فوبيا المطبخ والحمولة

مشكلتي باختصار انه تزوجت واضطريت اني اعيش مع حمولة وبمطبخ مشترك والمشكلة مو بالمطبخ المشترك المشكلة ان معلوماتي عن المطبخ معلومات بسيطة بحكم اني تخرجت من الجامعة وتزوجت والوالدة الله يحفظها مدلعتنا وماكنا محتاجين شئ
المهم الحمولة اللي انا عندهم مزاجهم بالاكل مو اي شئ اكلات شعبية قديمة هي الاساسية عندهم وانا حدي خفايف
وصواني وحلويات لكن مرقوق وجريش وسليق وذبايح مااعرف لهم ولاادري منين اجيهم المهم كل ماسويت شئ ماعجبهم وبدا الكلام والتنغز عن السنع والاكل الحلو والرفالة وانا الحين ماعاد دخلت المبخ ولا طبخت لهم اي شئ
صاروا خواته الكبار معنا مابعد تزوجوا هم اللي يطبخون او الشغالة انا جاني خوف مو طبيعي من دخلة المطبخ وااله العظيم مااكذب عليكم احس اني مو عارفة شئ ابد بامور الطبخ حتى زوجي ماينبسط الا على طبخهم وش رايكم بالله