ام مريم العسل :

مى بخصوص الماجات اعملى واحد لفرش الاسنان ف الحمام وواحد حطى فية فرش الميك اب على التسريحة وممكن تستخدمى اللى اتكسرت ايدة بهد متزوقية بتل او اى قماش بيلمع مكشكش كدة بشكل عشوائى بيبى شكلة حلو الزقية علية بمسدس الشمع بخصوص الحلل من غير ايدين عااااااادى استخدميها فى السلق مثلا يعنى اسلقى كرنب او ورق عنب بدل متبهدلى الكويسيييين اما الطاسات التيفال اللى اتقشرت بيقولو خطر تستخدميها بس انا لالاسف بقلى فيهم يعنى سمك بطاطس وكدة يعنى

مى بخصوص الماجات اعملى واحد لفرش الاسنان ف الحمام وواحد حطى فية فرش الميك اب على التسريحة...

memsi :

عندى سؤال سريع عندى كذا مج مابقاش ينفع للشرب لانه بيسرب من تحت وفي واحد اتشرخ كمان فمابقاش ينفع وواحد ايده مكسورة المهم ممكن استفيد منهم ازاى في حاجة تانية في البيت وسؤال تانى الحلل والطاسات اللى ايديها اتكسرت والطاسات التيفال اللى قشرت مثلا وما بقاش ممكن استعمالها نستخدمها في ايه؟

عندى سؤال سريع عندى كذا مج مابقاش ينفع للشرب لانه بيسرب من تحت وفي واحد اتشرخ كمان فمابقاش...

Noody30 :

