عطر الف سلامه عليكى وعقبال مية سنه
رشا صبغة طبيعيه للشعر حطى مع الزبادى نسكافيه وكاكاو ومفروض حنه لكن بعد الهايلايت
كهرمانه تعالى اقول لك خلاصة تعبى مع شعرى
عملت زيت القرفه كوب زيت ذره او عباد سخنته وعليه معلقتين قرفه كبار وعبيته فى زجاجه
بعمله حمام زيت مرتين فى الاسبوع ومعاه ملعقه كبيره كاكاو بدون سكر بتنعم الشعر جدا
بغسل شعرى بشامبو والزيت ساعه وبعدين بغسله بشامبو
وبعمل البلسم ده اى كريم شعر ملعقه مع ملعقى عسل عشر دقائق ويشطف
ولعلاج نفشة الشعر تغلى نعناع وتشطفى شعرك بيه بيمنع النفشه تماما
جربى وطمنينى دى خلاصة تجربتى ولا احلل استخدامها لغير المحجبات
رشا البردقوش ان شاء الله آمن فى الاستخدام لكن كوب فى اليوم
واى اعشاب كثرتها مضره
عطر موضوع الدلع كلامه صح وجميل لكن التمثيل حاسه انها صعبه
يا جماعه حد يعبرنى فى موضوع صحبتى نبض الجنين وقف
من اسبوع والدكتور بيقول لها ارتاحى تماما وممكن النبض يرجع
الكلام ده صح هل فعلا ينفع كده ياريت ال عنده فكره يقول لى
عطر الف سلامه عليكى وعقبال مية سنه
رشا صبغة طبيعيه للشعر حطى مع الزبادى نسكافيه وكاكاو ومفروض...
معاكي خطوة بخطوة عشان ان شاء الله تعرفي تعلميه
بسم الله نبدء
اولا: السن المناسب لتعليم الطفل يبدء من سنه ونص وانتي وشطارتك بس السن ده ان شاء الله مناسب ممكن يتاخر في الاولاد شويه بس لو طولتي عن سنتين هتتعبي اوي
ثانيا : هتحتاجي ايه؟ هتحتاجي تقعدي في البيت حوالي اسبوعين يعني حاولي ترتبي نفسك ان الفتره دي مش هتخرجي الا لو حتروحي لوالدتك ، وكما هتحتاجي غيارات داخليه كتيره شويه بناطيل وغيارات داخليه .
خلاص جهزتي نفسك وناويتي
توكلي على الله
اول حاجه تساعدك في الامر ده الدعاء والاستعانه بالله ثم الدعاء ثم الدعاء
والله بجد مش هتقدري الا اذا اعانك الله
ثاني شيء الصبر اصبري عليه خالص وممنوع الصراخ او الضرب او التعنبف
هتبدئي ان شاء الله من الصباح تخلعي البامبرز وتلبسيه غيار داخلي وبنطالونين او سرواليين عشان لو مقدرش يمسك نفسه يكون البلل في البنطال مش على الارض
هتقعديه على الحمام حوالي كل نصف ساعه في الاسبوع الاول وممكن اقل يعني بنتي كانت بتدخل كل ثلث ساعه لانها بتشرب مياه بكثره جدا فابلتالي بتدخل كتير
حاولي تشجعيه واصبري عليه خالص لان في الاول هيبقى مستغرب الوضع واحنا ياكبار لو سافرنا او ذهبنا لمكان اخر ممكن يتاثر عندنا الامر فما بالك بالطفل
التشجيع بقه قوليله لو عملت في الحمام اعطيك حلوى او شيكولاته
ورددي دايما على مسامعه لما نحب نعمل حمام او بي بي لازم نقول لماما وما تياسيش وتقولي مفيش فايده في انا قلتله كتير وبرده مفيش فايده
لا ء اصبري ولا حظي ان دي عضله لها نمو وبتاخد وقت عشان يقدر يتحكم فيها اديله ثقه في نفسه حتى لو كررها ومقدرش يتحكم في نفسه
هتزيد الفتره بقه في الاسبوع الثاني يعني كل ساعه ومتستنيش لما يطلب منك بس زي ما قلتلك كرري دايما على مسامعه انه يقول وهو في الوقت المناسب هيقولك ان شاء الله
طبعا قبل ما ينام هتلبسيه تاني بس لفتره بس
لانك لما تحسي انه بدء شويه يتعلم طول النهار هنيجي لخلعه عند النوم
هتحاولي تدخليه الحمام قبل النوم مباشره وتلبسيه البامبرز واول ما يقوم من النوم تخلعيه ويدخل الحمام وده هيعطيه ثقه في نفسه لانه ان شاء الله يعمل الصبح
لما تبدئي تلاقي البامبرز جاف ابدئي مرحله خلعه وهو نايم وتاكدي من دخوله قبل النوم واول ما يصحى
لو بتقومي تصلي الفجر حاولي تدخليه بس مش كل الاطفال بيعجبهم كده بنتي التانيه كانت تبكي وترفض تماما ولما تصحى تدخل فشوفي طفلك ايه يريحه وماتنسيش تفرشي شيء على السرير ولو عمل وهو نايم لاتلوميه اصبري عليه وشجعيه
