فورايفر و ميبلين وحلولكم

صبحكم الله بالخير يا حلوات
بغيتكم في استفسار عن
1- الميك أب اللي تستخدمه نسيت اسمها مذيعة( بصراحة كثير احلى ) من فورايفر طيب البودرة اللي تحطها تحت العيون علشان لمن تضع الشدو فما يجي تحت العيون ويخربها ايش اسمها بالحرف والرقم سمعتها تقول البودرة البيضا على زهري كيف وهي بيضا مرررررة ، وحطت في المرة الأخير للحرمة اللي تبغى تغير شكلها حطت لها بلاشر أو قبل البلاشر بودرة مدري ايش اسمها بس لونها لؤلؤي حطتها أعلى الخدود يعني فوق منطقة البلاشر وفوق الحواجب على الأنف قولوا لي اسمائهم ما أبغى موقع فورايفر لأنه بالأنجليزي وأنا ميح :hahaha: وانا عندي كريم الاساس السائل لأهن بشرتي مختلطة وحساسة ولمن احطه احس في بشرتي مقل نغزات الأبرة يعني تقريص وبعدين تظهر لي المناطق الجافه ببشرتي يعني عند الخدود أو قرب الأنف من جهة الخدود يبان جفاف البشرة مرررة وزوجي يقولي اخذتيه بذاك السعر وذحين ما تبغينه اصلا هو حق سهرات وانتي متسرعة جداً وماعاد صرت استخدمه وحتى بودرته المضغوطة ماعاد استخدمهافما الحل برايكم ؟؟
2- ميبلين مرة رحت السويدي ولقيت بماركة ميبلينعبوة ملونه هو مثل عبوة كريم الأساس مات دريم موس فاونديشن اللي عندي مثله لقيت لون زهري و برونزي ---الخ هل هي عبوات بلاشر لأني ما سألت الصراحة كان عند منتجات ميبيلين زحمة من الحريم فما حبيت اتحاشر على سؤال فا اللي تعرفه أو عمدها فكرة تخبرني ونفس اجرب منتجات ميبيلين غير كريم الأساس وكيف احطه وهو كريمي لأني ماقد استخدمت لا بلاشر ولا شدو كريمي لأنه خايفة تنخبص الشغلة بكريم الاساس فما الحل؟؟؟؟
وتراني محتارة بين ميبيلين زمنتجاته وبين فورايفر ومنتجاته وبشرتي نوعها مختلطة وحساسة حتى ما أقدر أنظف بشرتي إلا بالمشقرة لا فتلة ولا تشقير وجهي كاملاً ولا شمع ولا حلاوة ولا بروان لإزالة شعر الوجة على طول حبوب وتهيج في البشرة يعني في المناسبات اشيل بالمشقرة فقط .
وتراني خمرية اللون (سمراء بلا دلع زايد):22: يمكن تعطوني رايكم بانواع كريمات اساس تناسب لوني .
وانا في انتظاركم وانتظار ارائكم فلا تبخلوا بذلك:26: :26:
ودمتم