عطر انا قصدي ان يوسف عنده سنتين وشهرين برضه

السلام عليكم ورحمة **** وبركاتة
متشكرة جدا يا بنات ليكم كلكم على دعائكم ليا انا الحمد للة دلوقتى كويسة وربنا يعافيكم وماحدش يشوف حاجة وحشة خالص ويشفى كل مريض
موضوع البوتى فعلا انا بدات مع ابنى قبل سنتين تعبنى جدا وماجبش نتيجة وبعت القضية بعد كدة علمتة تانى بعد سنتين ماشاء **** فعلا مابياخدش وقت لانة بيبقى كبير وفاهم وتقريبا نفس طريقة عطر لانك لو ضربتى وزعقتى هايتعقد من الموضوع ويطول معاة وانت طبعا مش عايزة كدة فاحسن حل المكافاة واظهار الفرح الشديد لما يعمل فى الحمام انا فاكرة ان انا كنت بازغرد ههههههههههه واعملة فرح بقى علشان يحس بالفرق والبنت فعلا بتتعلم اصغر واسرع من الولد انا جربتها مع بنتى بعد كدة بس باقعد فترة شهور البسهم باميرز فى الخروج بس باحس ان دة شك منى زيادة لحسن بعملو حاجة برة واحنا زبارة عند حد
هى مالها عروس اوعى بعد الشر تكونى عيانة باللوز ولا حاجة ربنا يجيبك بالسلامة
معلش انا طماعة ادعولى اخلص اللى ورايا اصل لما قمت من التعب ورايا يمكن 99 حاجة بسسسسسسسسسس

فيميل حمد لله علي السلامه ياقمر عقبال الباقي يالا شدي حيلك ربنا يعينك وييسرلك امورك يا رب

فيميل حمد الله علي سلامتك

ايمان اتبسط جدا لما دخلت ولاقيتك موجوده وكتبتي وانت كمان وحشتيني خالص
وميرسي جدا انك رديتي علي موضوع الغساله وربنا يسهل

ام يوسف ازيك وشدي حيلك بأي عشان هتدخلي ماراثون الجري علي التواليت وانت شايله الاستاذ انا ساعات بحس اني بقعد نص اليوم داخلين خارجين من التواليت وفي الاخر البيه يعمل علي نفسه واما بالنسبه للخروج هاحاول اغير من طقوس الخروج عندنا شويه بس بيني وبينك انا اصلا بوافق علي الاكل بره عشان ازوغ من الطبخ

السلام عليكم ورحمة الله وبركاته

كيف حالكم يا احلى صحبة ،،، يا اغلي ناس،،، يامن يشجعوني ويعينوني على عمل الخير والطاعة ...

مشتاااااااااااااااااااااااااااقة لكم موت

والله حسيت انني مضيعة حاجة لاني مشاركتش معاكم.

ودا اكان لسببين :
اولا: حبيبة قلبي مينا (بنتي الصغيرة ) بتطلع اسنان الفوق واللثة ملتهبة وحالتها حالة .
ثانيا: عندنا مثل بالعراقي ما اعرف تعرفوه |(تجيك التهايم وانت نايم) فسبحان الله أنا في بيتي ، وبعيدة عن الأقارب لانهم في محافظات بعيدة ، سمعت كلام يسم البدن ، واشياء ملفقة وتأويلات ، سبحان الله من جملة ويكون غرضها خير بيالفوا قصص وحكايات . بس بقول الله يهديهم ويصلحهم .
اللهم حرم الغيبة والنميمة على مسامعنا والسنتنا ومجالسنا يارب.

بالنسبة ليومياتي
كان من يومين الجو تراب مش طبيعي والبارحة كانت عندي حملة تنظيف على البيت كنس ومسح وغسل حمام .
اليوم كان عندي حملة على الثلاجة ونظفتها بخلطكم الرهيبة بيكاربونات وخل وليمون وطلعت حلوة والحمد لله.
وعملت خضار مشكلة مطبوخة (قرنابيط، وجزر ، وفاصوليا خضراء) وعليهم زيت زيتون وملح وحامض وفلفل اسود , وسلطة وكفتة.

ها ارجع لكم تاني لان صار عندي حرب العالمية (ههههههههه) البنات. إن شاء الله ارجع لكم في الليل.

بحبكم كلكم وشكرا كل اللي سال عني ، اترككم في رعاية الله.