فوبيا الموت

بسم الله الرحمن الرحيم


السلام عليكم ورحمة الله وبركاته



أخواتي العزيزات بنات حواء كثير من الأخوات تشتكي من وسواس الموت و تصبر عليه و تطول فيها الأيام و الشهور

و السنين و هي تعاني منه

و السبب أنها ما عرفت السبب الرئيسي لمرضها و بكذا ما قدرت تعالجه بالطريقه الصحيحه

إي وحده الأن مصابه بالوسواس و الخوف من الموت تقرأ هالكلام اللي جبته لكن من أكبر برفيسورات الطب النفسي و هم الدكتور طارق الحبيب

و عبدالله السبيعي


بس على طريقتي العاميه


المرض هذا يسمى طبياً فوبيا الموت

و الفوبيا معناته الخوف و الفزع و الهلع من شيء معين مثل الموت أو ركوب الطياره أو السياره أو نوع من

الحشرات أو الحيوانات أو الأماكن المفتوحه مثل الأسواق أو المغلقه مثل الأصنصير أو الأماكن المرتفعه أو المظلمه

يعني له أشكال كثيره غالباً يصاب فيها الشخص بسبب موقف معين حصل له و تسبب له بفوبيا من نوع الموقف

اللي حصل معه مثلاً طفل صغير حصل له موقف مع قطه أو عنكبوت مثلاً و تسبب له برعب وقتها

خلاص يكبر و هو معه فوبيا من القطط أو من العناكب و مثلاً تقفل عليه باب الأصنصير أو مثلاً حصل له ضياع

في مكان كبير مثل الأسواق

كل هذي مسببات للمرض لكن الوحيد من هالأنواع هذي اللي ممكن يحصل فجأه ومن غير سبب اللي هو فوبيا الموت

فوبيا الموت ممكن يكون حصل معك بسبب موقف حصل لك كموت شخص قريب و عزيز عليك أو أبن أو بنت لك

أو شفتي مثلاً حادث و الناس ميتين و من هالمواقف هذي

وممكن تصابي فيه بسبب مرض عضوي مثل فقر الدم و الغده الدرقيه و ممكن تصابي فيه بسبب مرض نفسي

مثل الأكتئاب

و أحياناً يجي فجأه من غير سبب و يكون بسبب مرض روحي كالسحر و العين و المس

المرض هذا يا أخوات له أسباب كثيره منها العضوي و منها النفسي و منها الروحي فكل وحده تعاني منه تحاول تبحث

عن سببه علشان تعرف تعالجه لأن طبياً مأل هالمرض مو زين إذا طول و تطور

فيه كتب كثيره و مواقع كثيره تفيدكم في معلومات عن المرض و كيف تسيطرون على نوبات الفزع






الله يشفي كل مبتلاء شفاء عاجل لا يغادره سقما