Noody30 :

السلام عليكم و رحمة الله و بركاته مساء الخير على أحلى ستات ماهرات ما شاء الله الموضوع جميل و مليان معلومات حلوة و مفيدة ده غير الصحبة الحلوة ربنا يديم بينكم المحبة و المعروف طبعا مش كتير منكم عارفيني لكن ايمان ام بودي و ميرو و هايا و دموع التائبة و وردة مفتحة و المحبة للرسول عارفيني. انا أم مروان و اسمي أمل و زي ما انا شايفة فيه ناس من طنطا، انا من طنطا لكن متجوزة و عايشة في حدايق المعادي و جوزي من المنصورة، يعني فرانكو أراب خالص :) انا خريجة ألسن انجليزي و كنت باشتغل مترجمة صحفية بس حاليا هاوس كيبر و ناني للبرنس مروان( سنة و نصف) :42: انا بقالي فترة كبيرة باحاول اذاكر مواضيعكم اللي فاتت عشان ادخل معاكم في الحوار بس يظهر مفيش فايدة، فدخلت على طول و يا ريت تقبلوني معاكم ضيفة خفيفة على قلوبكم فيه معلومة بسيطة للامهات اللي عندهم اطفال لسه بيستخدموا بامبرز، فيه نوع الماني تحفة من الحفاضات نازل جديد اسمه toujours الاسم فرنساوي بس هو ماركته الماني. العبوة فيها خمسين و سعرها ستة و اربعين جنيه و اكتر من رائع مش بيسرب و الجوانب بتاعته سترتش فمش بتبقى شادة على وسط البيبي و كمان انا حاساها موفرة عن انواع تانية كتير. اصلي جربت مع مارو كل الانواع و ده اللي استقريت عليه. كمان كريم تغيير الحفاض مش لازم تجيبي حاجة غالية اوي، فيه نوع تركيب بيتباع في الصيدليات اكتر من رائع و الميزة ان فيه زيت زيتون، انا باستخدمه لمروان على طول و مريحه جدا ما شاء الله. الكريم اسمه كريم اكسيد الزنك مع زيت الزيتون و بييجي في تلات احجام الكبير ب 13.75 جنيه و بيقعد فترة طويلة لو لقيت حاجة تانية افيدكم بيها اكيد مش حتأخر سلامي للجميع

السلام عليكم و رحمة الله و بركاته مساء الخير على أحلى ستات ماهرات ما شاء الله الموضوع...

رضا الله غايتي :

السلام عليكم اخوات ازيكم كلكم ؟ ممكن معلش كم سؤال ع السريع عايزة اكلات لطفل 11 شهر ؟ وعايزة انظف الحيطة والابواب استخدم ايه ؟ وجزاكم الله خيرا انا مفتقدة رانيا اسبانش والملكة الرومانسية بجد سامحوني على قلة مشاركتي نفسي ابقى معاكم ع طول بس العين بصيرة والايد قصيرة

السلام عليكم اخوات ازيكم كلكم ؟ ممكن معلش كم سؤال ع السريع عايزة اكلات لطفل 11 شهر...