فوبيا الحوادث💔

صباح الخير ياحوائيات


اعتبروا كلامي فضفضة لكم لاني ولله الحمد اسعى جاهدة للانتصار على ماابتلاني فيه ربي


انا الحمدلله عايشة طبيعي ووضعي جداً جميل


بس هالوضع يتغيّر وقت مايصير حادث
امس من قريت عن حادث القطار في مصر الله يجعل المتوفين في جنات النعيم ويصبر ذويهم ويشفي المصابين
وانا بحالة لايعلم فيها الا الله احاول اشغل نفسي باي شي وملتزمة بحفظ الله بس نفس الحادث ماقدرت انساه
وقبلها كان حادث صاير عندنا الله يشفي جميع المصابات فيه حالتهن حرجة ماقدرت انام




اي حادث يصير تجدد عندي الاوجاع وترجع لذاكرتي اسوأ لحظات عشتها يعني اظل تعبانه نفسياً يومين


عارفين يعني ايش حادث؟؟؟


يعني الموت ياخذنا بلحظة مايمدين تفكرين ولا تتخذين قرار ولاتتاسفين من احد ولا ولا ولا


وللاسف انتم هنا طايحين هواش وسب في بعض وكاننا بالمتوسط
انا قريت المواضيع وانا نفسيتي تعبانه اخاف الله ياخذ روحي وانا ناسيه اذكاري وانتم فاضين لتنبيش جروح بعض وش فيها لو اشتكت وحده من ضرب زوجها لها
ليش فيه قانون ان المهمومه ممنوع تضحك واللي امها معذبتها ممنوع تمزح والمطلقه ممنوع تنصح والارملة ممنوع تفرح؟؟؟؟؟




حنا هنا اخوات والله محاسبات على كلامنا ويمكن وحدة تنسى كلمة قالتها بس تراها في لوح محفوظ




ليش ماتكون صدورنا وسيعة على بعض طيب سبتني وحدة معقولة ارد عليها بكلام ابشع من كلامها؟؟


ترى انا وانا مالي عداوات تجيني رسايل بالخاص بس ماعمري عطيتها اي اهمية


ترى كلامي هذا تحت تاثير صدمة حوادث مع صدمة هواشكن
لاتواخذوني ع الانفعال والله احبكم كلكم واتمنى لكم الخير عشان كذا نصحت من قلب محب❤️💜