بسم الله الحمن الرحيم
مفيش وقت
أول كلمة كدا مفيش وقت .... بصراحة حسيت الكلمة دى اوى فحبيت تبقى شعار قعدتنا الجديدة.. " مفيش وقت"
فى المرات اللى فاتت اتكلمت عن تنظيم الوقت وأهميتة ومحالاوت كثير لترتيب حياتنا واستغلها عل الوجة الامثل ذى ما بيقولوا
والنهاردة هأكمل بس بصورة مختلفة شوية ومن وجهه نظر أكثر تعمقا ..
مش كلام كبير بس اصبروا عليا
بعد ما رتبنا حياتنا او نقول بنحاول كان لازم انى اقف مع نفسى اقبل اى عمل هأعمله وأقولها...
العمل دة كان ضورى و ملوش لازمة
العمل دا كان يخصنى ولا ساعتين بيضيعوا فى حاجة ملهاش لازمة وكلام والسلام
والنقطة دى فرقت معايا كثير يعنى مثلا كان ممكن انل اتمشى فى اللاشىء كدا كل اسبوع ساعه ولا حاجة واروح محلات الادوات المنزلية وهات يا شرا وخلاص فبطلت الحمد لله
كمان كان عندى تليفونات كثير من غير سبب رغى وخلاص وقفتها الى حد ما ربنا يعننى بقى فى الباقى اصلها تضييع وقت وحسنات كمان
ثالث حاجة بقى العمل دا مفيد لهدفى ولا لاء وفى نهاية الخط هيقربنى من ربنا ولا بعدنى عنه
يعنى مثلا اكتشفت انى مثلا لما بكلم فلانة دى او بشوفها باقع فى الكلام على الاس مثلا ودا طبعا مش حاجة هينة ربنا يارب يعافينا منها يبقى الخطوة دى بتأخرنى بلاش منها
وفى الاخر باسأل فين الخطوات الجديدة اللى ناوية اعملها وهكذا..
دا كان مهم قبل ما أبدأ كلامى
شعارنا النهاردة مفيش وقت ... غريب يا إيمان ...!!!
لية مفيش وقت ؟؟ مشغولة ف اية واكى اية؟؟
واللى تقولى مالك واخدة الدنيا كدا كله فى السريع فى حله الضغط وراكى اية يعنى؟؟
ورايا حاجات كثير أوى اوى اوى .......
والدنيا تلاهى والدوامة بتبدأ من ساعة عينك ما بتفتح على يوم جديد ...
بتلاقى الشغل واقف على الباب يقولك صباح الخير خدى عندك بقى وراكى بيت وابنك وطبخ ومشاكل واصحاب واخوات واهل وفى الاخر نوووووووم تصبحى على خير بقى اشوف وشك الصبح مش دى الحياة...
بس لازم نقف بقة كفاية جرى .....
تعالى أنتى يا اللى هتجرى من الموضوع كملى معايا للآخر مالك كدا حاسكى قلقانة منى بتقولى ايمان هتقلبها غم ... تعالى بقى اسمعى وبعدين جى براحتك
نتكلم بجد بقى
لما بصيت فى أخر قعدتين لينا لقيت حاجة لفتت نظر اوى ان خلال 3 شهور بس اتنين من امهات اصحابنا اتوفوا فى فترة قليلة جدااا وحسيت بجد انها حاجة غريبة شوية ونفس الوقت احنا كدا نعتبر عينة عشوائية من المجتمع كل شخص فينا من مكان بعيد عن التانى وظروف مختلفة لكن القاسم المشترك اللى حصل بينا كان هو موضوع وفاة والدة "بلو روز" و والدة "مادو" ربنا يارب يرحمهم ويرحم اموات المسلميين
فكان لازم نقف مع نفسنا
وبجد اول ما عملت البحث لقيت أية بجد كأنى أقرأها لأول مرة"
"وما يدريك لعل الساعة تكون قريبا"
بجد يا جماعة محدش فينا يعرف هو هيموت امتى مش يمكن ساعتى دلوقتى حتى وانا باكتب لكم بعيدة لا والله ممكن جداا
ممكن اان ممكن انتى .. أيوة انتى الل مممكن تقفلى دلوقتى وتقوليلى انتى جاية كدا تنكدى علينا ولا سبينا مش مكانه بقى الكلام ده ويطلع الناس اللى يقولولى روحوا قسم الفتاة المسلمة كأن هنا مكان للكلام فى السطحيات وبس احنا هنا شغالات وستات بيوت ونسيب الدين للجوامع ... ولا الشيطان يجى ويقولك لسة بدرى اللى ماتوا دول كبار واللى بيموتوا فى الحدوادث دول ناس بعيد عننا ..
