السلام عليكم ورحمة الله وبركاته
هذا الله يسلمكم حماتي عطتني طريقتها الله يجزاها خير ويسعدها...صراحة لذيذة مرررره وطعمها مميز يعني تغيير عن الفوتتشيني المعتادة ..سويتها لاهلي مره ومره لزوجي وكلهم اعجبتهم الحمدلله..
المقادير:
دجاج بدون عظم مقطع صغير ومكشن مع بصل وثوم وبهارات
فوتشيني مسلوقه بماي وزيت وملح..
مقادير توضع بالخلاط:
علبه قشطه خفق صغيره
ملعقتين جبن كرفت سايل
مكعب ماجي واحد
فلفل رومي احمر بارد
بصله صغيره مره مقطعه
تخلط هذه الاشياء بالبلندر لحد ماتذوب الاشياء ببعض وبعدين نصبها عالمكرونه والدجاج ونخلطهم سوا ونحطهم بصينيه
وندخلها للفرن لمده لاتقل عن نص ساعه بنار متوسطه ...وطليعها يمي يمي ..تذووووب وطعم غرييييب ..وبصحه وعافيه ..
اتمنى تعجبكم ان شاء الله ولاتنسوني من الدعاء بالذريه الصالحة عاجلا غير اجل انا واخواتي الراغبات بالحمل..وربي يسعدكم
