عطر الشموع :

ازيكم يا بنات عاملين ايه انا كنت داخله مزقططه لقيتكم قلبتوا عليا المواجع بموضوع الغربه ده اصل الغربه دي احساس مش بالمكان يعني يمكن يا ام يوسف انت و سما بتصبروا نفسكم انكم بعيد عن الاهل و عن الاصحاب و مسيركم في يوم تتجمعوا انما انا عايشه في غربه غير طبيعيه رغم اني في بلدي و موطني و فرق شارع بين المكان اللي اتولدت فيه و اللي انا عايشه فيه طبعا مش هتتخيلوا اني حزينه كدا من جوا زي ناس كتيييير فاكريني اسعد واحده في الحياه اصلي دايما بضحك و دايما لطيفه مع اي حد و اجتماعيه انما من جوا كئاااااابه ميعلمهاش الا ربنا انا للاسف مليش اخوات غير اخ اكبر مني بكتير و مراته عباره عن شيطان في شكل ست مليش قرايب في سني كله يا اما فوق الاربعين يا اما عيال دا غير انهم كلهم في القاهره مفيش بنات خالات مفيش بنات خيلان صحباتي بتوع المدرسه و الكليه سافروا امريكا و فرنسا و استراليا ....مفيش واحده لسه هنا جوزي معندوش اخوات بنات و كل قرايبه في القاهره يعني باختصار انا لواحدييييييييييييييييييييييييييي انا و جوزي و ابني و ماما بسسسسسسسسسسسس ياما كان نفسي اتفسح مع صحابي افضفض مع حد غير جوزي انزل اشتري حاجتي و حاجه البيت مع صحابي او قرايبي بدل ما انا بطولي كل مشاعري كتماها و مخبياها منا مينفعش افضل احكي كل شارده ووارده لجوزي تعرفوا لما جيت اولد مكانش معايا غير ماما و حماتي و جوزي و بسسسسسسسس و ايام فرحي اشتريت كل حاجه لواحدي و لبست مع ماما و بسسسسسسس بجد معشتش زي باقي الناس الطبيعيه مفيش حد بيزورني ولا بزوره مبنخرجش مع اي حد انا والله ساعات بفكر يا ترى لما اموت هلاقي حد اصلا ييجي العزا ولا يعيط عليا بجد انا من جوا دايما حاسه اني مفككه و ده للاسف غير اللي ظاهر للناس جايز تكون مشكله هايفه بس مدمراني نفسيا و سبب اساسي في اكتئابي بين فتره و التانيه كل حياتي حاليه مرتبطه بالتليفون و الانترنت عارفين انا مش عايزه ابني يبقى لواحده كدا بس مفيش حد حوالينا عشان اعملله حياه اجتماعيه طبعا مش بحب اسيب نفسي للتفكير ده كتير عشان مبوظش حياه الناس الوحيدين الي في حياتي بس والله العظيم انا حاسه لو قفلت على نفسي الاوضه مش هطلع منها و مش عايزه اطلع منها من سنتين كدا قررت انزل اخد كورسات عشان اتعامل مع الناس و كم شهر و رجعت ريما و للاسف مش عارفه الاقي شغل حاليا خاااااالص رغم اني مش حابه اشتغل بس حاسه اني خلاص هتجنن نفسي اتعامل مع بنيادمين يا جماعه انا عندي طاقه اجتماعيه رهيبه بس مش بتطلع و كل ده متكوم جوايا بجد تعبت نفسيا جدااااااااااااااااااا استغفر الله العظيم ولا حول ولا قوه الا بالله فكرتوني

ازيكم يا بنات عاملين ايه انا كنت داخله مزقططه لقيتكم قلبتوا عليا المواجع بموضوع الغربه ده...