الفكرة والله يا بنات ان لما بنتكلم فى كدا بنحس من جوانا كأن اننا مش هنكون فى نفس المكان اببدا كأن الموضوع بعيد والشيطان بقى ونفسك يقولك فلان الله يرحمه وحيل الدفاع النفسية تحسسنا اننا من كوكب آخر وانا أولكم أصلا
بس بجد فعلا والله انا اتخضيت مادو قالت ان مامتها تعبانة من شهر واحد ولما رجعت لكل الاحداث لقيت انها كانت معاها عادى طول الفترة اللى قبلها هى واخواتها اغلب الوقت عندها ربنا يرحمها يارب
وافتكرت علاء ولى الدين فاكرينة ؟؟ الناظر... مات فى العيد من 4 او 5 سنين صحى الصح صلى العيد وذبح و وزع الأضحية وبعت أخوة يشترى الجرنال والحياة عادى يعنى رجع اخوه لقاه ميت
ومحمد عبد الوهاب بتاع الاهلى وعظ زميله فى الفريق انه يبعد عن البنات ويا ببنى فوق فجأة بيلعب مات
بلاش كل ده يمكن فية ناس فيكم يعرفوا
الصيف اللى فات تحديدا ...
خالتى مدسة وعادى رجعت من شغلها سهرت مع ولادها وعادى جدا ماتت وهى قاعدة الساعه 2بالليل
وبعدها بشهر عمى راجع مع بناته منهم واحدة عوسة فرحها بعد اسبوع وشاريين حاجات الفرح بيضحكوا وبيقولى بنته ان اكثر يوم فى حياتهم يضحكوا كدا عملوا حادثة ومات
و .......... كل دى حالات جنبا لا مننا
يبقى
Stop
نقطة ومن أول السطر رايحيين على فين....؟؟؟؟؟؟
هتقولوا أنتى كدا عايزنا منعش بطموحات ولا نفك فى بكرة خلاص وما احنا خلاص هانموت ومنخططش لحياتنا
ونقعد بقى نستنى الموت ومرعوبيين و ياتر هاموت امتى واذاى ؟ ويبقى الواحد لا عارفه يعييش ولا حتى عارف يعبد ربنا ... انتى كدا بتموتنا بالبطىء
هأقولكم لاء أستنوا عليا شوية.....
ارجعوا لأول كلمة كتبتها قلت مفيش وقت وبدأت على طول فى سؤال نفس عن أهمية العمل اللى عملتة ومفيد ولا لاء يبقى بما انى كتبت الكلام فى نفس الوقت وبنفس النفسية يبقى مش قصدى ابدا اننا نحط ايدنا على خدنا ولا نسيب الدنيا ونستنى الموت...
قصدى اننا نكون ايجابيين بقى مره فى حياتنا ونفكر بجد ان ممكن ميكنش فية وقت فى حياتنا فبندأ نشتغل ونتحك اسرع وبهمه أكبر
الناس 3 أنواع ...
واحد النهاردة أحسن من امبارح ودا بقى مشااء الله علية ربنا يجعلنا منهم يارب
وواحد النهادة ذى امبارح ودا خسران لان لا مكسبش اصلا ومقربش شوية المسافة والرصيد ثابت لا فوق ولا تحت
وواحد أسوأ من امبارح ربنا يرحمنا يارب
عايزييين نختا احنا فيين فى دول...
