خلاص وانا كمان ان شاء الله في الحفظ لكن ولو معندكوش مانع يبقي خميس وجمعه اجازه لاني لما بيكونو كلهم مشرفين في البيت بيبقي طول الوقت طلبات وفك اشتباكات

السلام عليكم ورحمة الله وبركاته

صباح الخير والتفاؤل والنشاط

ما شاء الله هبهوبه وام البنات كمان انضموا ربنا يبارك ويزيد ويتقبل منا .. امين

هبه حبيبتي انا برضه لسه مش جبت mp3 اول الشهر ان شاء الله خلينا نراجع دلوقتي من النت مؤقتا

رضا الله غايتي .. بصي يا قمر ابنك ياكل كل حاجه بس انا بحب في السن ده اعمل اكل مخصوص ليهم

يعني مثلا لو هتعملي فراخ يبقي قطعه حلوه من الصدر وعليها بصله صغيره وفص توم صغير( مضاد حيوي طبيعي) واي نوع خضار

وطماطم و لو عندك لوبيا او فاصوليا منقعوين حطيهم الاول يستووا وبعدين حطي الخضار وما تسويهوش كتير عشان يحتفظ بالفيتامين

ويوم تاني ممكن قطعة لحمه ويبانخ وحمص ورز ويوم تاني ممكن قرع عسل وفراخ او لحمه وطماطم وجزر مبشور وحاجات كتير

انتي تشكلي فيها وكل ده بكميات صغيره لأنه اكل يومين المهم انك تفرميه بالمالتي كويك او الكبه والفطار قمح بالبن تكوني طبعا

اعملاه في البيت او كورن فليكس مع حليب وسكر قليل او فول مع فينو وزيت زتون ولمون كله طبعا مفروم والعشا ممكن زي الفطار او

من الغدا كميه صغيره وبعدها بشويه نصف علبة زبادي ..

سلامي لكل القمرات واحده واحده ربنا يبارك فيكم وييسر امورنا جميعا الي ما يحب ويرضي

سبحانك اللهم وبحمدك اشهد ان لا اله الا انت استغفرك واتوب اليك

اوكي يا رشا يوم الخميس والجمعه ان شاء الله مراجعه مع نفسنا حفظ الاسبوع ............. صباح الفل

ماشى يا منمن الزهايمر ده كل يوم ينسيكى اسمى ماشى ياعم سماح ولا عبرتينى فى الكروشيه فى الموضوع بس اعمل ايه

برضو بحبك فى الله


كل البنات يارب تكونوا بخير

السلام عليكم و رحمة الله و بركاتة
انا كمان يا بنات معاكم فى الحفظ ان شاء الله


ام البنات
ربنا يشفى بباكى يا رب و الله بدعيلة فى الصلاة ان ربنا يخفف عنة و يرزقة الصحة و العافية يا رب و يخلية ليكم


عروس النيل

افكارك للتوفير حلوة قوى
انا كمان بعمل كدا فى الرز و لا حد بياخد بالة خالص لان الطعم مش بيتغير ابدااا

بوتا
جزاكى الله خيرا يا قمرايا و ن شاء الله نكون صحبة حلوة نعين بعض على ذكر الله

بالنسبة للجبنة الشيدر يعنى فى الطعم مش بتختلف عن الموزاريلا ؟؟؟ لو كدا طبعا هتبقا اوفر بكتير


أرجو عفو ربى
ربنا يصلحلك الحال كلة و يثبتك يا رب و يرزقك من حيث لا تحتسبى


ماما زوزو
ايوا كدا عايزين حد يهدى النفوس بردوا و الله كل كلامك فعلا صح بس احيانا الواحد بيمل من انوا بيقا بارد كمان فى ظروف الحياة دى الواحد من اقل حاجة دماغة بتلسع ههههههه

لمياء
البنطلون شيك قوى يالا هاخدو منك لفة كدا اهو نيو لوك جديد بدل الرتابة اللى بقينا فيها

rawanyo

ازيك يا قمر ؟اخبارك اية؟

ام مريم العسل

نورتى يا قمر
انا كمان الكمبيوتر كان عاملها الايام اللى فاتت كنت حاسة بتوهان بقيت مدمنة لمتكم الحلوة

memsi

ما شاء الله اية الهمة دى و الله انا عايزة ابداء كدا زيك بس مستنية امشير لانى لسة كنت منضفة و الجو عندى قلب قلبة فظيعة كمان عشان انا فى 6 اكتوبر فالجو بيبقا تراب قوىىىى
بس بجد فكرة المقشة دى حلوة ان شاء الله هستخدمها للحيطة

um susu

فعلا و الله الموضوع دا بردوا جالى على الايميل من سنة فاتت و الحمد لله بعملة الان و ما تتخيلى البركة و الرضا اللى احنا حسينهم بجد مشروع رائع بتاع الحصالة

مدام وائل
لالالالا يا قمر حاولى تظبطى نومك يا جميل عشان ما تحسلى بتعب هو اول اسبوع بس هتحسى ان البنزين عندك فاضى خالص و ما فيش اى باور خالص بس بعد كدا هتستريحى جدا لان الصحيان بدرى فية بركة يا قلبى

نووووووووووودى
طبعا يا قمر من اللى ما يفتكركيش اخبارك اية و اخبار مروان؟؟


كل البنات بحبكم فى الله