هلكانة جدااااااااااااا
برضو صحيت 9 الصبح ومش شايفة ادامى
ولا عارفه اقرأ
انا حاسة انى ذى المدمنين ولا اية؟؟

ومشش عارهف ارجع لنظامى ولا كدا احسن علشان عبد الرحمن
الغريبة انى حاسة ان الوقت بركتة اكثر بس مفيش تركيز نهااااااااااااااااائى

نجرب بكرة ونشوف
استحملونى بكرة بأذن الله اكتب

السلام عليكم جزاكى الله خيرا يا ايمان على الموضوع المتميز والله نفسلى استغل وقتى صح وان شاء الله ابدا معاكم

السلام عليكم و رحمة الله و بركاته

صباح الفل على الكل

يظهر ان انا الوحيدة اللي صاحية بدري، نوم العافية على الجميع و اللي بدأت شغل من بدري ربنا يعينها و يقويها



أم مريم العسل، شكرا يا قمرة على الترحيب و جزاكي الله خيرا على دعوتك الحلوة. ربنا يحفظلك مريومة و يتمم حملك على خير و يقومك بالسلامة.

شوفي، انا في حملي في مروان برضه كانت عندي مشكلة مع اللبن و الزبادي و الجبنة و البيض و السمك، يعني كل ما هو مفيد و مغذي تقريبا. بس كنت مهتمة اوي بالحاجة اللي ممكن اكلها زي الموز و التفاح و الخيار او السلطة عموما و كنت باعوض الحليب بالزبادي بالفاكهة لو نفسي فيه او الزبادو. و بعدين الدكتورة كتبت لي نوع كالسيوم، بس استفدت اكتر من نوع تاني فيه كالسيوم و ماغنسيوم كانت دموع التائبة جزاها الله خيرا قالت عليه اسمه كال ماج و ده كان مفيد كمان عشان التقلصات لان الماغنسيوم بيمنع التقلصات و دي كانت مبهدلاني. الشريط ب 10 جنيه و العلبة فيها 3 شرايط. انا باستخدمه لحد دلوقت لو افتكرت

بالنسبة لطريقة دون في الرز باللبن، هي بتعتمد على ان كل معيار كوب لبن بتحطي عليهم معلقة و نصف أرز، عارفة ان الحكاية ممكن شكلها يكون صعب بس فعلا هي ظبطت معايا بالطريقة دي خصوصا انها كانت اول مرة في حياتي كلها أعمل أرز بلبن و كنت مرعوبة منه لا يبوظ. انا عملت كيلو لبن واحد أجرب فيه، و بالتالي قلت الكيلو 4 كوبايات يبقى محتاج 6 معالق رز بس استقليتهم فحطيت 7. غسلت الرز و غطيته بالماية و سبته على نار هادية يتسلق لحد ما دخل على سوى و بعدين ضفت اللبن و سبتهم يغلوا مع التقليب المستمر لحد ما استوى الرز تماما و كنت مجهزة ربع كوب ماء عليه معلقتين نشا مدوباهم و ضفتهم تدريجيا بايد و الايد التانية بتقلب عشان ميكلكعش بس محتجتش الكمية كلها لان انتي بنظرك و لفة ايدك لما تحسي انك وصلتي للقوام المظبوط تبطلي على طول و تطفي، انا مش باحبه تخين اوي، بس قبل ما تطفي على طول ضيفي نصف معلقة صغيرة فانيليا او معلقة كبيرة جوز هند او اي اضافة من اللي قالت عليها ام يوسف جزاها الله خيرا و بالهنا و الشفا :cook:



الامورة الحلوة، مالك بس يا قمر؟؟ استهدي بالله كده و استغفري و تعالي اقولك. انتي ما شاء الله بنتك كبرت و ممكن تظبطي نومها، حاولي تنامي بدري مش بعد 12 ابدا، و اظبطي المنبه على الفجر و قومي صلي و ارجعي كملي نوم و اصحي على 7 و نصف او 8 صباحا و ابدأي يومك بنشاط قبل ما البنوتة تصحى، شطبي شغلك في السريع و لما تصحى فطريها و حطيلها لعبها و سيبيها تلعب في مكان امان و شغلي سورة البقرة طول ما انتي قاعدة من اول ما تصحي و خلصي اللي باقي لك من شغل البيت و الغدا. و لما يرجع جوزك بالسلامة حطي الغدا و اتغدوا و ساعتها كلكم حتحتاجوا ترتاحوا لان البنت نفسها حتكون محتاجة nap يعني فترة نوم قصيرة و بعد ما تصحوا بقى حاولي ترتبي وقتك حسب ظروفك انتي و زوجك و اشغلي نفسك بالقراءة او الاعمال الفنية او تصفح النت و البحث عن موضوعات جديدة و اللعب مع بنتك. يا رب اكون قدرت اساعدك على قد ما اقدر



حبيبة قلبي ايمي، سلامتك يا قمر، و الله النظام البدري ده حلو و ابرك يا ايمي و حيكون حلو لبودي كمان عشان يتعود يصحى بدري. حاولي تظبطيه كده و ان شاء الله التركيز حييجي و كل حاجة حتبقى فل. منتظرينك يا قمر

بالنسبة ليومياتي، مفيش كتير حتى الان بس حأبدأ دلوقت شغل و اقابلكم العصر ان شاء الله نكمل

مع أطيب المنى و أرق تحياتي

السلام عليكم ورحمة الله وبركاته

حبيباتي الغاليات : صباحكم نور وإيمان وطاعة ونشاط

الله يبارك لنا في اعمارنا واعمالنا ويرزقنا الإخلاص ويلزم قلوبنا حفظ كتابه ويجعله نورا لنا ويشرح به صدورنا يارب.

