مع كل دفقة دم ... مع كل نبضة قلب ... مع كل خطوة وهمسه ... مع كل عبرة تقطر ... وكل نفس يخرج ... في ليل المحبين ... و أسحار المستغفرين ... ينطق القلب قبل اللسان ... بحبك يارب ....

مع شوق السابقين .... ودعاء المضطرين ... و ظمأ الصائمين ... و نصب القائمين ... مع كل قطرة دم سالت في سبيل الله ... يمتلئ الكيان بحبك يارب ...

هتسالوني ... لماذا أحبه ؟؟؟

وأجيب ... وكيف لا أحبه ؟؟؟ ....

عندما تعجز اليد عن الكتابة ... والقلب عن الاحتمال ... والعين عن كف الدموع ... واللسان عن عدم الذكر ... عندها اعلم انه حب الله في قلبك ....

أحبه لأنه رحيم ... أحبه لأنه ودود .... أحبه لأنه قيوم ... أحبه لأنه ربي ....

فى هذه السلسة التى لن تكتب بالحروف ولكن بالمشاعر ... اكتبها اليكم لا لكي تقرأها أعينكم ... ولكن لتحس بها قلوبكم ... وتنشغل بها عقولكم ... وتجتهد أناملكم فى المساهمة فيها بمشاعركم ... فلست وحدي من سيكتبها ... ولكن ستكون إن شاء الله محاوله منا لكتابة جزء من ما نشعر به من حب لله ... أو مما شعر به غيرنا من حب لله ...

وكما قراتم من العنوان هذه هي ((البداية)) ... ونسال الله العون على التمام والاستمرار .... وأن يكتب لهذه السلسة القبول .... وأن يفتح لها القلوب ... وأن يتقبلها منا .. وأن يرضى بها عنا ...

>>>> آية ... من كتاب الله ... كلام ربي ... من سورة النجم ... (( مش هتقدر تمسك قلبك )) (( يرجى من اصحاب الأمراض القلبية أو من اصحاب الاحاسيس المرهفة عدم اكمال الموضوع إلا فى وجود دوا القلب جنبهم أو على الأقل علبه مناديل حجم كبير ))

جمد قلبك واقرأ بس الأول ونتناقش فى الآية بعد شوية :

{الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى }النجم32

هل حد فيكوا عارف الآية اللى قبلها إيه ؟؟

{وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاؤُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى }النجم31

يعنى الذين أحسنوا الذين يجتبون كبائر الاثم والفواحش إلا اللمم ...

مش ممكن أفصح فصحاء الأرض يلاقي كلمات فى اى لغة من لغات العالم بعدها إلا ما قاله الله عز وجل
إن ربك واسع المغفرة ...

بحبك يارب ...

وفي الآية بعد كده .... هو أعلم بكم ... تشعر فيها بالحفظ من الله عز وجل ليك ... وبرحمة الله بك ... و وده بك .... من أول ما كنت جنين فى بطن أمك .... يعنى من قبل ما تاخد اول نفس فى حياتك والله يمدك بقوتك - سبحان المقيت -... ورزقك ... ويحفظك ... ويرعاك ...

يعلم عنك كل كبيرة وصغيره فى حياتك .... يعلم ما يحزنك وما يسعدك ... يعلم عنك كل حسنة عملتها وكل حرف قرآن قرأته وكل درس علم روحتله .... وكذلك يعلم عنك كل ذنب اقترفته ... وكل معصيه عملتها ... ومع ذلك ... يبسط يده بالليل والنهار لك لتتوب ... تقدر تقول حاجة غير .... بحبك يارب ....

لا أريد أن أطيل فى أول وقفة ... وإلا فالمشاعر في هذه الآية كثيرة جدا جدا جدا ... وبجد عايزين نبكي لما نقراها ... ونحفظها ونعلقها ... ونعملها خلفيه شاشة ونحطها على الديسك توب ... وخلفية للموبايل ...

القرآن ياجماعة بإذن الله غير حياة الصحابة .. والتابعين والسلف .... لازم نستغل الفرصة ... ونتغير احنا كمان ...


منقووووووووووووول بس بجد روعة

السلام عليكم ورحمة الله وبركاته

ايمان اخبارك ايه وحشتينا انا بدأت النهارده اشيل البامبرز ليوسو ربنا يسهل ويعينا الله يكون في عونك بجد بودي كبر عليه

ام مريم ما شاء الله عليكي شطوره ماشيه في الحفظ تمام اما رووما والله لو مسكتها لأكلهالك ان شاء الله

رشا انا عارفه الخروج هنا بيصرف احنا كنا الاول ممكن نصرف مبلغ كبير في خروجه واحده بس الحم لله الكلام ده انتهي من شهر

يعني مثلا قبل ما نخرج نكون واكلين كويس ولو رايحين مول ممكنت شيكولاته وعصير او بيبسي ويوم الاجازه ممكن نروح جنينة

الحيوانات او اي جنينه تانيه وبكون عامله الساندوتشات في البيت كفته او برجر وشاي وساعات فطاير وفشار وممكن لو في اي حلويات

كله من البيت وطبعا المصاريف بتبقي قليله جدا يعني نحاول نمسك ايدينا شويه

بالنسبه للحفظ شدي حيلك شويه احنا المفروض النهارده نحفظ لحد الايه 29

المحبه للرسول ازيك يا قمر انتي كمان حاولي تكملي لحد الايه 29 اوكي وبالنسبه للتسميع مافيش موقع بنسمع عليه بس ايه

رأيكم انا هكتب ايميلي والي عايزن نسمع مع بعض تضيفني عندها poposh55@yahoo.com

ااااااااااااااااه يا ايمان

بكيتينى والله

اللهم اغفر لى ذنوبى التى لاتعد ولا تحصى ولكن مغفرتك اكبر من كل الذنوب ورحمتك وسعت كل شيئ

يارب من لنا سواك ندعوه ونرجوة عبيدك سوانا كثيير وليس لنا رب سواك ندعوه ونرجوة فاغفر لنا جميع الذنوب والخطايا

ام يوسف

صباح الفل

ربنا يعينك على يوسف صراحة انا معنديش الجرأة انى اقلع مريم البامبرز لانها مبتطلبش تعمل بس انا كل شوية هقعدها على البوتى

جميلة اوى فكرة السندوتشات والفشار للخروج هعملها لو خرجنا ورحنا جنينة لاننا فى اغلب الوقت بنخرج بعد الاكل ولما نرجع بنتعشى لاننا مبنطولش برة وكمان انتى عارفة مريم اصلا مبتاكلش

نفسي والله تاخديها وتأكليها
تعرفى جارتى خدتها مرة وقالتلى هاتيها انا اللى هأكلها انا مفيش بيبي بيصتعصى على قلتلها خديها جابتها بعد نص ساعة وقالتلى مستحيل بنتك فظييييييييييييييييييييييييييعة مبتفتحش بقها اصلا
ربنا يهديها

هخرج دلوقت اكمل الغدا وممكن ادخل بالليل او اشوفكم بكرة بمشيئة الرحمن