من كثر مااتعرضت فيها من الم بكل اشكاله نصيحتي لكم يابنات اختارو طبيبكم بعنايه فااااااائقة لان هذه التجربه تحتاج طبيب حكيم طبيب انسان طبيبك يصنع لك بعد مشيئة الله نقطة تحول في حياتك يا تكون أمل ولا حتكون نقطه سوداء مثل ماكانت مع فواز ادريس وهيلث بلاس يارب يكون جاوبت كل وحده تسأل وتبحث عن المكان المناسب الي تعمل فيه اطفال انابيب