ام مريم: اشكرك يا غاليتي على الرد ، الله يسهل عليك الحمل يا حبيبتي وإن شاء الله تقومين بالسلامة ويرزقك طفلا معافى سليم يارب ، بالنسبة للتغذية لا يا عمري لازم تتغذين كويس علشان البيبي حرام ، كلي الزبيب الأسود مفيد جدا لزيادة الدم وكذلك شوربة العدس وحاولي ما تكثري من البهارات والمخللات .
الله يخليلك مرمر ويسخر لك زوجك .

نودي (ام مروان) : تسلمي عزيزتي ، إن شاء الله نكون صحبة حلوة نعين بعضنا على الطاعات وعلى امور البيت والتربية وكل شئ ، وحبيتك من كلامك بايين انت إنسانة بسيطة وقلبها صافية يعني ممكن افكر ازوج مينا لمروان عشان حتكوني حماتها :32:

ايمان: جربي تستمري على النظام الجديد واكيد حتكون الفترة الأولى صعبة شوي بس حتتعودي إن شاء الله وحتشوفي وقتك في بركة اكثر ، فسبحان الله هو اللي قال (وجعلنا الليل لباسا وجعلنا النهار معاشا) يعني ما ينفعش نغير موازين الكون وننام بالنهار ونصحى بالليل. الله يسهل كل امورك ويحفظلك بودي وباباه.

لميا: جزاك الله الف خير على روابط الحفظ .
عروس :جزاك الله خيرا على الروابط . تسلمي.

ام يوسف : إن شاء الله حنكمل الصفحة الثانية من سورة البقرة . أعاننا الله على ذلك وجعلها في ميزان اعمالنا يارب.

الامورة الحلوة : اهلا بك معنا ، وإن تابعي يومياتنا حتستفيدي كتير وأي سؤال إحنا بالخدمة ، خليكي معنا.

باقي البنات: دموع التائبة ،مي،روشانا،مرمر،شيماء، عطر (انت فين)،توتة البطوطة، محبة الرسول، ارجو عفو ربي ،قرة عين زوجها(اين انت تكتبين جملة وتختفين لأيام تعالي نحتاج في ملفنا)، ماما زوزو (الله يمدد في عمرك في طاعته ورضاه ويفتح عليك فتوح العارفين)،rawanyo(تسلمي يا عمري على الرد)، سها (انت فين منتظرينك وذكر جديد)، بليكان (طولت الغيبة).بوتا،ميرو (إن شاء الله تحسنك احوالك مع زوجك والله دعوت لك في السجود)،
احبكم جميعا سهل الله كل اموركم ورزقكم من حيث لا تحتسبون وفتح الله لك ابواب الرحمة والرزق الواسعة وفك كربكم .

بالنسبة ليومياتي:
البارحة عصرا نظفت الطباخ تنظيف عميق ورجع لحالته الطبيعية ، وكويت ثم كويت ثم كويت والحمد لله انهيت بس الآن ممتاءة مرة ثانية لان البارحة غسلت ملابس :o ، بعدها حميت وتحسنت شوي حالتي النفسية والفضل لله ورجعت للصلاة والقران لان البيريود خلاص مالهاش اثر ، الحمد لله.
نمت الواحدة بالليل وصحيت على صوت بنتي الوسطى سما وهي تبكي وكان عندنا حرارة وخليت تحميلة وبقيت في حضني ساعة كاملة والحمد لله طول الوقت إستغفار وتسبيح، بعدها اذن الفجر وصليت وصحيت مينا رضعتها وانا برضعتها قريت الأذكار ونمت والحمد لله
وصحيت السابعة وحضرت اكل سوسو وصحيت مينا كمان وحضرت اكل سوسو وراحت بالباص.
حضرت الإفطار وصحيت زوجي وافطرنا ووعدته ، مسحت الأخشاب وانا باسمع من mp3 لسورة البقرة بصوت احمد العجمي لا ادري اشعر بالخشوع عند سماعي لصوته، وصليت الضحى وجيت اشوف ملفنا علشان باخذ جرعة من النشاط والإيمان اللي اكمل بيها بقية يومي.

وعندي اليوم تنظيف للطابق السفلي ، وارجع لكم بالليل إن شاء الله مع حبي لكم.

