السلام عليكم ورحمة الله وبركاته
زوجه مصريه فتحتى موضوع كبير وعايز قاعده
انا شخصيا لست ضد الزواج الثانى اطلاقا فايهما افضل ان يكون للزوج عشيقه ام زوجه فى الحلال
فيتزوج بالحلال افضل
سمعت تحليل جميل لدكتور عمر عبد الكافىفى هذا الامر اى زوج يقول ده شرع الله
ونوع آخر يوقل زوجتى لا يعيبها شىء لكنى بطبق سنة الرسول عليه الصلاة والسلام
فرد الدكتور هو انت طبقت السنه فى جميع امور حياتك وباقى هذا الجانب
فنجد زوج مقصر فى الصلاه لكن فى الزوجه الثانيه يقول السنه
راى اى زوج حتى لو فى خبايا نفسه لو اتيحت لك الفرصه للزواج حا يوافق بدون تفكير
وماما زوزو وفت هذه النقطه للتجديد والتغيير مهما كانت الزوجه كاملة المواصفات
فالعيب ليس فى الزواج الثانى العيب فينا نحن البشر لم نجد نموذج يطبق شرع الله
دايما البيت الثانى بيقام بعد دمار الاول ولو جمع بين البيتين بيكون فى منتهى الظلم
يشترى هنا كيلو لحمه وهنا كيلو لحمه وكله ثقه ان هذا عدل
فى حين البيت الاول زوجه وثلاث اطفال مثلا والبيت الثانى زوج وزوجه فقط
واى ضائقه ماديه يمر بها لازم البيت الاول هو ال يضحى
فمجرد ما نجد العدل لن نجد اى زوجه تحزن لزواج زوجها لانه فعلا بيمشى بشرع الله ويقوم بالعدل
فى تجربتين امام عينى منهم تجربه لاحد الاقارب

بحكم طبيعة عمله جاءت له سيده لانهاء مصلحه لها وساعدها
ب

فتعاطف معها واى طلب تطلبه يساعدها شفقه لها فكان الامر فى البيت عادى
تتصل عليه فى البيت عادى بيساعدها لكن احواله تبدلت تماما
سرحان باستمرار مشاكل البيت لا تعنيه اطلاقا
الامور ال كان بيعترض عليها موافق عليها يعنى تبدل بقى شخص مختلف جدا كنا فى حيره من امره
خارج البيت باستمرار بالصدفه عرفنا انه خلاص غدا عقد القران غدا
كانت صدمه جمعنا العيله نشوف حل
ليه بتعمل كده يرد مش عارف
في نقص فى زوجتك او بيتك هى بتكمله
لا ما فيش لو لفيت الدنيا ما فيش زى مراتى
طيب ليه حا تتجوز صعبت عليه وعايز اساعدها
انا حاسس انى مسلوب الاراده مش عارف فين الصح
العيله تصدت له ومنعو الزيجه وقاوم كل اتصالات والحاح الاخرى
لكن القصه التانيه لاقارب من الدرجه الاولى لن احكى تفاصيل
لانها من ضمن نوادر الزمن
تزوج بعد عشرة ثلاثين سنه وطلق زوجته بعد ما اصبح جد
ومبرره للزواج انه ظل طيلة حياته يتمنى زوجه بيضاء بشعر اصفر
فضحى ببيته من اجل حلم عمره
بما ان هذا الشخص من المقربين سألنى اخويا الاصغر منى
التجربه دى مش مخلياكى خايفه ان زوجك يعمل نفس الشىء
فكان ردى بمنتهى الصراحه
هل من العقل انى اعيش حياتى فى نكد وتكدر فى انتظارهذا الرعب
ويمر العمر وحياتى متركزه فى نقطه واحده ممكن تحصل وممكن لا
ولو حصلت فاكيد هى ارادة ربنا لانه له رزق وعيش مع هذه الزوجه
فانا عايشه يومى واتعامل مع زوجى بما يرضى الله
بحيث لو فعلا عملها اكون مرتاحة الضمير انى لست مقصره
ارعى ابنائى بما يرضى الله وارعى شؤن زوجى واجدد من نفسى
ومظهرى لنفسى لوجه الله اولا لاعين زوجى على غض البصر
ولنفسى ثانيا لازم ادلل نفسى لينعكس على البيت والزوج
باقى سؤال زوجه مصريه ان فعلها ايه الحل
هى وجهة نظر شخصيه
الرجل عنيد والممنوع مرغوب والمشاكل من الزوجه والنكد حا يتمسك بالجديده اكثر
لانها هى ال بتدلع وما عندهاش مشاكل فلازم حا ينجزب لها
الزوجه تظهر موافقتها ورضاها لانه بتحب زوجها وتتمنى سعادته وان سعادته دى حا تنعكس على بيتها وولادها

لا يوجد مجال ان الزوج يعاند واعتقد ممكن يفكر بعقلانيه اكثر
لكن الموضوع محتاج اعصاب من حديد
وربنا يسخر لنا جميعا ازواجنا