انتوا عارفيين مشكلتنا فين فى كلمة واحدة بس" لسة بدرى"
لسة بدرى دى خطيرة اوى اوى والله
يعنى دلوقتى بنقول لسة بدرى دا انا لسة 30 سنة لسة بدى فتكترى لما هتبقى 60 سنة مش هتقولى لسة بدرى
لسة بدى معناها الصح طول الامل
وطول الامل دا لو فكنا فية هنلاقية اصل لاغلب مشاكلنا يبقى لسة بدرى هى السبب
لسة بدرى دى هى سبب غفلتنا مش ربنا اللى قال :
" ذرهم يأكلوا ويتمتعوا ويلههم الأمل فسوف يعلمون "
فتلاقى فية كذا حاجة بتشغلنا ...مرة ادام فضائية تلاقيكى بالصدفة بتقلبى كدا تلاقى فيلم الله دا جديد هو نزل تلفزيون كل سنة وانتى طيبة 3 ساعات راحوا
لية 3 بس هما ساعتيين والباقى الاعلان بقى بقى تريحى شوية بعد الفيلم وكذا
وفية ناس الدوامة وخداهم اوى شغل الصبح وبيت وولاد بعد الظهر وتجع من الشغل جرى على ماما وعلى الحضانة والطبخ ووووووو تنام
وفية مشاكل ف بيتها او في عيلتها وكل واحدة فينا عندها كثير "لاهيها" شفتوا لا هيها دى ..كل الناس بختلف الطبقات الاجتماعية والمراحل العمرية عندهم لستة كامله للملاهى او التلاهى اليومية
طيب والحـــــــــــــــــــــــــــــــــــــــــــــــــــــــــــل......!!!!
اكيد الملاهى دى مش هتنتهى الا بقرار ان كل حاجة فى حياتنا تنقلب وتطلب حاجة واحدة اسمها رضى ربنا ....
أية يعنى اجوع العيال ؟؟وجوزى واهلى و الشغل ..عايزنا نشحت
نقعد فى الجوامع ولا على سجادات الصلاة وخلاص على كدا
مين قال ؟؟
لسة بنقول ايجابية
اتحركى فى كل حياتك بس اسألى نفسك قبل كل خطوة التلت اسئلة اللى فى اول الموضوع
ولو لقيتى ان الخطوة ملهاش هدف ينفعك متمشيهاش اصلا
كل دة يتحول لطاعات ... لكن طول ما احنا عايشيين لنفسنا هتبقى مشكلة واحنا الخسرانيين
فاكريين عبد الحليم جت لااعلم من اين جت ولا كأنى أتيتت .....
احنا بقى عارفيين احنا جنى لية ومش فاكيين اننا جينا كدا وبنقضيها وبس ووقت ربنا يبقى يحلها هو من عدة
وفية حاجاة خطيرة اوى فى لسة بدرى دى برضو
مثلا نسمع ان من قال سبحان الله وبحمدة غرست لة نخله فى الجنة خدت اية دى ثانية أهه
الثانية ليها وزن تقيل اوى عند ربنا بناخرها لية ... مش نلحق نقولها
امل بقى لسة بدرى ... الله دى حلوة اوى هانبقى نقولها ان شاء الله ف رمضان ولا يوم الجمعة ولا لما بقى اروح احج اصلى هالكة نفسى تفكير اذاى احج
لسة بدرى كمان لما اقول لحد اسألى نفسك حجابك يرضى ربنا تقولى ناوية والله أغيره وهأفكر بجد انتى فكرانى عاجبانى نفسى كدا يعنى ؟؟
انتى حاسة ان ادامك لسسة وقت ؟؟؟ لسة بدرى يعنى؟؟ هو انتى عارفه بكرة جاى بأية ولا بلاش الثانية لجاية فيها اية .. مظنش
يا بنتى بطلى تجيبى فى سيرة الناس .. لسة بدرى هاتوب اكيد
يا حبيبتى خارجة لية بغير جو ... باتمشى ..حرام يعنى ....ماشى بس مترجعيش تقولى مفيش وقت ... لما اقولك قرأتى قرآن النهاردة قلتى اى ذكر واحد حتى
اتصلتى بخالتك ولا عمتك فى ثانية ووصلتى رحمك
يا ستى دولابك هيعيط من زحمة اللبس بتشتى تانى لية علشان الشتا الجاى ...ما كفاية وادى حاجة منهم لطفل مش لاقى يلبس فى الشارع... لسة بدرى...برضو انتى حرة بقى
المهم بقى فى الآخر لازم أوصل لحل عملى جداا
فقررت أنى أعمل وقفة جاد مع نفسى كفاية كدا بقى
ما يمكن انا الل عليا الدور ... ما يمكن حد فينا
كفاية بقى يا نفس أخرتها اية معاكى بتغقينى والله اخرتها اية فى الحال اللى ميرضيش ربنا دة ؟؟ فوقى يا بنتى العمر قصير ..
فرحانة لية بالدنيا دى جنة أونار يا ايمان فوقى
الحقى نفسك بقى !!!