صباح الخير يا بنات
عاملين ايه النهارده
ان شاء الله كلكوا بخير
لميا2008
يعني بتعرفي تشتغلي ايتامين وتسكتي على نفسك ليه؟؟؟ ابحثي في المنتدى على مواضيع الايتامين
و ان شاء الله حتلاقي نفسك بتبدعي و مستنيه اشوف شغلك
ارجو عفو ربي
ربنا يعينك ع الحفظ ماشاء الله انجاز هاااااااااااااااااااااايل
بوتا
انا كمان باحب الشيدر والرومي ع البيتزا اكتر م الموزاريلا طعمهم احلى
ام سوسو
ازيك يا قمر
بصي هي البريود الملخبطه بتعمل الانهيار ده بس لو الموضوع استمر الشهر الجاي كمان
بليييييييييييييز تروحي لدكتور وتعملي تحليل هرمونات لان ما ينفعش تطنشي
روشانا

انتي فين يا بنتي ولا سلام و كلام اهي اهي اهي

rawanyo
شكرا ع الرابط يا جميله

عرووووووووووووووووووووووووس

ميرسي يا روحي ع الاستجابه ههههههههه اسرع واحده في الدنيا تدعي وتحب الخير
بصي بقى لو بتكلمي مادو قولي لها اخر ما ح ازهق ح اروح السنتر واعتصم لحد ما يجيبوها لي
تكلمني بالتي هي احسن ماشي

ورده مفتحه
انا كمان من رايك مش شايفه ان الست تستمر في الجوازة دي دا ح يدمرها و يدمر ولاده في النهايه
مش طبيعي و بعدين دا و العياذ بالله كفر يعني ايه يضايق لما يصلوا و يحفظوا دا مسلم بالبطاقة بس
استغفر الله

مرمر 1

الملف شكله ح يتملي مرمر ولا ايه ؟؟؟؟؟؟؟؟؟؟؟؟؟؟
منورة يا قمر

ام مريم العسل
بصي يا ستي انا كمان كنت نفس ماساه الحليب و رافضة جميع مشتقاته في الشهور الاولى لحد قريب
بس ح اقوللك على حاجة الكال ماج ما بيتاخدش الا في الرابع قبل كده لا
و حاولي تركزي في الاكل شويه علشان البيبي حرام عليكي يعني زي ما قالوالك البنات فاكهه و خضار على
قد ما تقدري والعسل حلواوي و المكسرات

مي
حمد الله ع السلامه يا قمر والله وحشتيني اخبار البنوته ايه ؟؟؟؟؟هههههههه
بتنامي ولا لسه ؟؟؟؟؟؟

نودي

بلديااااااااااااااااااااااااااااااااااااااااااااااااااااااااااااااااااااااتي
بصي يا ستي
الكاسترد:
2كوب لبن+2ملعقة دقيق+2بيضة +نصف كوب سكر و اضربي في الخلاط
و يقلب على النار لحد ما الخليط يطخن شويه و صبي في الاطباق و سيبه يبرد
اه نسيت اقول الفانيليا و كمان باضيف ملعقتين كاكاو غامق علشان الشيكولاته بيطلع روووووووووووعه

الكريم كراميل
2كوب لبن+4 بيضات +نصف كوب سكر+فانيليا
و يضربوا في الخلاط
في طاسه ع النار كوب سكر احرقية واعملي الكرامل صبي في القوالب
و عليه الخليط و سخني الفرن
و صينيه كبيرة فيها ميه و حطي فيها القوالب و دخلي الفرن لحد ما تلاقي الوش احمر
طلعيها واقلبيها و هي دافيه
اي اوامر احنا في الخدمه و بالهنا و الشفا لمروان باشا

حبيبه

ازيك يا بيضا انتي فين

ام يوسف
شكرا على طريقة الرز باللبن

الامورة الحلووة

بصي يا بنتي ما تعقديش الامور بنوتك ماشاء الله سنها ظريف
زي ما البنات قالوا هي اهم حاجة انك تنظمي مواعيد نومك ونوم بنتك علشان اليوم يتظبط
ماشي و البنات هنا خبره في الجداول ماشاء الله انتي بس الاول ظبطي مواعيد النوم و بعدين اسالي على جدول
الشغل و ح تلاقي الف مين يدلك

سموحه ام علي
اهلا بيكي يا جميل

ايماااااااااااااااااااااااااااااااااااااااااااااان

هههههههههههههههه
متخيلة منظر حضرتك و انتي ماشيه تتطوحي في البيت و مهيسة هههههههههههه
اكيد مسخرة ما هو ما ينفعش تتحولي من كائن ليلي الى كائن نهاري في يوم و ليله لازم من الفترة
الماساوية دي و بعدين جربي لو شايفة انك منظمه حالك باللي اكتر و بتنجزي اكتر انتهينا مش لازم تتحولي يا فندم
سامعه سمع خير عن موضوع الطبخ ههههههههههههههههههه ارحمي نفسك شويه ههههههه و ارحميني عارفه انا
خايفه اروح احسن اطلع زايده عشرين كليو اكتر م اللي عندي