فوتشيني ألفريدووو من كتاب*نوريات للطبخ*معها ستعيشين الأجواء الإيطالية الأصلية*مضمونه*

بنات ياحلوين أنا اليوم جايبة لكم طريقة الفوتشينو ألفريدوو الأصلية اللي تعبت وأنا أحوس الكتب والمنتديات أدور عن نكهتها ومالقيتها وبالصدفه ذاك اليوم شفتها في كتاب نوريات للطبخ بصراحه نفس الطعم الأصلي لها في المطاعم الإيطالية وطريقتها سهله وسريعه ماتاخذ وقت ..

وهذي مقاديرها :
كيس مكرونة فوتشيني بيضاء أو خضراء بالسبانخ أو خليط من الإثنين (أنا سويتها بفوتشيني السبانخ الخضراء لذيذه مره وممكن تسوينها بالبيضاء اللي تفضلين
صحن صدور دجاج مقطع شرائح
كوب فطر مقطع شرائح
2 بصل مقطعه شرائح
ثوم مدقوق (كثري ثوم يعطي نكهه للطبخ يابنات ومفيد مره)
البهارات (فلفل أسود+ كمون+زعتر بري أوريغانو + ريحان مجفف + أعشاب إيطالية مشكلة)
ماجي
3 أكواب قشطة الخفق
مغلف شوربة ماجي (خلاصة الدجاج)
2 كوب ماء
جبنة مازرولا + جبنة بارميزان مبشورة


نجي للطريقة وهذي مافي أسهل منها :
أول شي تحمسين البصل والثوم في قليل من الزيت وبعدين تضيفين لهم الدجاج وبعد ماينشف تتبلينه بالفلفل الأسود والكمون والماجي وتتركينه لين يتحمر ثم تضيفين له الفطر وتقلبينه وترفعينه من على النار.
في الكاس الكهربائي نحط قشطة الخفق وشوربة خلاصة الدجاج وكوبين الماي
بعدين نضيف خلطة الشوربة والكريمة للدجاج ونقلبها على نار هادئة ونتبلها بالزعتر البري والريحان المجفف والأعشاب الإيطالية واذا غلت نرفعها من على النار.
نسلق المكرونة ونضيفها للقدر السابق مع إضافة جبنة المازرولا ونتركها قليلا على النار ثم نرفعها ونقدمها في صحن التقديم ونرشها بقليل من جبنة البارميزان وانا من عندي صراحه رشيت عليها شويت فلفل أحمر حلو *بابريكا*

وبالهناء والعافية ياحلوين ..
واللي تجربها تدعيلي بالتوفيق تراني محتاجه لهاالدعوة ..