ده موضوع هيفيد كل الامهات اللى عايزين يبدأوا يعودوا اطفالهم الحمام
دعواتكم جميعا لى

http://www.supermamy.net/vb/showthread.php?t=681

ما شاء الله لا قوة الا بالله يا هدى ربنا يحميها و يخليها و يقر عينك بصلاحها يارب

و احسن حاجة متعلقيش يعنى و لا تكدبى و لا تتكلمى يعنى مثلا عملنا اكل كذا و كذا و كذا من غير ذكر مين اللى عمل الحاجة
و بعدين لما حد يقولك كده ردى ان ديه محصلة طبيعية جدا لتعبك مع بنتك و انك كنتى بتحاولى دايما تعلميها شغل البيت و انصحى الناس انهم يعملوا كده مع ولادهم و ربنا يكفيكم شر العيد و الحسد يا قمر و يتم شفاء بباكى على خير


ايه ده هو انتى كمان يا جميل معندكيش أخوات و لا ايه ؟؟؟ :06::06: ده شكلى كده مش لوحدة
و اخبارك ايه و الولاد تمام ؟؟



احسن حاجة انك مش بتزهقى شطورة يا هبهوبة و اخبار الأستاذ يوسف و مغمراتة مع البوتى تمام :35:

لميا و ام روان ............ الحمد لله ان الموقع عجبكم ان شاء الله ينفع الولاد

عروس ............ افكار منورة يا قمر بصى بقى لو بحلم اننا نتقابل انا هاجيب معايا لكل واحدة فيكم كتيب صغير دينى عن الأحاديث أو السيرة او الفقة او تفسير هتسالينى ليه هاقولك ليه :35:
عشان عرفاكم شطورين و ما شاء الله ملتزمين و هتقروة و تعملوا اللى فيه كمان و بكده اخد ثوابكم ان شاء الله :hahaha::hahaha:


اما لو الأكل بقى هاجيب معايا تمر باللوز عشان الأطفال هيحبوة و ممكن كيك شيكلاتة و كيك برتقال عشان الناس اللى مش بتحب الشيكولاتة و ممكن مينة تارت و ممكن مينى بيتزا بس كده

ايمان ............... هاه يا جميل عاملة ايه دلوقتى احسن و اخبار بودى تمام ؟؟

عطر ............ عملتى ايه فى موضوع المدرسة طمنينا و معلش ليا سؤال حد يعف حاجة تقلل الحساس بالألم عند نزع الشعر و خصوصا فى المناطق الحساسة و الأبط :06:

ام سوسو .............زز ازيك حبيبتى يارب فى اسعد حال و اتم صحة و اخبار البنات و هابعتلك حاضر الأيميل على الخاص بامر الرحمن

ميرو................. تعالى يلا طمنينا على شادن و يارب تكون خير ؟؟؟

كل البنوتات الحاضرات و الغائبات صباحكم سكر زيادة

بالنسبة ليومياتى الأسبوع اللى فات كان تراب فطبعا التنضيف كان ضعيف جدا جدا جدا بس عملت حملة نضافة شخصية و عملت من فضل الله سويت و اكيد ساعتها اشتغل الصويت :06: بجد مش عارفة اعمل ايه بتعب منها جدا بس لا مهرب لأنى مش عندى سيلك بيل ربنا ييسر و اجبها

و امبارح روحت حطيت غسيل الوان و روقت الدنيا شوية و المطبخ و عملت كيك شيكولاتة كان جوزى طالبة منى و صحيت بس مش صليت الفجر للأسف الشديد ربنا يسامحنا و بعدين حطيت غسيل ابيض فى الغسالة و روقت البيت و غسلت مواعين الصبح و استحميت و توكلت على الله نزلت

