فوبيا من الكلام المعسول

مسا الخير للصبايا
بحاول اختصر الموضوع
زوجي من النوع اللي مايقول كلام حلو حتى كلمة احبك مايقولها الا اذا طلبت منه
بس يبان حبه بافعاله
ولما اقوله ليش ماتقول لي كلام حلو وو يقول الكلام ماينفع اهم شي الفعل
اشوف حبه بخوفه علي لما امرض وبحاجات كثير
المهم قبل ٤ سنوات كان مسافر خط طويل بخصوص عمله
وكلمني انه قريب ويوصل البيت
وبعدها بساعه اتصل عليه مايرد وشوي عمل لي رساله مكتوب فيها .. احبك وربي لا يحرمني منك ..
استغربت وهو مش من عادته يقول لي هالشي الا اذا طلبت منه
اتصل عليه مايرد وبعد ساعتين جاني هو وعمي وكان زوجي مربط ومكسور يده وجبهته مربطه مسوي غرز
طلع مسوي حادث قوي والسياره راحت فيها قال انو شاف الموت
انا انهرت وقتها
وبعدها بفتره قال انه لما شاف الموت قريب منه تذكرني وتذكر عيالي وارسل هالرساله
الحين صار عندي عقده من الكلام الحلو
والله اني اذا سمعته منه صارت تجيني رجفه واحيانا من قوة الخوف اللي يجيني واستفرغ وانتوا بكرامه وصداع
اقوله مابي اسمع شي خلاص ينقلب حالتي للاسوء احس قلبي ينزل لين بطني واستفرغ صار لي على الحاله هذي ٤ سنوات
هل في علاج لهالشي ولا خلاص استسلم لهالوضع لان حتى انا صرت ماحب اقوله كلاام حلو وهو يطالب بهالشي وليش ماترجعي مثل اول
احس محد فاهمني