بما اننا قربنا على الامتحانات:3_3_103: وبعدها اجازة :D يعني نبغى اكلاتنا تكون مشهية وبنفس الوقت سريعة:cook: >>>عاد اسالوني عن هذا النوع من الاكل رز عجازين ،مكرونه للعجازين،شوربة كويكر للعجازين،حتى مشخول السمك فيه منتج جديد للعجازين :2thmup: واليوم جبت لكم فوتشيني للعجازين بصراحة هذي الاكلة من اختراع زوجة اخوي سوتها لنا واحنا مسافرين كنا مالين من اكل المطاعم وحبينا نغير
_____________________________________
نبدا في الاول بالمقادير::
1 كيس مكرونة فوتشيني مسلوقة
1 علبة صلصة البيتزا انا افضل العلالي اللي بالفطر والزيتون طعمها جنان>>>عشان محد يقول عنك طعم اكلك ماسخ يالعجازه هههههه :44:
1 علبة كريمة خفق الحجم الكبير
جبن موتزاريلا
نجي للطريقة::
جهزي اغراضك كلها يعني اسلقي المكرونه وسخني الكريمة مع مكعب ماجي وصفي اغراضك على الطاولة وابداي الطبخة>>>>>واللي سويته قبل وش كان :mad:
جيبي صينيه ورشي شوية جبن موتزاريلا وحطي عليها ثلث مقدار المكرونه وصلصة بيتزا وبعدين كريمة خفق مو كل المقدار بس شوي ورشي عليها جبن موتزاريلا وبعدين الطبقة الثانية والثالثة بنفس الترتيب لحد اخر طبقة واللي تكون جبن الموتزاريلا وحطيها في الفرن لمدة عشر دقايق يعني لحد ماتحسين ان الجبنة ذاااااابت والمكونات اندمجت مع بعضها يمممممي:p
هذي المكرونة تنفع للي يجونه ضيوف على غفلة او جمعة بنات بيكون عشاء حلو ولذيذ احسن من المطاعم ولا اذا بغيتي تكشخين عند احد ويقال انك جايبه طبق سوي كل الطريقة ماعدا الفرن دخلي الصينية قبل ماتقلطون ترى شكلها يواجه وماراح احد يقدر يستنتج المكونات يعني بتكشخين بتصيرين انتي احسن طباخة:cook: وانتي اكبر عجازة :(>>>>>>>خخخخ امزح
هني وعافية على قلوبكم وتسلم يدينكم مقدماً
الحالمة 55 @alhalm_55
محررة
يلزم عليك تسجيل الدخول أولًا لكتابة تعليق.
الصفحة الأخيرة
يعطيك العافيه