memsi :

ازيكم يا بنات المحبة للرسول ماتنكديش على جوزك ولا على نفسك اصلا لما حماتك تقول الكلام دة خديه بحسن نية يعنى هى مش قاصدة ولو قاصدة اضحكى وخدي الموضوع بهزار انتى بس اتضايقتى ساعتها عشان كنتى تعبانة في البيت والعزومة وحسيتى انها مش مقدرة تعبك يعنى بس كبري انتى بتعملى كدة عشان ربنا اولا وبعد كدة عشان جوزك واسرتك اللى بتحبيها وبعدين الراجل باس راسك عايزة ايه تانى بقى؟؟؟؟:27: منمن ازيك وازى روان الجميلة عايزة ارغى معاكى كتير على الكلية والايام دى ياااااااه هههه ههههههه اصل انا كنت بحب الكلية اوى بوتا انا رايي انك تدفعى التامينات وتحافظى على وظيفتك يمكن يجي وقت وتحتاجيها واستخيري طبعا عطر ايوة ياعم موضوعاتك جامدة وبتتناقلها المنتديات ومش ذاكرين اسمك فين حقوق المليكة الفكرية انتى ازاى سايباهم؟؟؟؟ههههههههه بس استفدنا منه كتير جزاك الله خيرا جربت موضوع البودرة حلو جدا بس مش بيستمر كتير يعني محتاجة تحطى تانى بعد شوية وهاعمل الرشاش بتاع ماء الورد واحطه في الحمام ان شاء الله وبعدين تعالى بقى هو الولد بس اللى بيتربى وتيجي واحدة تاخده على الجاهز ماهو البنت كمان بتتاخد ما احنا كلنا بعيد عن امهاتنا :06: ربنا يخليهم لينا ام يوسف موضوع الام بتاعك عجبنى اوى انا فعلا ماحستش بامى وتعبها الالما اتجوزت وخلفت وتعبت زيها واتضايقت اوى من نفسي لما كنت بتعصب او اقول كلام مش كويس ربنا يهدينا ويخليهم لينا ونبرهم ام سوسو مقالة والدك جميلة ربنا يحفظه لميا اللنكات حلوة والفيديو بتاع البنت التركية حلو حبيبة ممكن تعملى الليفنج في الصالة او اوضة الولاد كتكوتة تسافرى وتيجي بالسلامة وبيقولوا فعلا ان الاسعار نزلت حاولى تسالى كدة لما تنزلى وربنا ييسر لكم وتحاولوا تاخدوا شقة عروس اخبارك ايه مع الماسكات عملتى كاكاو تانى ولا ايه قريت وصفة حلوة وبيتهيالى مفعولها جامد حليب ننقع فيه خيار مبشور في التلاجة لمدبة يوم ونصفى الحليب ونحتفظ بيه في زجاجة في التلاجة وكل يوم بعد مانظف البشرة نحط منه وهو ساقع عشان بيقفل المسام وينعم البشرة وكمان قريت حاجة وجربتها انك لما تسلقي البيض تحطي كم نقطة خل على المية دة بيخلى القشرة ما يتكسرش وفعلا ماتكسرش معايا

ازيكم يا بنات المحبة للرسول ماتنكديش على جوزك ولا على نفسك اصلا لما حماتك تقول الكلام دة خديه...

omyosef :