طبعا اذا خلعتيه في طول النهار وفي الليل حاولي متستعمليهوش تاني عشان هيكسل تاني ويرجع يريح نفسه فخلاص لو هتشيليه يبقى خلاص
بداية تعلم الطفل الجلوس على الحمام أو النونيه وتدريبه
لا يوجد سن او عمر معين لبدء تعلم الاطفال وتدريبهم على الحمام لان كل طفل مختلف عن الاخر
فقط يمكن ذلك اذا كان الطفل قادر على التحكم فى عضلات المؤخرة والمثانه
وتتطور هذه العضلات ما بين 18- 36 شهر
لذا يجب تعود الطفل وتدريبه على استخدام الحمام عامة من عمر سنتين على الاقل
اختارى الوقت الصحيح لبدء تعليم الطفل
اذا امكنك احضار نونيه للحمام لاعطاء الطفل فرصه لتدريبه للجلوس عليها كل فتره باستمرار
علامات اخرى تدل على ضرورة بدء تعلم الاطفال الحمام
1- اذا تمكن الطفل من الجلوس على النونيه دداخل الحمام
ويستطيع النزول وحده دون مساعده
2- يستطيع ان يخبر الام عندما يريد الذهاب للحمام
قديما كان الاباء يبدأوا بتعليم اطفالهم التعود والجلوس على النونيه فى وقت باكر ليتخلصوا من غسيل الحفاضات القماش
وكان يوجد وقتها نسب لنجاح محاولاتهم ولكنه يعتمد على التوقيت الصحيح لبدء الابوين فى ذلك وقدرتهم على المواصله
والاطفال مع قدرتهم على التحكم فى امعائهم ومثانتهم الا انهم قد يقضوا وقتا طويلا بالجلوس على النونيه وينتظر الابوين لحدوث شىء
والدرسات اثبتت ان الاطفال الذين بدأوا التعود على جلوسهم على النونيه وتدريبهم الحمام باكرا وقبل 18 شهر غير قادرين على التعود كاملا قبل سن 4 سنوات
وان الاطفال الذين بدأوا التعود على الحمام فى عمر سنتين تقريبا كانوا اقدر على التعلم بسرعه على التعلم قبل اتمامهم السنه الثالثه
قواعد بدء تعليم الطفل الحمام
- اختيار نونيه ( قاعدة حمام ) تدخل بالتواليت او البوديه المخصص للكبار
- ابدأى بشرح اسباب عدم استخدام الحفاض مره اخرى وانها فى وقت تستطيع فيه تعلم الجلوس على النونيه
لان الحفاضات تمتص البلل مما تجعل الطفل لا يشعر بالبلل
والاجدر ان تتركه الام فى بداية تعلمه دون حفاض مع عزمها على البدء والصبر لمواجهه الفوضى التى سيسببها الطفل فى بداية الاستغناء عن الحفاض
-وضرورة غسل مؤخرة الطفل بعد اى بلل او اتساخ حتى لا يسبب التهابات
علامات اخرى تدل على بدء ضرورة تعلم الاطفال الجلوس على النونيه
- عندما يستطيع الطفل ان يخلع البنطلون او الكلوت والحفاض وحده دون مساعده
- يستطيع الطفل الاعلان عن رغبته فى دخول الحمام عند الاحساس بحاجته حتى اذا كان يرتدى حفاض
- مشاهدة الطفل لكى ولباقى افراد الاسره اثناء استخدامكم التواليت
- تستطيع الجلوس على النونيه واستخدامها قبل وقت الاستحمام
- وعلى الام اختيار لوقت المناسب بعيدا عن الظروف الطارئه
فلا يجب ان تعلم الام طفلها الحمام اثناء انتقالها من منزل لاخر
وايضا فى حاله وصول طفل اخر أخ له
- عدم اخذ الطفل وجلوسه على الحمام الا بعد سؤاله هل تريد الجلوس على النونيه
فان اجاب ب ( نعم) فتستطعين اخذه للحمام كل فتره قصيره
لان الطفل قد ينسى حاجته او انه يريد الذهاب للحمام
وعلى الام ان تتوقع ايضا بعض الفوضى فى فترة التعلم وعلى الام تذكير طفلها لماذا يجب استخدام النونيه
وعلى الام الا تغضب بسرعه فى وجه طفلها اثناء تدريبه لانه ممكن ان يحصل رد عكسى من الطفل بالسلب تجاه عملية التعلم
ميزة تعلم الطفل دخول الحمام فى عمر اكبر
بأنه سيصبح اكثر اعتمادا على نفسه فى دخول الحمام ويغسل نفسه جيدا
وهذا هو الوقت المناسب لتعلم الطفل كيف بغسل يديه جيدا بعد كل استعمال للنونيه.
تذكرى الاتى
اشترى نونيه سهله التنظيف وذات الوان مبهجه
اسألى طفلك ان يدخل الحمام قبل خروجكم معا
- و اخيرا تذكرى ان الصبر مفتاح الفرج