عروس


بجد انتى متألقة دايما بموضوعاتك التى لانكل منها ولا نمل

يارب يذيك ويخليلك زوجك واولادك ويحفظهم من كل شر


ام سوسو

ازيك ياقمر

جميلة قصة زوجة خالك الله يربط على قلبها ويذيدها صبر واحتساب

والاجمل اسلوب واللدك حفظه الله بجد انا عشت القصة كأنها واقع قبل متقولى انها كدة الله يطيل عمرة ويحفظه

اية اخبار مينا والاسنان طلعو؟؟؟؟؟؟؟؟؟؟ متفرحيش اوى لوطلعو لان بعديها الضروس ودول افظع موش بخوفك بس معليش عشان تعرفى ان الموضوع بيطول شوية لانك موش هتعرفى انها بتطلع ضروس لانها مستخبيهوبتطلع بعد الاسنان العلوية علطووووووول فمبتلحقيش ترتاحى الله يعينك

ايمان

ماشاء الله عليكى وعلى بودى عينية بتنط منها الشقاوة

حسستتينى انى ام فااااااشلة معلمتش مريم غير بابا ماما قطة بطة

ععاوزين ملف تقولى فية بالتفصيل نعمل اية وامتى وازاى

انتى فاكرة انك هتعدى كدة منغير توضيح واستفاضة

شكل البنطلون لبودى معرفش لية؟؟؟؟؟؟؟؟؟؟؟؟؟؟؟
عطر

شكرا على الزغاريد

بس تصدقى حاجة مضحكة البوتاجاز جه وبرضة بطبخ على عين وحدة ههههههههههههههههههههههههه

بخصوص الغربة والحاجات اللى قلتيها دى ملهاش حل غير انك تجيبي اخ او اخت ليويو عشان تتلخمى وياريت يكون توأم عشان تشدى شعرك وتحطى شيكولاتة وكاكاو عليه زى متحبى

انا حطيت شيكولاتة على شعرى بس بطريقة غير مباشرة

مريم واقفة على راشسي وحطت باكت الشيكولاتة على شعرى ودعكته ودلوقت بتفلينى عشان تتطلع فتافيت الشيكلاتة ومصرة تقطع شعرى معاها
ولانى بطلت اتعصب عليها (من امبارح بس) فسيباها تعمل اللى هى عاوزاة (لحد مخلص بس )وبعدين هقوم استحمى واحميها

تفتكرى اسيب ماسك الشيكولاتة على راسي قد اية؟؟؟؟؟؟؟؟؟؟؟؟؟؟؟؟؟؟؟؟هههههههههههههههههههههههههههه

سما

الله يهون غربتك ومعليش استحملى ممكن تقضى وقتك فى حفظ القرآن او اللعب مع ابنك والتليفزيون مخلاش بصراحة يعنى حاولى تتكيفى مع الوضع وتبسطي نفسك بالقوة لان لا بدائل ولالا هتكتئبى يا بنتى

هطفى على الرز واكمل رد

بالنسبه لموضوع الوزن
او لون البشره او التجميل عموما
لازم اولا احب شكلى زى ما انا فى فرق انى اهتم بنفسى
وبشرتى ووزنى وان الامر يتقلب لحاله نفسيه
واكتئاب من شكل جسمى او لون بشرتى
ومن الخطا نقل الاحساس ده للزوج
حبى نفسك وشكلك زى ماانتى لكن من الذكاء انك تبرزى
اجمل ما فيكى لان كل امراه ليها طابع معين
او ملكه معينه تختلف عن الاخرى فيكون تركيزنا على ابرازها
اسهل واجمل من تركيزنا على الناقص عندنا لانه بيسبب اكتئاب
يالا يا بنات عايزين نشجع بعض على افكار حلوه للتجديد والتجميل
لازم يومين فى الاسبوع ماسك للبشره وحمام زيت للشعر
حملة تخفيف الاكل ونطبق السنه نصف لطعامه ونصف لشرابه ونصف لنفسه
عايزين من لميا افكار حلوه نجدد بيها لبس البيت
مره حينز وبدى مره جيبه
ايه رايكو فى الحمله دى عايزين قرص منظم من عطر وانا وزوجه مصريه طلنبا رسم العين قبل كده
وزوجه مصريه كل يوم تشد علينا فى موضوع الريجيم
بما ان فى حالة كسل يالا صحصحو وعايزين افكار لنيو لوك جديد
ونحتسب النيه اننا نعين ازواجنا على غض البصر
لان بصراحه الازواج معذورين الشارع بقى صعب
فى ازمه فى القماش فالبنات مضطره انها تلبس لبس يعرى اكثر ما يستر
اكيد بسبب الازمه الاقتصاديه ومشكلة البورصه