عطر خلاص اديها شيكولاته تصورى انا فعلا وقت البريود خصوصا بكون عندى شراهه للشيكولاته
وحا اشترى جلسيرين واديها فازلين وجليسرين وآكل شيكولاته
واحط قطن فى ودانى وخلى العيال وزوجى يتكلمو براحتهم ما انا عامله دماغ بقى
ام جميله الف سلامه على ابنك
كتكوته كلامك جميل وياريت تستمرى معانا
ام سوسو جزاك الله خيرا مقاله رائعه
عموما انا مش بحب الضرب لكن معايا عصايا للتهديد فقط
اطباء علم النفس بيقولو يفضل ان يكون فى عصايا فى مكان واضح كنوع من التهديد
وليس التنفيذ
ام يوسف مبروك البدى ومعاكو ان شاء الله فى الحفظ
بوتا جزاك الله خيرا على كل ما تكتبى وفى انتظار عودتك
توته البطوطه يا بنتى اسمعى كلامى وهاتى بنجر الدوخه حا تختفى تماما
وكلى تمر وعسل اسود وملوخيه وسبانخ وجرجير وتفاح وكبده
رونى انتى فين بتسلمى سريعا وتختفى عننا فين
ام البنات يارب يكون والدك افضل الاستانلس مش بيشيط الاكل
حتى لو خفيف هو عايز نار هاديه ولو عملتى رز او محشى بعد ما يغلى
تقللى النار وتحطى الشياطه بجد ممتاز على ضمانتى
لكن هاتى نوع كويس
يقال ان الاستانلس المصرى افضل من التركى لانه زى القطن المصرىبيعمر اطول
برغم انه سعره اغلى وممكن الاول هاتى حله وحده وجربى استخدامها عجبتك هاتى طقم كامل
حتى الصوانى بستعمل الاستانلس فى كله ما عدا الكيك
ايمان مسك الختام بجد تأثرت وزعلت لكلام بودى ربنا يعطى بباه الصحه وييسر له اموره
وبعد عودته بالسلامه لازم ان شاء الله يعوضه ويتفرغ له يوم كامل
كل البنات سلامى
سبحانك اللهم وبحمدك اشهد ان لااله الا انت استغفرك واتوب اليك

السلا عليكم ورحمة الله وبركاته

اااااااااااااااااه فتحته موضوع فظييييييييع انا تقريبا عندي عقده من الحكايه دي

لما كنت في مصر كان عندي مشروع مستحضرات تجميل ولوازم كوافير وطبعا كنت بتعامل مع ستات كتير جدا والحمد لله كان كتير

منهم يحبوا يتكلموا معايا كأصحاب ... تخيلوا تقريبا الغالبيه منهم كانت عندها مشكله بسبب الموضوع ده .. واحده جوزها اتجوز عليها

وواحده جوزها بيحي عليها وواحده جوزها كان متجوز عليها ورجعلها بس طبعا لسه مجروحه وواحده جوزها بيحيها بس عنيه زايغه

ومالوش في الجواز وواحده جوزها ملتزم وبيقولها ان ده مش حرام يعني الا خ بيمهد و و و و و و حكايات اشكال والوان

تفتكروا مين السبب طبعا انا ضد اننا نعمم الحكايه كل راجل يختلف عن التاني وكل واحد حسب علاقته بمراته

طبعا كلام ما ما زوزو فعلا هو الخلاصه ( التغيير ) لما يبدأ الملل في الحياة الزوجيه يزيد والبيت تكتر فيه اسباب المشاكل يعني

الولد البنت شوف مامتي ومامته وخاله وعمي و مارس الولاد و و و و الزوج طبعا محتكر الانانيه في الوجود بيحس انه عايز منطقه

تانيه يهرب فيها من كل ده يبتدي يحن لأيام زمان ايام اللامسئوليه وطبعا من جواه عارف انه لو عرف حد علي مراته الموضوع ممكن

يعدي ولو وصلت لجواز علي الاقل مش حرام ..... طيب والست ألي اديتله حياتها وكرست كل مجهودها لخدمته هو واولاده

فين مشاعرها واحساسها بالقهر المعنوي طبعا اغلب الرجاله يقولوا اشمعني فلان اتجوز علي مراته والموضوع عدا ورضيت بالامر

الواقع وعلي فكره لو مراته لم تقبل الوضع تتهم بأنها بتخرب علي بيتها وولادها وانها كده بتخسره مش فاهمين انها خسرت كل

الذكريات الحلوه مع رفيق الحياة........... ولو اتكلمنا عن المرأه التانيه اكيد برضه ما ينفعش نعمم يعني في ألي غاويه تخطف رجاله

وفي ألي مشعارها اتحركت غصب عنها وفي الي ظروفها ماتسمحلهاش غير بالزواج برجل متزوج وفي الي لازم ترضي بأي حد نتيجة

