معلش ا جميل ربنا يعوض عليكى بالأحسن و يخلفك الخير و المهم ان بنت كويسة و تمام
و عموما الباب ده هيكون سعره حسب نوع الغسالة اتصلى بمركز الصيانة و اسالى عن سعره و ان شاء الله هيكون رخيص

حبيبه ها هسالك الراجل الى بيصلحلى بس قولى نوعها ايه وانا اسال وارد عليك قدر الله وما شاء فعل ربنا يعوض عليكى

ام البنات جزاكى الله خيرا
نوعها كلفنيتور امريكانى

انا سالتة وقال باذن الله لو المفصلات تتغير ولو الباب كلة بتغير قولى العيب بالظبط وبكرة هيجيب بضاعة لناس ويسال لنينا وان شاء الله خير

السلام عليكم ورحمة الله وبركاته
سلامى للجميع الملف بقى تنوعه جميل
سلام بقى كبير لشيمو بجد فرحت جدا لوجودك وحشتينى جدا وتعليقاتك وقفشاتك الجميله ربنا يكمللك على خير
عطر جزاك الله خيرا على الرابط سبحان الله صوره عجيبه بصى فى موضوع النيه قبل ما أقرا كلامك الصبح اول ما صحيت من النوم
قلت اللهم اجعل جميع أعمالى لهذا اليوم خالصة لوجهك الكريم وتقبلها منى
يالا منتظره فتوى كده صح ولا لازم كل عمل بنيه جديده
ام سوسو ربنا يشفى بنتك الف سلامه عليها طبيعى جدا حالة العصبيه قبل البريود لانى عرفت مؤخرا
ان الهرمونات هى المسيطره على كل حياتنا حتى الحاله العاطفيه والرومانسيه مرتبطه بالهرمونات
يعنى الفتره بعد نهاية البريود بتكون حالة الرومانسيه عند المرأه عاليه جدا ده مش كلامى ده كلام طبى
وبعد فترة التبويض الحاله الرومانسيه بتقل وقبل البريود بنكون فى حالة ياشر اشتر
فنكثر من الاستغفار فى هذه الفتره خير معين ان شاء الله
ام البنات بصى عشان ترتاحى تماما من مشكلة ده قرارى ولا قرارك يبقى اى تصرف صلاة الاستخاره
حتى لو الموضوع لم يتم بالصوره المطلوبه بحس بارتياح للقرار لان ده ترتيب ربنا واكيد ده الخير
لان لو تفتح عمل الشيطان
ميرو ما شاء الله ايه الهمه والنشاط ده كله
ورده مفتحه انا كنت قررت فى فتره انى اعتزل الناس تماما بسبب سوء الطباع
فسمعت حديث عن الرسول عليه الصلاة والسلام
المؤمن الذى يخالط الناس ويتحمل ازاهم خير من المؤمن الذى لا يخالط الناس ولا يتحمل ازاهم
فاحتسبى النيه فى مخالطة الناس انك بتعملى بهذا الحيث ولكى الاجر على الصبر على سوء الطباع
تودا انا الوصفه فيها كلمة منشفه وفوطه ومفركه الثلاث بمعنى واحد لكن مراعاة لاختلاف اللهجات
يعنى بيحطى البيكربونات على اى فوطه صغيره وتفركى بيها
دموع التائبه بتنورينا يوم الاحد لكن شكلك مشغول
زوجه مصريه مش عارفه وختفيه ليه طمنينا عليكى
اكيد فى بنات نسيتها بعتذر لكن والله بحب الجميع وبستفيد من الجميع
ايمان موضوع اليتيم ده بيأثر فى نفسى جدا عندى فيه آمال وطموحات لكن كلها مؤجله لنزولى مصر
ربنا يرزقنى على صدق نيتى
بالنسبه لموضوع الحفظ صحبتى بكلمها فى التليفون قالت لى اختى خلاص حا تختم القرآن حفظ وماشاء الله فى فتره قليله
فحبيت احكى لكو قصتها
دى قصة اخت صحبتى زوجها فى مركز مرموق وعائله عريقه لكن بعد الزواج اكتشفت انه مدمن خمر
صبرت واحتسبت لكن المعصيه بتجر المعصيه تتطور الامر للخيانه الزوجيه وفى بيتها فى غيابها
صبرت ورفضت الطلاق وركزت كل جهودها مع ولادها وتربيتهم وشغلها بدأت تحفظ ولادها القرآن
وعن طريق النت بدأت فى الحفظ حفظت فى خلال عام عشر اجزاء ما شاء الله
الزوج بيثور بجنون لما يشوفها بتصلى هى او الولاد فبتصلى فى السر بدون ما يراها
اكتشف حفظها للقرآن ثار بجنون والشيخ المحفظ لولادها هدده لو استمر فى تحفيظه للولاد
فالحفظ ايضا فى السر مع زميلاتها فى العمل يحفظوا ويراجعوا مع بعض
وهى حاليا ما شاء الله باقى لها اجزاء بسيطه وتختم اللهم ثبتها وفك كربها ويهدى لها زوجها ويعوضها خير
يالا نشد الهمه فى الحفظ كل وحده حسب قدرتها ونجعله تحدى لان الشيطان بيدخل للانسان من باب التسويف
والتأجيل بعدين لسه فمعانا وقت والايام جايه
سبحانك اللهم وبحمدك اشهد ان لااله الا انت استغفرك واتوب اليك