لميا

بخصوص القعدة فى البيت

معليش اكيد انتو معندكوش خيارات تانية
وعلى فكرة القعدة فى البيت موش فظييييييعة بالعكس انا بصراحة من الستات البيتوتين وعادى جدا مع الانشغال بالزوج والاولاد والبيت الوقت بيعدى هوا

المهم الاحساس بالقناعة والرضا

وربنا يخلى النت بيقضى على كل الفراغ

روان

شكرا على الكفتة طلعت حلوة بس تقريبا انا بشرت البطاطس خشنه شوى بس عجبت بابانا ومرمر كلت صباعين بالعافية

وردة مفتحة

الف سلامة على محمد طمنينا علية


بووتا

... البقاء لله اللهم انزله منزل النبيين والصدقيين والشهداء.. اللهم صبر اهله واجرهم في مصيبتهم

كنزى

شكرا على المعلومات عن الفجل

انا كلت منه بعد نصيحة ام يوسف بس طعمة حررررررررررررراق وبيلسع كدة بس موش مشكلة

دورت على البنجر ولا لاقيت



كتكوتة


الحلوة البطوطة

اية رأيك .....دلع *دلع

مريم ياستى عندها سنة و3 شهور

وبخصوص الحلقان انا لاقيت حلقها

بصى انا بدعى دعاء لما حاجة تضيع وبأمر الله بلاقيها(اللهم رب الضاله رد على ضالتى)

وبخصوص البامية

انا بعملها عااادى جدا

بقط بصلو تومة واشوحهم بسيط وبعدين الصلصة واحط البامية تتسبك وتستوى شوية وبعدين احط الشوربة

وماما بتعملها ازاى

بصى لو بتعملى كباب حلة قبل ماللحم يستوى بربع ساعة زودى صلصة شوية وحطى البامية مع اللحم ووزودى شوية ضغنونة ماء لحد ميستوى اللحم والبامية

عروس

انا معاكى فى موضوع التغير دة

انا نفسى بجد اعمل نيو لوك صحيح انا حامل بس واية يعنى هو انا لازم ااجل لحد مولد طب الخمس شهور دول مالهم

انا هعمل زى مقولتى ماسك مرتين بالاسبوع وهعمل تقشير قبل الماسك

وكمان بداية هعمل سويت وانضف المسائل

بخصوص اللبس

معدش ينفع الكرش ظهر والجينز غلط دلوقت
بس بحاول انظم اكلى عشان وزنى ميذدش تعرفى انا يوم مولدت مريم نزلت زى اول يوم كنت حامل يعنى الزيادة بس كانت البيبي والمية حوالية لكن دلوقت انا زايدة 4 كيلو اونطة لان اول شهور مبتبقاش الزيادة واضحة فبحاول اقلل نشويات وشيكولاتة وباكل سلطة وخضار وفاكهة

السلام عليكم ورحمه الله ماشاء الله الكلام كتير مش ملاحقه اقرا وكله كلام جميل ومفيد
ام يوسف انا ساكنه في الرياض في الشمال في المصيف انتي ساكنه فين؟