فكرة كده صغيرة عايزة اوقلها للحلوين اللى عندهم اطفال لما تعملوا عصير فراولة او موز مثلا زودولة 2 معلقى كريم شانتية فى الخلاط بيخلى طعمة حلو اوى و الأطفال بيحوبا يشربوة انا كما بضيفة لما بعمل عصير للفروت سلاط دايما بحطة فى الخلاط مع الفراولة و السكر و بيطلع طعمة جميل
معلومة تانية كمان عصير الفراولة بالعسل النحل بدل السكر بيطلع تحفةةةةةةةةةةةةةةة جربوة و هيعجبكم بامر الرحمن

صباح الخير يا بنات وحشتونييييييييييييي


ام سوسو
ازيك يا قمر و ازي مينا ؟شكلها مغلباكي معاها ربنا يهديها و مجرد ما تكمل سنه ان شاء الله نظامها هيتظبط اكتر بكتييير
فينك يا قمر مش بتيجي على المسنجر ليه؟؟


روانيو
حبيبتي خلاص منتظراكي الويك اند ده في هولندا اصلي دايما هناك اروح اتغدى و ارجع على المغرب ههههههههههه
على فكره حلوه اوي التونيكات الطبيعيه دي و مكوناتها طبعا هايله للبشره و هجربها ان شاء الله


ميروووووووووووو
سلامه شوشو الف مليون سلامه و معلش يا روحي هي ساعات بطلطش كدا بس ان شاء الله فتره و هتعدي
و عايزاكي تجمدي كدا و تقفي في المرايه و تقولي انا جدعععععععععععععععععععع ههههههههههههه


منى
تسلميلي على الدعوه بالبنوته دي احسن بجد هبيييييض على بنت بس من كتر منا نفسي في بنت خايفه افكر في الحمل لاحسن يطلع ولد ...بصي هم الولاد مش وحشين بس مضايقني اوي احساس اني افضل اتعب و اربي و بعدين اقدمه هديه للمدام و بعد كدا يزور ماما في الاعياد اصلي متعقده من اخويا ...
بصي يا قمر هحطلك الرابط بتاع عروس اللي كنت عامله في موضوع عن نزع الشعر
و عن مدرسه يوسف ربنا يكرم على الاسبوع الجاي هستقر ان شاء الله بس ادعيلي ربنا ييسرلي الصح


نايس
ماشاء الله حلو اوي ال 20 كيلو بس بجد استمري خساره تضيعي مجهودك عشان شويه حاجات طعمها حلو ههههههههه بضحك على نفسي بالكلام اللي لا بيودي ولا بيجيب ...بس بجد استمري و شجعيني استمر معاكي


ايمان
ايه النيولوكات التحفه دي حلو اوي كمان اللبس بس تفتكري في من الحاجات دي مقاسات الديناصورات؟؟؟


لمياء
صباح الجمال يا ليمو هانم ..ايه فينك النهارده مش منتشره ليه؟؟لا عايزين انتشار كدا في الصفحه


عروس
يلا بقى مستنياكي انا و روانيو في هولندا النهارده على الغدا بس امانه عليكي متنسيش البصل الاخضر احسن
الفسيخ من غيره مينفعش
و عايزاكي تكتريلي خضره المحشي عشان ريحته تهفهف في الجونينه الهولنديه
و نشوف مين عليه ترامس الشاي و القهوه و كمان الكركديه
انا بقى عليا البيض المسلوق ابو ريحه ده عارفااااااه!!!!!!!!!!!!!
هههههههههههههههههه يا حبيبتي اعتقد الجنينه دي هنزورها في الاحلام
ربنا يوسع رزقنا جميعا