بجد بقى يا جماعه الخطوة دى واقعية جدا لقيت الناس اللى حاسيين بالحقيقة بجد عندهم 4 حاجات اساسية مشتركة بينهم تحسوها كدا هبة من ربنا
قوة رهيبة فى الطاعه تلاقيها شعله نشاط ماشاء الله بتشتغل وبيتها ذى الفل وولادها اعلى تربية ومع كدا استغلال للوقت ربنا يبارك ذكر اغلب الوقت لو فاضية فى 5 دقايق بس صفحة قرىن سمعت جارتها تعبانة جرى فى 10 دقايق زيارة فى السريع واهى عيادة مريض الصبح تليفون لماما صله رحم كاسيت صغير ولا ام بى ثرى شغال مبيونش يا قرآن يا محاضرة مع ولادها تربية تمام وركعتين يام خفاف وتنام بركة رهيبة فى الطاعه وفى الوقت والله
تانى حاجة متلقيهش بيشيلوا هم خالص ... تقوليها الدنيا غلت تقولك سبيها على الله مش بتفرق والله .. ياربى الولاد عندهم امتحانات واعصابى خلاص هاموت يسا بنتى هتعدى ربنا بس ينجحنا فى امتحان الاخرة والدنيا ولا هماها فعلا مفيش هم بمعنى هم
الاحلى من كل دة بيبقوا رايين اوى اوى مبيفرقش ابدا اكلت اية ولا لبست واية شيك ومنسقة بس مش لازم ب1000 طالما مش معاها ولو معاها عايشة برضو حلو يعنى مش فارقه معاها ماشى ممعهاش ماشى برضو
تحسى بقى بنور عجيب فى قلبهم تقولك المكان دا مثلا مبحبش اروحه حاسة فية حاجة مش صح ويطلع بجد ربنا نجاها من حاجة كبيرة كانت هتحصل فية وهكذا والله
أخر حاجة بجد عملية لازم شعار
" مفيــــــــــــــــــــــــــش وقــــــــــــــــــــــــــــــــت"
لازم الحق اعمل رصيد سبحان الله
"وهو الذى جعل الليل والنهار خلفة لمن اراد ان يتذكر او اراد شكورا"
ليل بيجرى ورا نهار و24 ساعه بتمر فى لحظة يبقى لازم الرصيد يعلى بمنتهى الايجابية لازم نسابق الزمن ونعيش بس نعيشها صح وبس
ويالا سلام بقى.. طولت عليكم بس اعمل اية ...
بحبكم فى الله
سبحانك اللهم وبحمدك اشهد الا اله الا انت استغفرك واتوب اليك
ايمان
************
يمنع وضع الايميل
الاشراف
مدام وائل @mdam_oayl
محررة برونزية
يلزم عليك تسجيل الدخول أولًا لكتابة تعليق.
مامانانا :
بارك الله فيكى ويسعدنى اكون اول من رد عليكى وانا من اليوم بدات اقول فعلا مفيش وقت للكسل والاتكال على عبارات بنستغلها غلط زى الله كريم او ان شاء الله او لماربنا يسهل يارب اقدر اكون زلى ما خططت لليوم وبكره وتستمر خططتى والله يكون عون لى على نفسىبارك الله فيكى ويسعدنى اكون اول من رد عليكى وانا من اليوم بدات اقول فعلا مفيش وقت للكسل...
ربنا يكرمك يارب
ويعننا على انفسنا ياااااااااااااااااااااااااارب
ويعننا على انفسنا ياااااااااااااااااااااااااارب
ماشاااااااااء الله عليكي الله يزيدك من فضله بصراحة كلامك يوزن بماء الذهب
الله يقوينا ويساعدنا على طاعته ويختملنا بخير ياااااااااااااااااااااارب
وأنا معااااااااكي مافيش وقت
الله يقوينا ويساعدنا على طاعته ويختملنا بخير ياااااااااااااااااااااارب
وأنا معااااااااكي مافيش وقت
tamazirt
•
كلامك سليم وانا معاك في كل كمة قلتيها فعلا مفيش وقت اربنا اقدرنا على التغير ومبروك الملف الجديد
الصفحة الأخيرة
وانا من اليوم بدات اقول فعلا مفيش وقت
للكسل والاتكال على
عبارات بنستغلها غلط زى الله كريم او ان شاء الله او لماربنا يسهل
يارب اقدر اكون زلى ما خططت لليوم وبكره وتستمر خططتى
والله يكون عون لى على نفسى