السلام عليكم و رحمة الله و بركاته ازيكم جميعا يا أحلى ستات في الدنيا امبارح دخلت كتبت لكم كلام كتييييييييير و فجأة الكمبيوتر هنج و كل حاجة قفلت و كنت حأطق من الغيظ و لما جيت أكتب تاني، مروان أفندي حلف ما هو سايبني اقعد عالكمبيوتر، فقلت الادب فضلوه عن النت و قمت بكرامتي ماما زوزو ازيك يا ست الكل؟ يا رب تكوني بخير و ربنا يبارك لك في صحتك و يخليلك اولادك و يفرحك بيهم لمياء القمر، اخبارك ايه؟ و الولاد عاملين ايه؟ تسلم ايديكي على الشغل اللي في البنطلون شكله حلو اوي و دلوع و كمان البلوزة ما شاء الله شكلها حلو. انا بقى خايبة تماما في الاشغال دي. حتى و انا في ثانوي كنت اتعلمت في المدرسة شغل الايتامين و عملت حاجات حلوة مع المدرسة بس نسيت كل حاجة طبعا و معرفش اشتغل بنفس الشطارة دلوقت. مروان باشا بخير الحمد لله و بيبعتلك بوسة شهيدة أم عمر، ازيك يا حبيبتي؟ وحشتيني اوي اوي و ازاي الاستاذ عمورة؟؟ ياللا هو كده حيبقى خليفة الملاعب لبودي ابن ايمان و مروان ابني ههههههههه شوفي انا برضه مروان كان مجنني و مكنتش باعرف اشتغل منه بس لما بدأ يكبر شوية بقيت اقفل عليه اوضة الليفنج و بابقى مأمناها تمام و سايباله التلفزيون شغال و حاليا بيطفيه الحمد لله :hahaha: و اروح اخلص شغلي. ساعات كان يسكت و يلعب بلعبه و ساعات يعيط بس كنت باسيبه و امري لله ما انا حأعمل ايه يعني؟؟ مرة واحدة جربت اخده معايا المطبخ و كانت مرة فاشلة و معدتهاش. بس صدقيني كل ما عمر يكبر حيبدأ موضوع العياط و الاعتماد الكلي عليكي يقل. ربنا يخليه ليكي يا رب. و جزاكي الله خيرا على معلومة الزبدة و الزيت و على الدعاء الجميل، انا حاعمل ازيك و اكتبه في ورقة و الزقه عالباب ان شاء الله. و شكرا لسؤالك على مروان، الحمد لله اتحسن اوي بعد العملية و الجراح بيطمنا عليه بصورة دورية و قالنا انه خلاص حيبقى طفل طبيعي بس لما يكبر مش حيدخل جيش و لا كليات عسكرية، قلتله انا فين و الكلية و الجيش فين، المهم اطمن دلوقت :32: لا و تضحكي لقيت باباه بيبصلي بصة عماد حمدي و بيقول لي مش حيدخل كلية عسكرية :D قلت حسبي الله و نعم الوكيل الناس دي دماغها فاضية و الله، قال كلية عسكرية قال، انا حأقعده جنبي في البيت يتعلم له اكلتين في المطبخ و بعدين يطلع يشتغل في قناة فتافيت :cook: و الف سلامة على حماكي ربنا يشفيه و يعافيه يا رب كنزي السكرة، الف سلامة عليكي يا حبيبتي من التعب نفسيا و جسديا. وحشتيني يا نونو، ازيك و ازاي الولاد؟ الحمد لله انا بخير و مارو بخير أم سوسو اهلا بيكي يا قمر، المصريات كمان سعداء بوجودك و بيعتبروكي منهم. بسم الله ما شاء الله اسماء بناتك حلوة اوي. ياللا احنا نخطب مينا لمروان و اسماءهم حتى لايقة على بعض ههههههههه انتي كمان انجليزي؟؟ اهلا و سهلا ياللا بقى نعمل رابطة خريجي الانجليزي كمان :hahaha: انا كمان حاليا متفرغة للبيت و للبرنس مروان و المطبخ :cook: فكرتك عن شرب الماء جميلة فعلا و لازم نكثر من شرب الماء قدر الامكان خصوصا في الصيف عشان نعوض الماء المفقود في صورة عرق و البشرة متجفش. سلامة حالتك النفسية، شوفي اهم حاجة زي ما قالوا البنات اشربي قرفة و بلاش قلق و توتر و ان شاء الله تكون اضطرابات عادية بسبب الجو و لخبطته لانه بيؤثر كتير على النفسية هايا الجميلة، ازايك و ازاي ملوكة و اخبار اسكندرية ايه؟؟ انتي كمان وحشتيني يا قمر و مارو بيسلم عليكي انتي و ملك. و انا اقدر استغنى عن بيتنا، حاضر حاشوفكم فين و اجي جري ميرو حبيبتي، طبعا مش حأقولك اكتر ما البنات قالوا و انا مع ماما زوزو في اخر جملة، انك لازم تصالحي جوزك حتى لو حاسة انه غلط فيكي، تعالي على نفسك و ابدأي بالصلح عشان تاخدي الثواب حتى، و بعدين متخليش الشيطان يلعب بيكم كده و تفقدي اعصابك، خليكي حكيمة و هادية. و البقاء لله في حالة الوفاة اللي عندكم، انا لاحظت من كلام البنات أم البنات المصرية، ألف سلامة على والدك و يا رب يشفيه و يرفع عنه البلاء دموع التائبة، ازيك يا منمن و ازاي عروسة ابني؟؟ بالنسبة للمكالمة كفاية اني سمعت صوت ماما يا بنتي، و انا عارفة ظروفك الله يكون في عونك. و جزاكي الله خيرا على الافكار الحلوة ام يوسف، شكرا على ترحيبك بيا يا قمر عروس النيل، ما شاء الله عليكي، جزاكي الله خيرا على المعلومات المفيدة و الافكار الاقتصادية بوتا، شكرا يا جميلة على ترحيبك بيا، و فكرتك في الجبنة الشيدر حلوة ميمزي، انتي كمان خريجة ألسن زيي انا و منى؟؟ لا لا يا بنات، كده نتحسد:35: طيب حزري فزري انا دفعة كااااااام؟؟؟؟؟ هاااااااااااااااااه أقول؟؟؟ دفعة 1994 يا قمر، أي خدمة :04: بالنسبة لسؤالك عن المجات، انا باعملهم لاقلام الكحل و الماسكرات، او باحطهم في المطبخ و فيهم المعالق اللي باستخدمها للتقليب على النار او احط فيهم عملات فضة، كده يعني. الحلل و الطاسات اللي اتكسرت ايدها مش حاعرف افيدك اوي فيها المحبة للرسول، ربنا يخليكي، ده من ذوقك يا جميلة. الحمد لله انا بخير و مروان بيسلم على سهيلة و رودي وردة مفتحة، ازيك؟؟ انا شايفة انك ولدتي و بقى فيه محمد، ربنا يخليه ليكي و يحفظه ليكي من كل شر شيماء، انا قريت لك مشاركات كتيرة و ما شاء الله عليكي الى جانب خفة دمك واضح انك ست بيت شطورة. ممكن بقى تقولي لي على طريقة الكريم كراميل و الكاسترد عشان اعمل له لمروان ابني؟ جزاكي الله خيرا

السلام عليكم و رحمة الله و بركاته ازيكم جميعا يا أحلى ستات في الدنيا امبارح دخلت كتبت لكم...