ezayoko ya banaaaaaaaaaaaat missed u
bas el computer ethabal w mush rady yekteb arabic
aslan i wasent able to register and at laaaast miro wrote my name so i ve copied it
i ll try to repair the error as i really missed u loaaaaaaaaaaaads

عطر ربنا يرجع لجهازك عقله ان شاء الله كنتي علي بالي امبارح كنت بشوف فيلم وفيه ام اجنبيه وحرمت باباه انه يشوف ابنه ومش عارفه باين بعد سنه او اتنين شافه المهم طبعا الولد كان رافض يكلمه اوم ايه هشام سليم راح وزع علي كل الاطفال ايس كريم فري علشان ابنه يجيله هما كانوا في حديقه طبعا وبس بعد كده الولد راحله واتعلق بيه وافتكرتك وقلت اقوللك لان فعلا الطفال الحاجات الصغيره ديه بتاثر فيهم زي كل البنات ما قالولك وربنا يكون في عون اخوكي

انا جييت اهو بالعربي
بصوا اصل الاتنين كمبيوتر اتجننوا
واحد بيكتب عربي بس مش راضي يشغل المسنجرات
و التاني شغل المسنجر بس مش راضي يكتب عربي
و على راي اختي العزيزه ميرو قالتلي قلبيهم على بعض و هما يتظبطوا ههههههههه

روانيو
والله فرحانه اني جيت على بالك و بجد حاجات صغيره فعلا بتفرق بس دول اصلهم متحصنين ضدنا
يعني بجد حتى لو جبتلهم حاجه حلوه يقولولي مش عايزين عشان ماماي قالت السوسه هتيجي في سنانا

اجيب هديه يقولولي مش حلوه اصل مامي جابتلنا احسن منها

اقولهم احكولي عن المدرسه و اصحابكم

يقولولي مش فاكرين اصل مامي قالتلنا ننسى

هما اينعم اطفاااال بس استغفر الله العظيم تقمصوا دور الام و بقوا فعلا مسخ لاهم اطفال ولا فيهم براءه ولا هم كبار و فاهمين

عايزه اقولكم عيلتنا كلها بترفض التعامل معاهم و بيقولوا احنا بنخاف لا يشتمونا اصلهم بجد معاملتهم معانا بشعه

ربنا يهدي مامتهم عشانهم

بما ان عندي دور برد محترم انا و الكابتن يويو فطوول اليوم معملتش حاجه حتى الغدا كان باقي لقيمات من امبارح و بسسس

المهم شفت برنامج على قناه الحياه 2 و كانوا مستضيفين دكتوره طب نفسي و بيتكلموا عن موضوع الساعه

اللي هو الملل الزوجي<<<<<<<طبعا عارفينه

المهم اختصرت في كام حاجه اولهم (دلعي نفسك لنفسك )

اعملي حاجه بتحبيها و ارتبطي بيها و ميكونش قصدك تتقربي منه انما ادلع نفسي

يعني قالت ادخلي قوضتك و ارقصي

قالت اعملي كوبايه قهوه و روحي في مكان بعيد في البيت و اشربيها و جانبك زرعايه و موسيقى هاديه

و قالت ان فكره دلعك لنفسك بتستفزه انه يقرب منك لانه بيشعر بالغيره لان في حاجه تانيه واخداكي و مخلياكي مبسوطه

و بالتالي بيحاول يدخل معاكي في الموود او يجرب اللي انت بتعمليه و دا طبعا بيكسر الملل جداااااا

كمان قالت نقطه مهمه جداااااااااا

الا وهي بلااااااااااااااااااش الدقه و المواعيد و النظام الصارم

يعني لازم يكون في تلقائيه في الحياه شويه

يعني مش لازم ناكل كل يوم في نفس الميعاد و في نفس المكان و في نفس الوقت

مش لازم نعمل كل يوم نفس الحاجه ايا كانت

لازم تغيير في نص اليوم ابتعدوا قدر الامكان عن الدقه لان الزوج بيكره النظام و الدقه

(((((((((((((((((طبعااااااا اكدت ان لازم يكون في تغيير جذري في العلاقه الحميمه )))))))))))))))))

و شبهت الموضوع بفكره الافلام العربي القديمه بمعنى اننا اكيد بقينا بنكره الفيلم القديم و الفكره القديمه في الفيلم

و ده نفس الحال في العلاقه

و طلبت حاجه عجيبه جدااااااااااا و انا مستغراباها يا بنات !!!!!!!!

طلبت ان الزوجه تتفق مع زوجها على التمثيل !!!!!!!!

يعني اعملوا انكوا بتمثلوا شخصيات مختلفه و اتفقوا انكم تنسوا الفيلم بعد الانتهاء لعدم الاحراج

و قالت ان الفيلم ده خلوا كل حاجه في مختلفه من حيث الكلام و الطريقه و المكان و الملبس !!!!!!!

و بسسسسسس

الصراحه كان برنامج حلو اوي بس انا مش متخيله فكره الكليب الصغير ده ؟؟؟؟!!!!!!
يعني اعمل نانسي عجرم ؟؟؟؟؟وهو يعمل راغب علامه ؟؟؟

بجد لو عندكوا فكره قولوا لاني فعلا هتكسف اقولله فكره كدا دا غير انه ممكن يفتكرني اتجننت على دخله التلاتين هههه

هو انا مقلتلكمش ؟؟؟!!!!!!!!!!!!!!

هكمل التلاتين بكره اهئ اهئئئئئئئئ خلاااااااااااااااااااااص فات زمن الدلع

عطر يا قمر كل سنه وانتي طيبه والله زمان .......... فينك

عندي كلام كتير بس مش هقدر اكتب دلوقتي عشان محمد علي وصول وخارجين بس انا قلت ادخل اشوف اخباركم ايه

ام سوسو فعلا كلنا قلقانين عليكي يا حبيبتي ......... ياريت تدخلي تطمنينا

ام مريم ... في معجون سنان للاطفال وهاتلها فرشه صغننه وما تخفيش لو بلعته عادي

ام البنات ما شاء اله لا قوة الا بالله ربنا يخليهملك ويفرحك بيهم يارب

باقي البنات بسلم عليكم كلكم يالا سلام مؤقت