لميا

انا كنت بستخدم تايد

بس دلوقت عشان المقاطعة بستخدم برسيل بس بجد تايد احلى


على فكرة

تايد فى السعودية احسن من تايد مصر

واريال مصر اقوى من اريال السعودية

انجى

ربنا يدلك على مدرسة كويسة ليويو

وعسى ان تكرهو شيئا وهو خير لكم

بصى انتى من اسكندرية صح؟؟؟؟؟؟؟؟؟

فى فيكتوريا كوليج كويسة ممكن يكون اسمها النصر زى هنا او فيكتوريا كوليج مناهجها روعة


زوجة مصرية


حمدالله على السلامة ياجميل وفدا الامورة 100 كى بورد بس لاتغيبى علينا


رشا

حلوة طريقة النعناع هقوم اعملها فورا

كدة موش هيتملى تراب لانى كنت بحطة على صينية وافردة فى الشمس

ام كنزى

مبروك غرفة الاولاد مستنين الصور ويارب يتهنو بيها

مى


شكرا على النصايح

انا هجرب الخاصة بموضوع الانيميا وهدعيلك تقومى بالسلامة ياااااااارب

اما عنى يا بنات

طبعا الويك اند نو كمبيوتر

عملت حلتين محشى يوم الخميس كرنب وفلفل بس اية جااااااااااااااامد اتغدينا واتعشينا محشى تخيلو

احنا مستحيل نتعشى طبيخ بس بجد كان واحشنا اوى

بس اية بنت ابوها (مرمر هانم) كانت قاعدة جوة الحلة ومصرة انى العب معاها بالكرنب انا امسكة وهى تلعب بالرز ربنا يهديها
بس كانت المية مقطوعة المطبخ مزبلة وانا جايلى ضيوف بالليل فكنت مخزنة مية وغسلت نص المواعين والنص التانى خبيتة تحت الحوض عشان ميجيليش اكتئاب وتانى يوم الجمعة مفيش مية برضة فمطبختش وعملنا حبشتكنات يعنى اكفة شعبية بطاطس مهروسة وبطاطس مقلية وبيض وفول وخضار وبس وبالليل شرحة وخرجنا شوية رحنا زرنا ناس صحابنا



اما النهاردة

يوم كلة بركة والحمدلله

صحيت ساعة ادان الفجر ببقى مبسووووووووطة لما اصحى وهو بيأذن

وصلين ونمت

وبعدين صحيت 9 ونضفت الليفنج وغسلت السجادة من على الوش كدة بكلوركس الوان وشوية صابون سايل وشوية كومفرت لان بنت صحبتى الله يصلحها وقعت عليها مانيكير وهى بتحط لمرمر عاملة نفسها كوافيرة وطلع المانيكير بس لسة اثر بسسسسسسسسسسسييييييييييييييييييييييييييييييييييط باقى يعنى المرة الجاية بقى ولاقيت نفسى لسة نشيطة فغسلت ايدين الكراسى وشغلت المروحة بعد ممسحت السجات والايدين بفوطة مبلولة بماء وكومفرت ومعصورة وبعدين دخلت المطبخ غسلت كوووووم مواعين ونضفت الارض ومسحتها وطبخت لحم وكوسة ورز والهانم الصغيرة لسة نايمة

غسلت التواليت والحوض وكنست الصالة ولسة اوضة النوم لما الهانم تصحى


صليت الظهر وحفظت صفحة من سورة البقرة وقريت اللى فات من الموضوع و
هصحى مرمر دلوقت اافطرها واخدها وانزل الموستوصف قدام البيت عشان عندنا اعادة كشف والدكتورة دوامها صباحى
فهروح قبل مابابانا يجى الحمدلله الشارع بتاعنا رئيسي فأمان انى انزل لوحدى


ادعولى اخلص معركة الاكل على خير وترضى تاكل لانها بقت عاملة زى اليمونة المعصورة ودبلانة وحالتها حالة ورافضة الاكل

تخيلو او متشوف كوباية الزبادى بتجرى منى زى ميكون بعذبها

والله انا بديها الدوا بسهولة عن الاكل

ودلوقت الهانم بقت بنت ابوها اة مهو بابا بتاع اللعب وماما بتاعة الاكل فطبعا بابا احسن وابوها بيشجعها اول ميشوفنى هأكلها يقولها اهربى يا مرمر اجرررررررررررررررررررررررىىىىىىىىىىىى وهى اية مبتصدق وتستخبى وتعمل حركات بوشها ال يعنى مشمئزة كانى بأكلها شوك

لميا يا قمر


لو صبر القاتل على المقتول مكنش حد مات

انتى اللى فى القلب يا قمر


والله انا كتبت الرد على بعضة بس نزل 2 موش عارفة لية

واكيد قريتى الرد بعد ردك على طول

اصلى انا كل دقيقه اعمل ريفريش للصفحه مستنيه حد منكم

طيب ياعم القاتل


تحياتى المقتول