السلام عليكم ورحمة الله وبركاته
ام سوسو شفاكى الله وعفاكى وربنا يسخر لك زوجك
الوصفه دى كان قال عليها دكتور عادل عبد العال لعلاج تكيس المبايض
زنجبيل وقرفه وهيل وحشيشة الزوفه
تخلط مقادير متساويه من كل صنف ونضع ملعقة عليها كوب ماء مغلى
يغطى عشر دقائق ويشرب مره فى اليوم
شهيده اتمنى تفضفضى معانا عشان نقدر نساعدك لان مش عارفه احدد المشكله ال مضيقاكى ايه
هبه منصور جزاك الله خيرا المقاله ال فى الرابط رائعه احتفظت بيها
اتمنى يا بنات تقروها لانها مهمه لنا قبل بناتنا
كهرمانه الكلمه الطيبه صدقه مش ضعف منك ولا ازلال لحد بدون عتاب او فتح للمواضيع
اتصلى عليها وقولى لها انك بتحبيها وهى اخت لكى ولوفى حاجه مزعلاها منك فهى بدون قصد طالما لها مواقف كويسه بلاش تخسريها
كل البنات سلام سريع لان يوم الاجازه بيكون صعب
توته ان شاء الله ارد عليكى فى موضوع الكيك
سبحانك اللهم وبحمدك اشهد ان لااله الا انت استغفرك واتوب ليك

بنات انا كنت قلت السر ده قبل كده لكن عشان فى بنات جداد حبيت اقولها
عند قلى البطاطس تقطع واضع عليها ملح وتوم بودره او بدون مش مشكله
وقبل التحمير الجزء ال حا يتحمر ارش عايه دقيق
النتيجه بطاطس مقرمشه ومش بتشرب زيت خالص
نفس الحكايه الباذنجان يرش بالدقيق قبل القلى
طريقه كمان شفتها لمنال العلم وجربتها
وقت التحمير غطت الطاسه بغطاء مخرم شبه الصينيه
فانا غطيت الطاسه بمصفاه المونيوم
والنتيجه عدم رائحة قلى وتحافظى على البوتجاز من الدهون
وانا مخصصه حله للقلى لانها بتقلل خروج الدهون وقت القلى
توته كيكة جوز الهند هى بتكون مابين الكيكه والبسبوسه وبتكون هشه وخفيفه
كوبين دقيق يضاف لهم كوب جوز هند وممكن كمان زبيب وملعقكبيره ب ب
نضرب فى الخلاط تلت كوب سمنه وتلت كوب حليب ونصف كوب سكر
تخلط وتضاف للدقيق وبعد خروجها من الفرن تسقى بالعسل البارد
والجبنه المستخدمه للحلويات ممكن الشيدر او المثلثات
لو مش عندك عجان او مضرب كيك يبقى الخلاط العادى يفى بالغرض
واى استفسار انا معاكى

شكرا يابنات لكل اللي ردوا علي في الاستشارة العائلية دي وباذن الله هكلمها بس يارب متكسفنيش وان حصل خلاص ثوابي عند ربنا ان شاءالله

عروس النيل.....طريقة البطاطس دي انا بعملها ومبقتش بستغني عنها بقطع البطاطس واحط علي الدقيق ثوم مهروس وملح وفلفل وشوية ريحان واعشاب واقوم غاسلة البطاطس الاول عشان تعرق وتشرب من كله واقوم حاطه البطاطس في كيس الدقيق والتوابل واقفل عليهم لحد الزيت مايسخن بتلاقي البطاطس عرقت وكل دة مسك فيها بتبقي رووووووووعة انتي عارفة دة وفرلي كيس بطاطس جاهز كنت بجيبه هنا غالي واما لقيت الطريقة دي تركته للابد

وبرضو الباذنجان بغطسه في الدقيق لانه كان بيقضي لي علي زجاجة الزيت
شكرا علي المعلومات الحلوة

عروووس انا حطيت سؤال في ملف الاستشارة بس محدش بيدخل هناك مش عارفة ليه...
تعرفي حشوة حلوة خفيفة للبف باستري علي العشا؟؟؟

السلام عليكم ورحمه الله وبركاته
ازيكم كلكم جمعه مباركه عليكم جميعا
عندي طلب وعارفه انكم هتنفذوه محتاجه جداااااااااااااااااااااااااااااااااااااااااااااااااااااااا(دعائكم لنا بظهر الغيب ان ربنا يفرج كربتنا) لأن بيتي اتسرق منه مبلغ كبير ومش بتاعنا الحمد لله علي كل حال بس نفسيتي تعبانه شويه ولسه مخضوضه من اللي حصل سلام
سبحانك اللهم وبحمدك اشهد ان لا اله الا انت استغفرك واتوب اليك