اللهم عاملنا بأحسانك .. ولا تعاملنا بميزانك
اللهم عاملنا بفضلك .. ولا تعاملنا بعدلك
اللهم عاملنا بما انت اهله.. ولا تعاملنا بما نحن اهله
اللهم عاملنا بأحسانك .. ولا تعاملنا بميزانك
اللهم عاملنا بفضلك .. ولا تعاملنا بعدلك
اللهم...
والله مليش نفس اكتب ولا اعمل اي حاجة بس اتكسفت من نفسي ان في بنات كتير سالوا عليا وعايزين يطمنوا ربنا ميحرمنا من لمتنا الحلوة وحبنا لبعض
امبارح شادن صحيت الصبح وفي حبايتين في وشها قلتلها اكيد اتقرصتي
ولما رجعت لقيتها بتهرش وزادوا في بطنها وظهرها
المهم قلت اروح انا وهي للدكتور
رحنا لدكتور الجلدية اداني كريم للحساسية وقالي ان جلد الايد مش زي جلد الظهر ونصحني ابعد عن المنظفات
شادن بقى شاكك انه تشيكن بوكس جديري مائي وقالي واديهاله تاني النهاردة يتاكده قبل ما يديها الدوا
بس انا عارفة انه هو لاني عملت سيرش وطلع فعلا شبه الحبوب اللي عنها
ربنا يستر عليا وعلى شيكو لانه مخدوش ولا انا
قبل ما ننزل بقى شيكو كان بيلعب واتكعبل في مكتبة التليفزيون فخبط في راسه الدرفة الازاز واتدشت على راسه
انا طبعا صرخت انا وابوة ومقدرتش اتحرك
وابوة نتشه من وسط القزاز
فقمت جريت خدته في حضني وقعدت ادور الحمد لله مجتش حاجة فيه فضلت انفض الازاز من على راسه وانفخ في شعره والحمد لله ربنا قدر ولطف
بس بجد ربنا انقذه انا قلت خلاص لازم راسه هتتفتح من كمية القزاز اللي وقعت عليه
ربنا يستر مش عارفة في ايه
كمان الصبح وانا جاية العجلة نامت مني وكانت حكاية
ادعولي يا بنات ربنا يعدي الفترة دي على خير ويحفظلي ولادي وجوزي واهلي ويخليهملي
انا طبعا هروح بدري اودي شادن للدكتور
ربنا يستر على اخوها بقى