السلام عليكم ورحمة الله وبركاته

ازيكم يا حلوين النهاردة كانت حفلة يوم الام عند كوكي في الحضانة بجد من اول ما ابتدت وانا عمالة اعيط ربنا يحفظ ولادنا ويرزق كل اللي نفسها في ولاد يارب

صحيح ماما وزوجي ندلوا ومجوش ومتغاظة اوي منهم وهزلهم على الصور بس الولاد كلهم ما شاء الله لا قوة الا بالله ربنا يخليهم لاهاليهم زي السكر

كهرمانة انا بضرب البيض والسكر والزبدة او الزيت بمضرب البيض او في الخلاط وبعدين اقلبهم في حاجة واحط الدقيق بالبكنج بادور بالتدريج واقلب معلقة خشب كويس اوي وبتطلع كويسة اي كيكة باي مقادير بالطريقة دي

ماما زوزو كنت كتبت لحضرتك كام اكلة سريعة لو مخدتيش بالك منهم اوليلي اعدهوملك بدل ما تدوري في المشاركات

ميرو يا بتاع السريع اخبار شوشو ايه يارب تكون اتحسنت

ام البنات ربنا معاكم ويعفو عنه بس خليه طول الوقت يقول يا مغيث اغثني وربنا يهون عليه ويخفف المه يارب

بنات ما شاء الله على ولادكم كلهم ربنا يحفظهم من كل سوء بس شيلوا صور الولاد

كل صور ولادكو فى التجمع عسلات ما شاء الله
ام يوسف
معلش انا كمان مش عاوزه اكتب اسمىمع انه برده اسم متكرروكتير عارفينه هنا
بس انا كتير من اقارب زوجى بيدخلو على النت وخصوصا اخته وعى المنتدى هنا فاانا بحب اتكلم براحتى واقول الى انا عاوزاها بدون اى قلق ممكن تكتبيه حبيبه اوسو عادى

ام البنات
صبرا فاءن موعدكم الجنه ان شاء الله
وياريت تقوليلى فين مكان الرويه بتاعتك عاوزه اقراءها

امبارح
دخات اخدت شور من الى هو وولعت شمعه مع ان النهار كان طالع وتلدعت من الميه السخنه وعملت كوب بردقوش ولما هديت لبست ونزلت اتمشيت من على الممشى واتفرجت على منظر البحر بجد جميل وهدوء للاعصاب
ورحت اشتريت شويه حاجات للبيت كنت محتاجاها
ولما روحت كانت نفسيتى احسن الحمد لله وفرق معايا
لانى بصراحه كنت مليت من املل يا جماعه التغيير مهم جدا عشان نعرف نواصل

صباح الفل والورد والياسمين


اليوم كله نشاااااااااااااااااااااااااااط


صحيت الصبح انا ومرمر مع بابانا وعملت لمرمر رضعة فنامت تانى

كان عندى غسييييييييييييييييييييييييييييل كتيييييييير وعبياتى السمرا كمان كانت عاوزة تتغسل

غسلت واثناء الغسيل بدأت ترويق واول حاجة نفضت كراسى الليفنج والصالة ولمعت الاخشاب والكمبيوتر والتليفزيون والمكتبة وكنست السجاجيد وبعدين جبت طبق فية كلوركس الوان وفيرى وماء وليفة خشنة وفرشة ودعكت سجادة الليفن وبعدين بفوطة معصورة بماء وككومفرت وديتول مسحت السجادة وشغلت المروحة وبقى شكلها توحفن على رأى شوشو بنت ميرو

مريم كانت مبهدلة الدنيا اكل وعصير وشيكولاتة أأأأأأأأأأأأأأأأأأأأأأأأأأأأأأأأأأأأأة شيكولاتة فى كل حتة البت دى سنانها هتسوس قبل متطلع انا خبيت علبة البسكويت بالشيكولاتة بس لاقيتها عرفت مكانها

انتو بتغسلو اسنان عيالكو ازااااااى؟؟؟؟؟؟؟؟؟؟؟؟؟؟؟؟؟؟؟؟؟؟ اللى هما فى سن مريم

وبعدين غسلت التواليت والحوض وروقت اوضة النوم بشوييييييييييش عشان مرمر متصحاش

ودخلت المطبخ ونضفته كان نضيف من امبارح وعملت بليلة وسيبتها تستوى على نار هادية

واليوم كفتة ومكرونة وسلطة وبطاطس محمرة

ولما الغسيل خلص كنت برضة خلصت نشير لانى بغسل واشطف واحطة فى النشافة واول ميطلع انشر على المنشر اول بأول

وبعدين جبت جردل فية فيرى وديتول وكومفرت ومسحت الشقة (يعنى الاماكن الظاهرة وشيلت السجاجيد اللى ممكن تتنشال ومسحت غرفة نومى بشوييييش برضة

وقلت اريح شوية وجيت اقرا اللى فاات


خلالالالالالاص خلصت

بس هصبع الكفتة واعمل المكرونة والسلطة والبطاطس وااكل مرمر كورن فليكس مطحون اول متصحى(اله يخليكى ياهبة بقت بتحب تاكلة)

ام يوسف

ياريت لو هتتحفينا بحاجة وتكتبى فيها اسامينا

اكتبينا ام مريم

انا بحبه اكتر بجد دة احلى


ام البنات

الله يشفى الوالد ويطمنك علية ياااااارب


ام سوسو

انتى فيييييين
واخبارك اية
انا عارفة انك مستنية يوم الجمعة على احر من الجمر عشان الدكتورة تطمنك

ابقى طمنينا انا هدخل النت الجمعة مخصوص عشان اطمن عليكى انا عارفة معادك بدرى قوى الله يعينك

بصى قالو ان السمسم بيظبط كل هرمونات المرأة بس لازم يتمضغ على مهل يعنى كل يوم ملعقة سمسم وتفضلى تمضغى على الاقل من 10 الى 15 دقيقة بجد لية فوايد عجيبة هحاول اجيبهالك بس موش عارفة انا حافظاها فيييييييين


ميرو

اية باب الطفل دة اللى انتى قفلتى بيه الصالة لانى محتاجة واحد للمطبخ


مرمر

حمدالله على السلامة ياقمر

بصى بالنسبة لبراهات الرضاعة فى الغالى والرخيص فى الهرم دة رخيص ب15 ريال تقريبا

انا جبت منه مرة ومعجبنيش وجبت من سيتى ماكس الواحد 30 ريال تقريبا بجد تحفة وفى سيتى بلازا واحسنهم فى مذركير بس ناااااااار يعنى فى التخفيض بيبقى ب50 فى غير التخفيض معرفش لانى مبروحش الا فى التخفيضات

ماما زوزو

بالنسبة للاكل السريع اسرع اكلة بعملة صينية السمك

بجيب سمك باغة اوتونة منضف واحط علية دقة فلفل وثوم وكمون وبهارات وقطع طماطم وبصل وشوية زيت واحطة فى الفرن وبس

مفيش اسهل من كدة وبناكله بعيش


يابنات كان فى حد سألنى عن القرنبيط البانية

واسفة انى مردتش علطول بس والله كنت كاتبة رد طويييييييييل واتمسح معرفش لية

القرنبيط نقطعة ونسلقة فى ملح وكمون وماء وبعدين نضرب بيض ودقيق وملح وكمون وشوية ماء حسب النظر كدة ميكونش سايل ولا متماسك ونغمس فية القرنبيط المسلوق و ونحمرة فى الزيت