ROSHANA :

طبعا خبيرة الاكلات السريعة المريعة ميروووووووووو السريييييييييييع :) لما تدخل ان شاء الله تفيدنا بس انا هاقولك على اللى فى دماغى دلوقتى: بيكاتا سريعة بصوص كريمى شريح بفتيك قطعتها صوابع رفيعة وتبلتها بملح وفلفل وبصلة مقطعة وعصير نص ليمون من باليل الصبح جطيت شوية زيت فى طاسة تيفال وعليها اللحمة وقلب قلب تتشوح بعدين شوية مية قليل بقليل لحد ما استوت دوبت نص كيس كريمة فراخ كنور فى مية ودلقتة عليها وقلب قلب لحد ما بقى صوص تقيل ومعاها رز ابيض رغيت كتير بس هى ما اخدتش معايا نص ساعة الصبح ااقل كمان ما شاء الله وكانت ظريفة وتجديد وبولة رز فى الطبق وحواليها اللحمة بالصوص زى المطاعم بالظبط للى مش بيحبوا حاجات كنور الجاهزة ممكن استبالها بشرائخ مشروم فريش مع اللحمة والصوص يبقى ربع كوب ماء وربع كوب لبن +معلقة نشا قلب قلب تدى نفس نتيجة الصوص ================================ فيلية فراخ متبل ب ملح +فلفل+قرن فلفل+بصلة+قطعة جنزبيل+بهارات فراخ+بودرة مستردة يقلى ببيض وبقسمات ومعاها مكرونة بصوص نابوليتان حتة زبدة وشوية زيت زيتون عليهم معلقة صغيرة زعتر نقلب تقليبتين الزعتر ريحتة تبان نضيف عصير طماطم فريش او صلصة ونقلب تتسبك نخفها بشوية مية وملح فلفل وخلاص للى بيحبوا سبايسي يضيفوا مع الصلصة نص معلقة هريسة بتدى ريحة وطعم واااااااااااااااااو =================================== فرخة صغيرة تغسل جيدا وتحشى من الداخل وبين الجلد واللحم بنفس الخلطة السابقة وتشوى فى الفرن على عمود الشوى واللى معندهوش ممكن صنية فيها مية وفيها زجاجة بيبسى فيها مية ونلبس عليها الفرخة ومعاها مكرونة بالخضروات شوية زيت ومعاهم بصلة مقطعة تتشوح وبعدين نضيف بالترتيب مشروم و جزر مبشور وفلفل رومى الوان و زيتون اسود مقطع واخيرا عصير طماطم فريش نقلب نقلب و نتبل ب ملح وفلفل وشوية زعتر ونزبط تقل الصوص ونخفة لو عايزين بشوية مية وبالهنا والشفا ================================ من الاكلات السهلة برضه سمك مقلى وسمك سنجارى بخلطة فى الفرن وممكن جمبرى بصص كارى كانت دينا كاتبلنا الطريقة حلو اوى هادور عليها واجيبهالك ويا رب تكون افكارى عجبتك :) وربنا يوفقك فى المجلة وانا حجزة اول نسخة :)

طبعا خبيرة الاكلات السريعة المريعة ميروووووووووو السريييييييييييع :) لما تدخل ان شاء الله...

ام مريم العسل :

انا النهاردة مداومة فى المنتدى بابانا نايم وجنبة مريومتى التنين شكل بعض موووووووووووت حتى نايمين زى بعض ربنا يحفظهم بكرة عندى غسييييييييييييييييييييييييييييييييييييييييييييييييييل بقالى اسبوع ااجل فية بس خلالالالاص ان شاء الله لازم يتغسل وممكن اغسل سجادة الليفنج على الناشف كدة وترويق سريع وممكن اعمل بكرة حواوشى او كفتة فى الفرن يلا يالميا عاوزة الطريقة عشان اديكى شقفة بسبوسة

انا النهاردة مداومة فى المنتدى بابانا نايم وجنبة مريومتى التنين شكل بعض موووووووووووت حتى...