السلام عليكم و رحمة الله و بركاته

عدنا :32:



ام سوسو، ربنا يخليكي ده من ذوقك و الله، و انا كمان ربنا يعلم حبيتكم اوي كلكم ما شاء الله متعاونين و بتساعدوا بعض مش بس في شغل البيت لا و كمان على طاعة الله. ربنا يجمعنا في يوم لا ظل الا ظله. و احرجتيني بكلامك الجميل و يا سلام ده يوم المنى لما مينا تبقى عروسة ابني، بس المهم دموع التائبة متاخدش بالها عشان هي خطبته لبنتها :04: ربنا يقويكي على المكواة، انا بصراحة مليش فيها و لا باقدر عليها فبأجمعها أول بأول و عالدراي كلين يكووا براحتهم بقى :D



يا شوشو يا بلدياتي جزاكي الله خيرا على الوصفات، حاجربها ان شاء الله و مارو يحبها. و انا يا ستي اللي كنت باعمل ايتامين مش لمياء بس مفيش وقت لمتابعة مواضيع المنتدى و حتى لو تابعت مروان مش حيخليني امسك ابرة حتى لاني طول ما انا جنبه عاوز انتباهي كله ليه حتى لو هو بيلعب و مش فاضيلي بس مامسكش حاجة في ايدي خالص. ربنا يهديه لما يكبر شوية احاول ارجع تاني اشوف الحاجات دي



ام يوسف القمر، عندك حق انا كمان معرفش اقعد عالنت و اخد راحتي الا لما ميكونش ورايا حاجة و مارو طبعا نايم. مارو باعتلك بوسة و حضن كمان و بيقولك سلميله على يوسف. هو عنده اد ايه؟؟ و عندك كتاكيت ايه تاني غيره؟ ربنا يخليهم ليكي يا رب و يحفظهم من كل سوء



حبيبتي الف سلامة عليكي و على بنوتك. بس بالنسبة للانيميا متسكتيش فعلا و البنات ما شاء الله كفوا و وفوا عليكي و على العسل الاسود و البنجر و الملوخية بس بلاش الكبدة لانهم بيقولوا غلط في الحمل و الله أعلم. ربنا يتمم لك حملك على خير و يهديلك بنتك و زوجك و يقومك بالسلامة انتي و كل الحوامل اللي معانا

بالنسبة ليومياتي، روقت عالسريع و لفيت حلة محشي كرنب و رايحة اطبق الغسيل دلوقت و اشوف فيه ايه تاني محتاج ترتيب

نلقاكم على خير

مع أطيب المنى و أرق تحياتي

http://forum.hawaaworld.com/showthread.php?t=1594727

مسا الفل يا عسولات
شيما.... الف شكر على الدعوة الحلوة
أم يوسف ...... ممتاز انتى تسيرين بخطى ثابتة فى الحفظ الله ييسر لك الحفظ والمراجعة
ايمان ..... الف سلامة عليكى يا قمر
الصحيان بدرى متعة ولكن يجب ان يكون نظام البيت مساعد على ذلك
انا كنت مثلك ولكن الان لو جت الساعة 9 احس انى تاخرت فى النوم
ووولكن ده محصضلش الا لما الاولاد انتظموا فى المدرسة وبالتدريج
ولو ما حستيش انك مركزة فمفيش مشكلة فى انك كائن ليلى المهم الانجاز مش مهم الميعاد
انا مثلا يومى بيبدا قبل الفجر بقليل
وبعدين انزل الاولاد المدرسة .... ولو كنت متاخرة فى النوم انام ساعتين واصحى الساعة التاسعة
وابدا شغل البيت و الاكل والكر والفر ووووووووووووووووو
وبيكون فى هذه الاثناء صحى زوجى وفطر ونزل الشغل
ولما بيرجعوا اكون خلصت الى وراى واحضر الغدا وبعدها تشطيب المطبخ وكباية قهوة ونبدا فى معركة المذاكرة ثالثة ابتدائى واولى حضانة وخناق الاولاد وبعد نزول زوجى انام مع الاولاد من عشرة الى الساعة 12 والله ما احلاهم ساعتين فعلا بركة وبيرجع اكون فايقة وقبل رجوعه يدينى تليفون عشان اصحصح
وبكده اكون فقت للاولاد وابوهم
زمان لما كنت مغيرة نظامى كان بيرجع واكون خلاص لازم انام مش قادرة ومبغيرش نظامى حتى فى الاجازات يا دوب نزود ساعة على الميعاد بناع النوم
ويوم الخميس ده بروح لماما بالليل
لاااااااازم نظام البيت لا يخربه احد من الخارج زمان كانوا فى اهلى يستنوا لما الاولاد يناموا ويجوا يسهروا عندى
ولكن بالتدريج غيرت النظام صحيح مش عاجب ست الحبايب لكن كان زوجى بيرجع واكون خلاص حتى العشا مش قادرة احضرة واصحى للفجر بالعافية لانى اضطر اصحى لغاية لما زوجى ينام

يااااااااااااااااااااااااااااااااااااااااه كل ده رغى لكن جاااايز اقدر افيدكم ومعلش على الاطاله

على فكرة انا بشتغل مدرسة ولكن عاملة نظام النص اجر حتى اهتم بالبين والاولاد الله يعين
اقوم اعمل الاكل لانى لسة راجعة من الشغل بس حبيت اطمن عليكم
وارغى معاكم
وجزاكم الله كل خير
ولكل من سال عنى لكم منى وااااافر التقدير

يا بنات اوصيكم بموقع الطريق الى الله ففيه الخير الكثيرررررررررر

بجد الله عليكم
انا بقى لى فترة بقرا فى الملف وماعندكمش فكرة استفدت اد ايه وماكنتش عايزه اشارك الا لما اخلص قرايه اصلى مش باقدر اقرا غير وانا فى الشغل اما فى البيت جوزى محتكر الكمبيوتر وان شاء الله باطبق معاكم معظم الافكار وجزاكم الله كل الخير
بس لىا طلب عايزه روابط ملفات قعدة الستات السابقة عشان استفيد من الافكار اللى فاتتنى وانا معاكم بأذن الله