ظروف تانيه يعني انا متهيألي الراجل هو الاساس هو الي بيده كل المفاتيح ( ان شاء فتح الباب وان شاء لم يفتح )

طبعا انا عندي احساس ان جوزي في اي لحظه ممكن يعرف حد ولازم طبعا كل يومين امسك الموبايل واقلب وافتح السجل واشوف

الارقام المتكرره ومدة المكالمات ولو شكيت ان رقم كلمه كتير ممكن اتصل ولو لقيت راجل اقفل واقوله تاني يوم ان يوسف لعب في

الموبايل ..... تقريبا بقي عندي وسواس قهري رغم ان جوزي مر بمواقف تثبت حبه لية بس بجد انا عني عقده

الكلام في الموضوع ده كتيييييييييير ومش هيخلص ربنا ما يورينا اي سوء في حياتنا ويصلح ما بيننا وبين ازواجنا.... امين يا رب العالمين

مساء الورد عليكم وجزاكم الله خيرا على الترحيب وربنا يظلنا بظله يوم لا ظل الا ظله
انا بحاول اقرا اللى فات عشان افهم بتتكلموا فى ايه وتقصدوا ايه باليوميات ؟
بس اعرفكم بيا الاول للبنات اللى جديدة عليهم انا اختكم ريهام 26 سنة وعندى مريم 7 شهور ما شاء الله متجوزة من 3 سنين ونص حاليا موجودة فى دبى مع جوزى لحد ما يخلص تسليم شغل تبع شركته اللى فى القاهرة ومتجوزة فى زهراء مدينة نصر يلا عشان نشوف اكيد بالاقى منكم جيران ان شاء الله

بالنسبة ليومى هنا تقريبا بيتكرر يوميا خصوصا بعد ولادتى لمريم باصلى الفجر الحمد لله وانام جوزى ينزل الشغل ادخل انام مع مريم شوية لحد ما تصحى بنقوم على 1 الضهر وساعات 2 بقوم اصلى الظهر واطلع حاجة للغدا وافطر مع مريم مع انى مهملة جدا فى موضوع الفطار لكن بحاول التزم به عشان الانيميا اللى عندى (بس متفتكروش انى رفيعة هههههه)

اغلب وقتى باقضيه على الكمبيوتر والنت سبحان الله اول ما اتجوزت كنت بازن على جوزى نجيب تلفزيون وكان رافض تماما لما جينا هنا اتعكس الموضوع هو بيقعد متنح فدامه وانا كرهته جدااااا عقباله هو كمان

كلكم عارفين ان المواعيد بتبقى ملخبطة حبيتين بعد الولادة على ما نوم البيبى يتظبط شوية وبحاول الفترة دى اظبط يومى بحيث استفيد منه اد ما اقدر وكنت بدأت الحمد لله احفظ فى جزء عم حفظت اول سورتين وان شاء الله اكمل ربنا يفتح علينا جميعا ويعينا

اليوم بيبقى بين مريم والبيت والمطبخ ترتيب او غسيل وعلى قرب وصول جوزى بقوم اجهز الغدا ولو هاعمل صنف حلو ونتغدى وشوية انيمهم واقعد شوية بالليل استنى الفجر وطبعا لا يخلو الوقت من صحيان مريم كل شوية
طبعا بيبقى نفسى انام بدرى واظبط الصحيان بس بجد مبقدرش مع النوم المتقطع ده انى اقوم للفجر فقلت اضمن انى استنى لحد ما اصلى وربنا يتقبل

من النهاردة الحمد لله عملت ورد قرانى ولو حتى صفحة بس التزم بها ان شاء الله ونفسى التزم بصلاة الـسنن سبحان الله النفس بتتقل اوى مع انى كنت ملتزمة بهم الحمد لله قبل الجواز ولحد فترة قريبة سبحان مقلب القلوب ربنا يثبتنا على دينه

يلا رغيت كتيير ويارب يكون فى مضمون كلامكم

ايمان
ياريت تفتحى موضوع عن تربية الاولاد بجد موضوع مهم اوى وبالذات للى مش عندهم خبرة زى حالاتنا وطبعا اقصد تربيتهم على الاسلام والقيم والاخلاق ربنا يبارك فى اولادنا جميعا ويجعلهم من الصالحين
ومن خبرتكم برضه اقدر اعلم بنتى ايه دلوقتى هى عندها ما شاء الله 7 شهور والحمد لله باصلى دايما قدامها واقولها انى هاصلى بقول لو مش هتفهم كلامى لكن هتعرف جواها مع الوقت الصلاة
للاسف هنا مش بنسمع صوت اذان خالص بعوضه ببرنامج الاذان او التلفزيون بحاول اقرا جنبها القران او اشغله بحيث تسمعه

ايه تانى ممكن اعمله مع السن ده ياريت تفيدونى الله يكرمكم

كنزى
ازيك وازى كوكو واحمد ربنا يخليهملك كنت عاوزة اسألك ممكن الاقى الجزامة دى فين فى دبى وسعرها كام