السلام عليكم ورحمة الله وبركاته

صباح الفل علي كل القمرات

ام البنات جزاكي الله خير واتم شفاء والدك واصلح ما بينك وبين زوجك ويسر لكي الامور كلها .... امين يا رب العالمين

ام مريم حبيبتي......... ايه اخبار الكتكوته علي فكره احنا صاحين من الساعه 8 فطرت محمد والكتاكيت كله فطر فول قلت بلاها

حلويات علي الصبح وبعدين تبلت كفته وقلت اعمل جنبها اسباجيتي وفتحت النت القي خير اللهم اجعله خير ايمان مصوره جلاش

وبسبوسه في ملف هتطبخي ايه النهارده طبعا يجننوا وفضلت مستنياها تكتب طريقة البسبوسه واخر ما يأست اخدت طريقة

بسبوسه تانيه برضه من الملف محشيه قشطه واااااااااااااااو عملتها تجنن وكده كده الفرن كانت شغاله عشان الكفته

تقريبا محمد هيتأخر النهارده مش عارفه فيه ايه ؟؟؟؟ ربنا يستر المهم شكلي هنام دلوقتي ساعه

نانو وميرو وكنزي وام سوسو وايمان وعروس وعطر وايمي الي هي المحبه للرسول وحبيبه الي بكتنا علي الصبح ( ربنا يكرمك )

وكل القمرات بحبكم كلكم

سبحانك اللهم وبحمدك اشهد ان لا اله الا انت استغفرك واتوب اليك

ام مريم مبروك علي المكتبه عقبال البوتجاز يا جميل معلش كنت مركزه في البسبوسه ههههههههههه

طبعا صدمتيني ان العرض بتاع الام بي ثري خلص ربنا يسامحهم النهارده 4 والراتب لسه منزلش بنك ايه ده بلا خيبه

طيب طمنيني علي باقي العروض والتخفيضات ؟؟؟؟؟؟؟؟ظ

اول تجربة ليا مع الديكوباج

كنزي ما شاء الله ايه الحاجات الحلوه ديما شاء الله لا قوة الا بالله يالا شدي حيلك وورينا اشكال تانيه

السلام عليكم ورحمة الله وبركاته
الملف ريحته نظافه وفى حالة نشاط
الحمد لله كملت باقى البيت مسح ارضيه وجران وريحته نظافه لكن بنتى احبطتنى قالتى طالما مسحتى البيت يبقى الجو حا يقلب تراب
وعملت رز وسمك للغدا
سمك فيليه قطعته شرائح
شوحت بصل وتوم وعاها التوابل كمون وفلفل وبهارات وبعدين شوحت السمك وفرمت طماطم وفلفل اخضر
وقطعه صغيره قشر برتقال وزودت مقدار المايه للسمك واول ما غلى ضفت الطماطم والرز
وعملت صلصه حمرت توم وبعد ما اتحمر حطيت خل وبعدين عصي الطماطم لحد ما تتسبم وعليها ملح وكمون وفلفل
الاكله دى سريعه للزنقات عملتها فى نصف ساعه وبعد ما الرز خلص ضفت له كسبره خضرا مقطعه صغير
وبالليل كنت عامله كيكة التفاح
اعملى اى مقدار كيكه بيظبط معاكى وتقشرى تفاح مكعبات صغيره وعليه رشة قرفه وتضيفيه لخليط الكيك
وتدخليها الفرن لكن خلى باللك من المقدار ما يكونش كتير فى الصينيه عشان تستوى
وممكن بعد ما تصبى الكيك ابشرى التفاح على وشها ودخليها الفرن لو مش حابه تقطعيه مكعبات
عطر انتى فين عايزين برنامج قوى للتجديد والتغيير فين افكارك
كنزى ما شاء الله شغلك جميل تسلم ايدك
ام البنات ربنا يشفى والدك ويصلح لك حالك مع زوجك
ميرو ربنا يعينك على الفطام
حبيبه كلماتك ما شاء الله جميله جدا ومؤثره جدا اللهم ارزقنا جميعا حبك وحب من يحبك
ورده مفتحه ام محمد اسمك كله تفاؤل واحساس بالربيع
بوتا جزاك الله خيرا على كل ما تكتبى وطبعا افضل حلل الاستانلس بدون تفكير صحى وعملى جدا
ام سوسو اخبار مينا ايه مع التسنين وطمنينى على الاحوال الجويه لانى تعبت فى تنظيف البيت
شهيده ام عمر ما شاء الله يومياتك كله نشاط
دى مواصفات عمر ال عندى مشاغب وعنيد وعنيف طويل اليد واللسان فدى مواصفات اى عمر
ربنا يبارك فيهم جميعا ويكونو من الصالحين
ام يوسف انتى دايما اعرضى على ابنك دخول الحمام كل عشر دقائق وشجعى وهللى لمدة ثلاث ايام متتاليه
وبعد كده ابداى عبرى عن زعلك منه لما يعمل على نفسه ثلاث ايام كمان
وقللى شرب السوائل الفتره دى لحد ما يتعود
ام مريم ربنا يهدى بنتك فى الاكل
سبحانك اللهم وبحمدك اشهد ان لااله الا انت استغفرك واتوب اليك



ير