ام البنات
سلامه نورها ن و بجد خدي بالك عليها من الحسد لان في ناس والله بتحسد على اتفه الحاجات لمجرد الحسد
و زي ما عروس قالت كدا العين حق و خصوصا للابناء
دانا لو احكيلك يوسف بيحصلله ايه من الحسد مش هتصدقي و للاسف حماتي كل ما تشوف حاجه كويسه فيه تكلم
امه الله تقولها دا يوسف بيعمل و بيسوي و في ساعتها والله العظيم الولد يتخبط في دماغه او في عينه او يقع وقعه غريبه
دا غير العيا المستمر
تصدقي انا كنت بوديله في الحضانه مكسرات و تمر على اساس الفايده بدل الشيكولاته و البسكويت و كان بيعشقهم
و بعدين حماتي بتسال بياخد ايه فانا قلتلها بحسن نيه
قسما بالله العظيم انه رجع في الحضانه اول ما حط مكسرات في بقه و من ساعتها مش بيطيق يبص للمكسرات و لا التمر
تخيلي بقى؟؟؟؟؟كل ده عشان مش بتذكر ربنا و هي بتتكلم عن حفيدها
والله منا عارفه اعمل معاها ايه ربنا يهديها


حبيبه
يلا يا حبيبتي تعالي نعيط سوا اصلي اعز النكد اوي و خصوصا من موضوع اني بلا ناس
مع اني لما بحاول اقرب من حد بتبهدل و بيحصللي مشاكل
اصل اختك جدعه زياده و لما الناس بتحس بيحملوني فوق طاقتي و بالتالي باجي على جوزي و ابني
و من هنا تبدا المشاكل
عموما يا قمر هضيفك فوراااااااااااااااااا


ام يوسف
هوببوس اصل في واحده اعرفها اسمها هبه بقولها هوبوس
صباح الجمال يا فندم و احنا اهو تحت النظر بس انت تسال يا جميل


اما عن يومياتي
فلا جديد تنظيف سريع يومي
بغسل كتييير معرفش ليه
بطبخ سريع برضه معرفش ليه
و بسسسسس

على فكره يا بنات كلوروكس منزل حاجه كدا شبه الديتول و بنفس الريحه بس رغوي شويه و عجبني اوي و تمنه 4 و نص

السلام عليكم ورحمة الله وبركاته
حقيقى وحشتونى كلكم
وكل يوم ادخل اقرا مشاركتكم واخرج
اصلى مكسله جدا حتى ن الكتاب وبصراحة قلقانه انا فى نص الخامس تقريبا ولا حاسه بأى حركة للبيبى
مع ان ده حملى التانى
كنت عايزه اسألكم كان قلتم على خليط بيتحط فى بخاخه بنستخدمه للسيراميك والحمام واى حاجة ياريت حد يفكرنى الخليط ده مكون من ايه
وربنا معاكم جميعا

صباح الخيرات يا بنات

ميرو سلامة شادن الف سلامة ربنا يعفو عنها وطمنينا عليكي وعليها

منمن ازيك وحشتيني وازي رورو العكروتة بئى عندها اد ايه دلوقتي

وبمناسبة الكريم شانيه حطي منه على الكاكاو واضربيه في الخلاط بلبن ساقه بيبئى تحفة

مدام وائل تسلم ايدك على اللنكات بس البجامات دي عايزانا نخسلها الاول يارب اخس 5 ك قبل ما اصيف يارب

ام البنات ربنا يحفظلك بنتك من كل سوء ارئيها ومتكلميش عنها كتير

طيب انا عندي مشكلة مشابهة مع بنتي بس في المدرسة من المدرسات تخيلوا مع انها لسه صغيرة وانا مش حاسة ان فيها حاجة اوفر عن بقية الولاد ربنا يحفظها امبارح القلم دخل في عينها واعدت تعيط كتير والصبح اتكعبلت على الرصيف ووقعت وقعة جامدة ربنا يستر ويحميها مع اني برقيها الصبح

يومياتي امبارح جاتلي الحالة بتاعة الارق واني انام ابدا قلت اهد نفسي يمكن انام قمت نضفت المطبخ ومسحته بالديتول ونضفت الحمام وطبخت بليل واتهديت شوية ونمت الساعة 11 وبعدين الساعة 3 صحيت تاني ومش عارفة اعمل ايه في نفسي عشان انام فضلت صاحية للصبح هعمل ايه متعرفوش حاجات مهدئة طبيعية اعشاب يعني غير الينسون والكركديه مش بيجبوا نتيجة معايا

لميا ميرسي على اللنكات