السلام عليكم ورحمة الله وبركاته وحشتوني كلكم المجتمع الناس الاصحاب الاقارب تقريبا بنسبة 90% بيدي نصائح للزوجه ( كيفية التعامل مع الزوج ) لو جوزك متضايق تعملي ايه ؟؟؟؟؟؟؟؟؟؟؟؟؟؟ لو عايزه منه طلب تطلبيه ازاي ؟؟؟؟؟؟؟؟؟ لو اتخانقتوا تصالحيه ازاي ؟؟؟؟؟؟؟؟؟ ازاي تخلي البيت جوه هادي وظريف؟؟؟؟؟؟؟؟؟؟؟ ازاي تخليه يحب القاعده في البيت ؟؟؟؟؟؟؟؟؟؟؟ظ وكم من النصايح والافتكاسات لشهريار كل الازمنه في كل البيوت خير ان شاء الله هو لازم الراجل يبقي محور الكون ؟؟؟؟؟؟ ايوه ليهم علينا حق بما يرضي الله طيب وحقنا ؟؟؟؟؟؟ مش احنا برضه وصية سيدنا النبي ليهم مش هتكلم ولا هحكي ولا هقول تفاصيل بس كلامي مش للست ألي متفاهمه مع جوزها ولا للي بينها وبين جوزها لغه للحوار فعاله في حياتهم لا كلامي للي زي حالاتي ..... للي بتحس انها اتجوزت واحد لقته بعد الجواز بقي واحد تاني ما تقولوش الخطوبه والجواز و و و انا بتكلم في طباع اتغيرت في رد فعل غريب في استهانه ولا مبالاه بمشاعر الاخر حاجات كتير ما ينفعش نبررها بأن فترة الخطوبه كلها رومانسيه و........ الي اخره هو احنا مش بشر بنضايق ونزعل ونمل ونتوتر ونشيل الهم ونتغرب ونعاني ونتعب وساعات بنعاني اكتر منهم في حاجات كتير يكفي ان لو الزوج تعب من شوية انفلونزا ممكن ياخد اجازه من الشغل علي الاقل يوم ويلاقي مراته جنبه تأكله وتديله الدوا وتوفرله جو هادي عشان ينام بهدوء.......... لكن لو الست هي ألي تعبت وبالذات لو بعيده عن اهلها تقدروا تقولولي تعمل ايه انا لما مثلا لما ولدت مريم عدت علية ايام لم ولن انساها من كتر منا كنت تعابان ومضطره أني اعمل حاجات كتير وكفايه يوسف كان عمره سنه ونصف ومن قريب جالي كذا مره دور برد شديد ينفع اخد اجازه ؟؟؟ ينفع لما اخد الدوا وغصب عني جسمي يقع من التعب وبنتي تصحي ينفع ما اقومش ارضعها ينفع ما أأكلش ولا اغير ولا اعمل حاجه ؟؟؟؟؟؟؟؟ بجد حرام طيب لما يتكرر اسلوب وحش او حاجه عارفين ان هي بتسبب المشاكل او ان دم الست يتحرق المفروض طبعا انها ماتزعلش علشان ما تبقاش ست نكديه ولو زعلت يبقي زعل خفيف وخلاص تلم الدور وتكون مستعده أنها تتعكنن تاني وده كله عشان شهريار البيت ما يقولش عليها غاويه نكد والشغل ..... حضرة المعالي الملك المتوج رب الاسره طبعا بياخد مثلا يومين اجازه من الشغل حقه ماهو الراجل شقيان طول الاسبوع خلوه يفصل شويه طيب واحنا ...... ما فيش اجازه كل يوم نفس التكرار الاكل الشرب التنضييييييييييييف الموااااااااااااعين ..................... وهلم جراااااااا امتي احنا كمان نفصل لما ننام ؟؟؟؟؟؟؟؟؟ اااااااااااه يادوبك هو ده حقنا وماينفعش نعترض ولو اعترضنا يقولوا هو ده الجواز ............ اتجوزتوا ليه انا مش بقول نهرب من المسئوليه الطبيعيه للست بس بقول كمان من حقنا ان الراجل يعرف امتي مراته محتاجه للحظة حنيه ... من حقنا انه ما يقولش كلام يضايق ويرجع يقولها نكديه من حقي لو مافيش حد غيره اتكلم معاه يقعد معايا ويسمعني من غير قلق الولاد ولا لازم الفتره دي تبقي عشان حاجه تانيه !!!!!!!! هو يعني قبل الجواز كان خارق للعاده وبعد الجواز اتحول لراجل ؟؟؟؟؟؟؟؟؟ انا افتكر كان بيعرف اني مضايقه من اول كلمة الووووو انا نفسي نبعد فتره عن بعض يمكن حاجات كتير تتغير وتتجدد بس طبعا اروح فيييييييييين ؟؟؟؟؟؟ يابنات انا مش بعكنن عليكم كل اسبوع بس انا بسألكم احنا ليه جايين علي نفسنا اوي علشان الاجر والثواب ؟؟؟؟؟؟؟؟ طيب في احلي من كلام النبي صلي الله عله وسلم : ( رفقا بالقوارير) ( استوصوا بالنساء خير ) ( خيركم خيركم لأهله ) و......... احاديث كتير لو طبقوا معانا بعض منها مش كلها والله هنكون لهم جواري لو عايزين بس جواري واحنا مبسوطين وراسنا مرفوعه مش مقهورين وحاسين بلظلم ومضطرين نرضي بالأمر الواقع

السلام عليكم ورحمة الله وبركاته وحشتوني كلكم المجتمع الناس الاصحاب الاقارب تقريبا بنسبة 90% بيدي...

memsi :

يابنات ياسمين بقالها مدة عندها امساك يعنى ما بتعملش غير كل 4 او 5 ايام براز مش عارفة بقى لانها ماعندهاش حاجة تعملها ولا امساك الدكتور كتب لها تحاميل جلسرين قالى اديها كل 3 ايام واحدة لو ماعملتش وقالى اديها عصير برتقال مخفف بالماء 10 مل بس انا ماديتهاش الاتنين واستنيت انها تعمل لوحدها لان دكتور تانى قاللى قبل كدة في زيزو انه ممكن يتعود ما يعملش الا بالتحاميل دى بس امبارح لقيتها متضايقة وكانها بتحاول تعمل فاديتها اللبوس عملت على طول والنهاردة متضايقة برده واديتها ما عملتش حاجة وقاعدة تزن مش عارفة اعمل ايه

يابنات ياسمين بقالها مدة عندها امساك يعنى ما بتعملش غير كل 4 او 5 ايام براز مش عارفة بقى لانها...