يا بنات كنت عايزه حد يبدا معى فى حفظ القران علشان نشجع بعض يلا مين يبدا معى :26:

منى جزاك الله خيرا معلوماتك فى التوفير رائعه
ودى افكارى فى التوفير من مشاركه قديمه ان شاء الله تكون مفيده
وياريت كل البنات ال عنده حاجه جديده يضيفها
ام يوسف انتو حا تبدأوا حفظ من اى جزء
انا ان شاء الله ناويه ابدأ وحا اسمع مع صحبتى على التليفون

انا عندى افكار هى ممكن ما تكونش جديده لكن ان شاء الله تستفيدو منها
وهى تدوير بقايا الطعام ليس من باب الوفر فقط لكن من باب المحافظه على النعمه
1- اى بواقى رز اضعها فى الثلاجه وثانى يوم اضعها مع الرز الجديد وهو فى مرحلة نصف السوا
مش بيبان نهائى والطعم عادى
2- لو مش حا احتاج بواقى الرز اضعها فى الفريزر واجمعها واسخنها على البخار واضيف عليها باقى مكونات الكشرى
3- بواقى الفراخ ينزع منها العظم وتفرم فى الكبه ونضيف عليها بيضه او اكثر حسب كمية الفراخ وتوابل ونقليها
فبذلك حصلنا على كفتة فراخ
3-بواقى المكرونه توضع فى الفريزر و نجمعها ونعملها بالبشاميل
4- بواقى السمك ينزع عنها الشوك وتوضع على بطاطس مسلوقه ومضاف اليها دقيق والسر فى الدقيق حتى لا تشرب
زيت وتتفتت اثناء القلى ثم يضاف لها ثوم وشبت وتوابل وتقلى وحصلنا على كفتة سمك
4- لو عندك اى معجنات وحابه تسخنيها وممكن تنشف فى الفرن تلف بفويل وتسخن على البخار
وممكن تسخين المحشى بنفس الطريقه
5-بواقى الزبادى او الحليب توضع فى الفريزر للكيك والمعجنات
6- بواقى الخبز لا تستهترى بها اطلاقا تحمص خفيف وتطحن بقسماط
اضع عليها زبده وادخلها الفرن واضع عليها زعتر او بواقى جبنه او اى ناكهه تفضليها افضل من البيك رولز وصحى وتسالى للاولاد
7- قشر البرتقال اضعه فى الفريزر واضع منه على الكيك نكهه طيبه وللقضاء على الزفره
8- قشر الليمون فى الفريزر حتى تتجمع منه كميه ويغلى وماءه فى بخاخ التنظيف خل وفيرى وصابون سائل
9- فكرة البخاخ فى المنظفات موفره جدا
10- بواقى الصابون تبشر وتغلى مع ماء على النار واضعها فى علبه لغسيل اى اوانى المنيوم لمعه رهيبه
11- الصابون السائل فى زجاجة الصابون اليدوى الفارغه واضغط على الاسفنجه موفره جدا
اتمنى ان تستفيدا من هذه الافكار ونحتسب النيه المحافظه على النعمه وعدم الاسراف ثم التوفير

اعتذر مقدما لو لقيتوا كلامى مكرر لانى كتبت المشاركه اكتر من مره وفى كل مرة تضيع المشاركه

بنات عندى حاجه بعملها من باب التوفير فقلت اقولها لكم بما ان الجبن الموزاريلا غالى انا استبدله بجبنه شيدر مصرى النصف كيلو اللى هيا قوالب اشتريها ثم اضعها بالفريزر تتجمد ثم اخدها عند الاستعمال من الفريزر ابشرها وهى مثلجه فتكون كالمزريلا بس اوفر كتير

POOTA
=====مسا الفل يا قمر انا معاك فى حفظ القران لى مشاركة اشرح فيها بعض التفاصيل فى الملف
معلش دورى عليها .... واعتقد ان ام يوسف بدأت فى الحفظ وكذلك ايمان
ابدأى وانا فى الخدمة على فكرة انا بفضل الله بدأت فى الجزء الخامس والعشرين يعنى قربت اختم لكن براجع من الاول فهبدا معاكى من تانى
استعينى بالله ولا تتسوفى
اللهم اغفرلى ما لا يعلمون